لما بنيجي نجهز أثاث البيت، سواء قبل الجواز، أو لو ناقلين بيت جديد وبنجدد ديكور المنزل، مش دايمًا بتكون الميزانية كبيرة، وفي نفس الوقت بنكون محتاجين البيت يكون كامل فا بندور على أفضل أماكن بيع أثاث البيت بأسعار مخفضة، علشان كده سألنا أمهات راحة بالي عن تجاربهم مع بيع أثاث البيت بأسعار مخفضة وأماكن بيع الموبيليا اللي أسعارها مخفضة ورخيصة وكمان خامة الأثاث والموبيليا حلوة، ودي كانت آرائهم:
-
رانيا نصير قالت: أريج للأثاث
وفروعه في العبور والشيخ زايد واسكندرية، وتقدري تشتري منه أونلاين، وبيوفر خدمة التقسيط من خلال بنك CIB.
لو بتحبي الديكورات البوهيمية .. شوفي إزاي أسست بيتي على الطراز البوهيمي في الديكور
-
نهى محيي قالت: قباني
وبيتوفر عنده تشكيلة كبيرة من ستايلات الأثاث، لو عاوزه مودرن هتلاقي ولو كلاسيك هتلاقي، ومن أهم مميزاته إنه بيوصل حتى للمحافظات، وأسعاره مناسبة إلى حد كبير وخصوصًا في وقت التخفيضات، وتقدري برضه تستفيدي بخدمة التقسيط.
هنا ممكن تشوفي أفكار ديكورات لاستغلال مساحات الشقق الضيقة
-
سلوى محمد قالت: مفكو حلوان
وهو من المحلات العريقة في مصر، واللي خشبها متين وصناعته نضيفة، وعنده كل أثاث البيت حتى المطابخ، وتقدري تشتري منه كماليات العفش، زي الترابيزات الجانبية والكونسول، وبيقدم لك خدمة ما بعد البيع، تعاقدي على عفشك من مفكو في وقت التخفيضات، هتفرق كتير في السعر.
-
ليلى مصطفى قالت: سليم للأثاث
وده بقى للي بيحبو الستايل المودرن للأثاث، هتلاقي فيه تنوع كبير وأذواقه لطيفة جدًا.
-
مروة مصطفى قالت: مول دمياط للأثاث
زمان كان اللي بيحب يشتري أثاث، لازم يسافر دمياط، ويقضي هناك يوم أو يومين بين المحلات والورش عشان يشتري عفش ذوقه حلو وخشبه مضمون وسعره كويس، والحقيقة إن الطريقة دي كانت مرهقة جدًا، بس مكانش لها بدايل قوي، لإن محلات الأثاث اللي في القاهرة كانت غالية جدًا، بس دلوقتي الوضع اختلف، ومحلات دمياط فتحت في القاهرة في فروع مول دمياط للأثاث، فهتعيشي نفس تجربة دمياط بس في مول جنبك.
-
شيماء رأفت قالت: Homzmart
واللي بيقدم حلول دفع وتقسيط كتيرة جدًا، وكتالوجه منوع وفيه كل اللي هتحتاجيه.
-
أسماء جمال قالت: hub furniture
وأجمل ما فيه إنه مجمع تجميعة كبيرة جدًا من الأثاث، بحيث توفري على نفسك اللف الكتير، وأسعاره منخفضة وبيقدم عروض كتير، وله أكتر من فرع.
ولوعاوزه تشتري كليم وسجاد، فممكن تشوفي أجمد 10مواقع وصفحات بيع الكليم بالأسعار وكمان أهم 5 نصائح قبل شراء السجاد لبيتك
-
وأنا منار بقول: أيكيا
ممكن حد يستغرب إزاي أيكيا ضمن محلات الأثاث اللي بأسعار منخفضة؟
- بس الحقيقة إن أيكيا تقدري تشتري منه أثاث بأسعار مناسبة جدًا، فمثلا هو بيكون عارض ليكي دولاب أوضة نوم برقم خيالي، بس لما بتفتحيه بتلاقيه مليان اكسسوارت وكماليات، فتقدري انتي تصممي الدولاب المناسب ليكي وتشيلي الكماليات اللي سعرها بيكون أغلى من الدولاب نفسه.
- بعض قطع الأثاث زي الطاولات الجانبية، في ألوان بتكون مميزة وعليها طلب أكبر، بتكون أغلى من ألوان تانية، فتقدري تشتري اللون الأرخص.
- قسم التخفيضات، وده أهم قسم في أيكيا، لإن فيه معروضات كتير بتكون سليمة وحالتها ممتازة، كل مشكلتها إنها كانت في العرض بس، وبيكون سعرها نازل النص أو أكتر، وفي بعض قطع الأثاث التانية بيكون فيها خدش في الضهر مش باين مثلا.
- أيكيا بيعمل تخفيضات لحد 70%، فتقدري تستغلي الفترة دي وتجيبي منه القطع اللي تناسبك.
- لو هتتسوقي من أيكيا فعلا، فيفضل تكوني بدون أطفال، وتختاري وقت الصبح بعد ما تشربي قهوتك وتروقي، هتعرفي تدوري وتقارني بشكل أفضل بكتير، وهتكتشفي كل الحاجات اللي قولتلك عليها دي.
ودلوقتي قوليلنا إيه محلات الأثاث والموبيليا المفضلة بالنسبة لك؟
التعليق باستخدام حساب فيس بوك