محتويات المقال
بمجرد ما الأم تتأكد إنها حامل، بيكون أول سؤال وأكتر شيء مثير للفضول هي نوع الجنين إيه؟ علشان كده، جدودنا زمان ابتكروا أنواع اختبارات متنوعة جدًا، وفيه منها البسيط وفيه منها المعقد علشان يجاوبوا على السؤال ده، الجنين ذكر ولا أنثى؟ الحقيقة واللي العلم والتطور أثبته إن ولا اختبار منهم نتيجته حقيقية 100% أو مضمونة بشكل كبير، وإنها مجرد اجتهادات بتصيب أحيانًا وبتخطيء غالبًا. هنستعرض معاكي، هنا في المقال ده، مجموعة من طرق معرفة نوع الجنين الغريبة دي، واللي فيه منها بيرجع لأيام قدماء المصريين، وفيه منها اللي من دول مختلفة. الاختبارات دي بتكون مرتبطة أساسًا بثقافة البلد اللي ظهر فيها الاختبار ده، وكلها بتدور حول إجابة السؤال اللي بنعرف نكشف منه نوع الجنين، فخلينا نستعرض إيه هي الطرق دي.
طرق طبيعية لزيادة السائل الأمينوسي حول الجنين
أغرب طرق معرفة نوع الجنين
العلامات اللي هنقول لك عليها دي، هي أشهر العلامات اللي كانت بتعتمد عليها الجدات زمان في تحديد نوع الجنين. وزي ما قلت لك قبل كده، كلها مش حقيقة، وغير علمية، وغلط، حتى لو صادف منها حاجة تطابقت مع حالتك فهو من قبيل الصدفة بس.
العلامات
-
نفسك مسدودة
لو حسيتي إنك مش قادرة تاكلي لحوم وأجبان، فده غالبا علامة على الحمل في ولد.
معدل حركة الجنين شهر بشهر .. لو حامل أول مرة
-
بتشربي عصير كتير
لو لاقيتي نفسك رايحة لشرب العصير كتير، وخصوصًا لو برتقال يبقى غالبا حامل في بنت.
-
مشتاقة للأكل المالح
من الخرافات برضه عند الناس زمان إنك تلاقي نفسك رايحة للأكل المالح زي المخلل، بيعتبر علامة على الحمل في ولد.
-
الهرمونات عاملة الواجب
لو حسيتي إنك حساسة زيادة عن اللزوم وإن الهرمونات مخلية الدنيا عندك في حالة عصبية دايمًا، فإنتي حامل في بنت.
-
بطنك نازلة لتحت
حسب برضه اعتقاد الناس زمان إن لما الأم تكون بطنها منخفضة أو نازلة يعني لتحت فديه علامة على الحمل في ولد.
فيروس CMV في الحمل وصحة الجنين
-
مافيش غثيان صباحي
من العلامات اللي بيقولوا إنها مميزة للحمل في بنت، إن الأم مش بتعاني من غثيان الصباح ده في شهور الحمل الأولى.
-
حاسة بصداع على طول
لو الأم حست إن الصداع عرض مستمر معاها في أول الحمل، فده علامة على الحمل في ولد.
وزن الجنين شهر بشهر خلال شهور الحمل
-
حجم الثدي
رغم إن أي أم حامل بيحصل زيادة في حجم الثدي عندها، إلا إن الاعتقاد السائد بيقول لو الحجم زيادة جدًا فده معناه الحمل في بنت.
-
بشرتك في منتهى التألق
من العلامات كمان اللي بتعتبر متداولة جدًا إنك حامل في ولد، إنك تلاقي بشرتك بقت متألقة جدًا، وبتلمع ومشدودة.
مراحل تطور الحمل وتكوين الجنين شهر بشهر
-
وجهك منتفخ
على العكس في الحمل في بنت، بيكون وجه الأم منتفخ وأوقات كمان بتظهر عليه حب الشباب.
-
عندك أرق
لو حسيتي إنك مش عارفة تنامي وعندك أرق غير مبرر رغم إنك تعبانة، فده بيتاخد على إنه علامة على الحمل في ولد.
خطورة المشيمة المنخفضة (النازلة) على الجنين
-
جوزك ما تخنش
هو أنا حقيقي مش عارفة إيه الربط ما بين تخن الزوج ونوع الجنين، بس بيقولوا إن لو الزوج فضل محافظ على وزنه، فده علامة على إن الجنين بنت.
-
مناخيرك كبرت
لو حسيتي إن مناخيرك كبرت بشكل ملحوظ خلال الحمل، فده بيتاخد على إنه علامة على الحمل في ولد.
أجمد 10 أفكار للإعلان عن نوع الجنين
-
شعر رجلك زاد
لو الأم لاقت إن شعر رجلها زايد، أو بينمو أسرع من المعتاد فدي علامة على إن الجنين بنت.
أضرار التدخين على الحامل والجنين
تقدري تقولى إن دي أشهر العلامات اللي كان بيعتبرها الناس زمان دالة على نوع الجنين. تعالي بقى دلوقتي أقول لك على اختبارات منزلية كانت بتعملها السيدات زمان علشان تكتشف نوع الجنين، واللي هي بالمناسبة كلها غلط برضه.
8 حالات حمل تسبب زيادة وزن الجنين
الاختبارت المنزلية لمعرفة نوع الجنين
-
طريقة بيكربونات الصوديوم
في كوباية بلاستيك هتحطي مقدار من بيكربونات الصوديوم وتصبي عليها بول من الأم الحامل، لو حصل فوران كبير يبقى الأم حامل في ولد، ولو فوران خفيف يبقى الحمل في بنت.
حياة الجنين داخل الرحم: الجنين بيعمل إيه في بطن الأم
-
طريقة الشعير والقمح
الطريقة دي قديمة جدًا ومرتبطة بالحضارة الفرعونية. بيتاخد جزء من بول الأم الحامل، وبيتحط شوية على حبوب قمح وشوية على حبوب شعير. لو القمح نبت الأول تبقى الأم حامل في بنت، ولو الشعير نبت الأول يبقى الأم حامل في ولد.
20 علامة مؤكدة تدل على الحمل في بنت
-
حاسبة الحمل الصينية
دي طريقة حسابية معقدة شوية، لأنها بتعتمد على فكرة إنك تحطي الأرقام كلها صحيحة ومحددة علشان تطلع لك النتيجة، واللي هي كمان مش بتعتبر وسيلة معتمدة وصحيحة لتحديد جنس الجنين.
تقدري تقولي إن دي أشهر الطرق اللي بتعتبر شعبية ومتداولة بين الناس لكنها كلها غير علمية وغير أكيدة بالمرة، وإن أصح طريقة تقدري تعرفي بيها نوع الجنين هي عن طريق الفحوصات الطبية زي السونار والـ 4D.
الحبل السري لجنينك قيمة لا تتنازلي عنها
التعليق باستخدام حساب فيس بوك