فيه شعوب اشتهرت بالحضارة زي الحضارة الفرعونية وشعوب تانية اشتهرت بالأساطير زي الأساطير اليونانية وشعوب تانية اشتهرت في جروبات الأمهات زي الشعب الروسي اللى بقى أشهر من حمو بيكا وأشرس من غسان مطر واللي اتميز بـMasha & The Bear وبـ كيكة العسل الروسية أو Medovik.. الكيكة الروسية اللي قدرت تدوّب قلوب وكروش المصريين، طبقة على طبقة من الكيكة الناعمة وبينها غرقان طبقة من الكريمة بطعم الكاراميل ولا القهوة اللي تدوّب خزان الأحزان اللي جواكي وتنسيكي آهات البوتي ترينينج وأم زياد اللي ما جاتش يوم التنضيف عشان زيزو بيطلّع سنان. لو لسه ما جربتيش كيكة العسل الروسية أو بتدوري على مكان تشتريها منه، هنقول لك على أشهر أماكن في القاهرة تقدري تشتريها منهم. بس وجب التنويه إنك لو بتحبي الحلويات، فهتدمني دي يا ست الكل D:
أفضل أماكن شراء كيكة العسل في مصر
- Elena Cakes & Sweets
- Starbucks
- Beano’s Cafe
- Crumble’s
- Tortina
- Delight
- Etoile
- Bel Honey Cakes
- Onmarts.com
- Fatima’s Torte
Elena Cakes & Sweets
أول واحدة عرّفتنا بالكيكة الروسية في مصر وعملتها بالوصفة الأصلية بسبب أصولها الروسية. إلينا ابتدت بجروب بسيط على الفيسبوك ودلوقتي بقى ليها فروع كتير في القاهرة وأسكندرية تقدري تشتري منهم.
اشتري من هنا
لو مالكيش في الحلو وبتحبي البيتزا، بصي على أفضل مطاعم بيتزا في القاهرة
Starbucks
كيكة العسل
الكافيه المفضل لناس كتير برضه بيقدم كيكة العسل الروسية، بس ستاربكس بيقدم الكيكة بالقطعة مش كيكة كاملة.
Beano’s Cafe
بينوس برضو من ضمن الكافيهات اللي بتقدم كيكة العسل بالقطعة ولو عايزة كيكة كاملة مش قطعة بس ممكن تطلبيها منهم.
اشتري من هنا
اعرفي من هنا أفضل أماكن لشراء الرنجة في القاهرة
Crumble’s
مشروع حلويات بسيط بيعمل أظرف الكيك والتورتات والسابليه وطبعًا أشهرهم كيكة العسل الروسية.
اشتري من هنا
Tortina
كيكة العسل
محل تورتينا من المحلات المشهورة بالحلويات ومؤخرًا بقى بيعمل كيك العسل.
اشتري من هنا
Delight
المحل اللطيف اللي اشتهر بالتارت بأنواعه اللذيذة بقى بيعمل الكيكة المميزة.
اشتري من هنا
Etoile
اشتري من هنا
Bel Honey Cakes
محل تاني متخصص بس في كيك العسل وله فروع وممكن تشتري أونلاين
اشتري من هنا
أجمد أماكن تاكلي فيهم سوشي في القاهرة
Onmarts.com
موقع لطيف للمخبوزات والكيك ومن ضمنهم كيك العسل
اشتري من هنا
Fatima’s Torte
اشتري من هنا
قولي لنا في كومنت يا ترى جربتي كيكة العسل الروسية ولا لسه؟
التعليق باستخدام حساب فيس بوك