طبعًا اللي تابعوا حفل جوايز الأوسكار 2020 تابعوه لأسباب مختلفة. فيه الناس اللي كانت مستنية على نار تعرف لو خواكين فينيكس هياخد جائزة أوسكار 2020 على الجوكر ولا لا، وفيه اللي مهتمين جدًا بالسينما وبيتابعوا كل سنة علشان يعرفوا إيه أحسن فيلم وفيه بقى الناس اللي بتحب الموضة والفاشون اللي بيستنوا الأوسكار كل سنة عشان يشوفوا فساتين الأوسكار والنجمات اللي حضروا حفل الأوسكار على السجادة الحمرا. للناس الأخيرة دي، راحة بالي عملت لكم تجميعة أجمل فساتين في حفل الأوسكار والمقال ده هيعرض لكم أغرب فساتين الأوسكار 2020 وأغرب حاجات شفناها على السجادة الحمرا في نفس الحفل.
نحب بس نقول في الأول إن طبعًا دي أذواق واللي يعجب حد مش شرط يعجب التاني واللي ما يعجبش حد ممكن جدًا يكون عاجب حد تاني، وعليه، فاحنا بس هنستعرض لكم اللي شفناه غريب، مش شرط يكون مش موفق بالعكس ده ممكن ساعات يكون الغريب حلو!
أحب أبدأ ببيلي بورتر لسبب. بيلي بورتر مش أول مرة يلبس فستان للأوسكار، السنة اللي فاتت لبس “نص فستان”، كان من فوق شبه جاكيت بدلة وقميص والنص التاني جيبة منفوشة جدًا. فالغريب هنا مش إنه لابس فستان، لكن يمكن شكل الفستان هو اللي غريب شوية.
أغرب فساتين أوسكار 2020 Oscars – المصدر: لوس أنجلوس تايمز
ودلوقتي هنسيبكم مع صور النجمات الباقية اللي ظهرت ب أغرب فساتين الأوسكار 2020 وكانت ملفته لكل الحاضرين في الحفل.
أغرب فساتين أوسكار 2020 – ساندي باول – المصدر: GettyImages
الملفت للنظر هنا إن ساندي باول أصلا مصممة أزياء!
أغرب فساتين أوسكار 2020 -رووني مارا – المصدر: AFP & GettyImages
الحقيقة إن النص اللي فوق مش لايق على النص اللي تحت، وإن الاتنين أصلًا في منتهى الغرابة.
أغرب فساتين الأوسكار – أورورا – المصدر: رويترز
المغنية أورورا ظهرت ببدلة غريبة، بس هل كانت هتبقى مناسبة أكتر لو ظهرت في مناسبة تانية؟
أغرب فساتين أوسكار 2020 – بلاك تشاينا – المصدر: EPA
الحقيقة إن ناس كتير كانت مستغربة وجود بلاك تشاينا في حفل الأوسكار، لكن بالنسبة لي أنا الغريب هو عودة موضة الأوبليتات بس من برا مش من بطانة الفستان.
أغرب فساتين أوسكار 2020 – ساندرا أوه – المصدر: رويترز
الجميلة ساندرا أوه اختارت لون رائع، بس للأسف كتر الورد “والفناكيش” اللي فيه شوية خلاه غريب.
أغرب فساتين أوسكار 2020- كريستين وييج – المصدر: رويترز
بقى ينفع القمر ده يلبس فستان غريب كده؟
أغرب فساتين أوسكار 2020 – جريتا جرويج – المصدر: GettyImages
فيه تعليق على فستان جريتا إنه من أغرب الفساتين وإن شكله مدي على ستارة، أنا بس مستغربة إنه شكله مش مكوي وإنه فيه شراشيب.
أغرب فساتين أوسكار 2020 – مايا رودولف – المصدر: FilmMagic
مايا رودولف – مصدر الصورة FilmMagic. المصورجيف كرافيتز
رغم إن الفستان من دار فالانتينو، واحدة من أكبر وأشهر دور الأزياء في العالم، إنما التصميم كان غريب شوية.
أغرب فساتين أوسكار 2020 – بيلي إيليش – المصدر: Getty Images
بيلي إيليش من النجمات اللي اختاروا برضه يلبسوا بدلة بس هل كان اختيار البدلة موفق؟ مش عارفين.. بس ده مش غريب عليها عامة!
قولي لنا في التعليقات إيه رأيك في الفساتين والطلات المختلفة دي؟
التعليق باستخدام حساب فيس بوك