سواء بتجددي بيتك أو بتنقلي، هتحتاجي تشتري مستلزمات مطبخك. كتير بنبقى محتارين إيه أحسن أماكن شراء مستلزمات المطابخ. جمعنا لك في المقال ده أفضل 10 أماكن لشراء مستلزمات المطبخ في القاهرة الكبرى فيها اكسسوارات مطابخ المومنيوم واكسسوارات مطابخ مودرن وأكسسوارات المطابخ الخشب، بحيث إنك تلاقي حاجة قريبة منك أيًا كان انتِ ساكنة فين.
أفضل أماكن شراء مستلزمات المطابخ في القاهرة
- IKEA
- HomeCentre
- Homeworks
- الإبياري
- Tulipe
- أسواق المرشدي
- Ace
- أسواق شارع عبد العزيز
- Electrohouse
- Crackersegypt
هناممكن تشوفي أجمد 10 أماكن تصميم ديكورات المطابخ في القاهرة
IKEA
أماكن شراء مستلزمات المطابخ
طبعًا إيكيا غني التعريف، تقدري تلاقي فيه كل حاجة ممكن يحتاجها المطبخ، ويحتاجها البيت كله كمان. يعني لو عايزة تشتري أوضة بحالها أو حلة أو حتى كباية، كل حاجة هتلاقيها عنده. وكمان تقدروا تشتروا أونلاين من موقع إيكيا.
فرع إيكيا في القاهرة: كايرو فيستيفال سيتي.
موقع إيكيا مصر
HomeCentre
أماكن شراء مستلزمات المطابخ
من الأماكن الشاملة برضه لكل حاجة يحتاجها البيت HomeCentre هوم سنتر. تقدري تشتري منه كل مستلزمات مطبخك ومطبخك نفسه لو حبيتي. تقدري تشتري أوض، وأثاث، وكمان أدوات المطبخ كلها.
فروع هوم سنتر في القاهرة: كايرو فيستيفال سيتي، ومول مصر.
موقع هوم سنتر مصر
Homeworks
مستلزمات المطبخ
لو عايزة أدوات ومستلزمات مطبخ، ممكن برضه تروحي لHomeworks. هوم ووركس عندهم مش بس أدوات مطبخ، كمان أجهزة كهربائية وحاجات مدارس وأثاث خارجي.
فرع هوم ووركس في القاهرة: مبنى كيدزينيا في كايرو فيستيفال سيتي مول.
صفحة هوم ووركس مصر
الإبياري
أماكن مستلزمات المطبخ
لو القاهرة الجديدة بعيدة عليكي قوي، الإبياري في مدينة نصر. الإبياري بيعرض كل أدوات ومستلزمات المطبخ والأجهزة الكهربائية.
فرع الإبياري: 27 شارع أبو داود الظاهري، مدينة نصر.
صفحة الإبياري
Tulipe
أماكن مستلزمات المطبخ
تيوليب الميزة فيه بقى إن له فروع في كل مكان في القاهرة الكبرى، يعني مش لازم تسوقي مسافة طويلة أو تركبي تاكسي تدفعي فيه مبالغ جبارة. تقدري تشتري من عند تيوليب مستلزمات المطبخ وكمان الديكورات في المطبخ وأوضة السفرة.
فروع تيوليب في القاهرة الكبرى: المعادي، عمارات العبور، ميدان هليوبوليس، شارع الطيران، مدينة نصر، سيتي ستارز مول، صن سيتي مول، كايرو فيستيفال سيتي مول، مول مصر، شارع مصدق، شارع عبد المنعم رياض، مول العرب، داندي مول.
موقع تيوليب
أسواق المرشدي
سكان مدينة 6 أكتوبر اللي تعبوا من “السفر” لبرا أكتوبر علشان يشتروا حاجات، ممكن ببساطة يروحوا ميدان سيتي سكيب وهيلاقوا على يمينهم أسواق المرشدي. هتلاقي حاجات كتير جدا من مستلزمات المطبخ والبيت كله وبأسعار قليلة.
فرع أسواق المرشدي: مدينة 6 أكتوبر، الحي العاشر، أمام سيتي سكيب مول.
صفحة أسواق المرشدي
لو مش عارفه تختاري نوع معين لمطبخك هنا أفضل أنواع المطابخ .. وازاي تختاري المناسب ليكي
Ace
أماكن شراء مستلزمات المطابخ
لو ساكنة في الشروق، فيه برضه مكان قريب منك وهتلاقي فيه كل مستلزمات المطبخ.
فروع Ace: سكاي مول، الشروق. وداندي مول.
صفحة Ace
أسواق شارع عبد العزيز
لو محتاجة أجهزة كهربائية لبيتك كله، ممكن تروحي مول أسواق شارع عبد العزيز في القاهرة الجديدة وهتلاقي أجهزة كتير وعروض كتير.
فرع أسواق شارع عبد العزيز: القاهرة الجديدة
موقع أسواق شارع عبد العزيز
Electrohouse
برضه مكان للأجهزة الكهربائية من الإبرة للصاروخ هو الكتروهاوس. وموجود في مدينة نصر.
فرع إلكتروهاوس: مدينة نصر
صفحة إلكتروهاوس
Crackersegypt
كراكرز موجودين من سنين ولهم فرعين قريبين من ناس كتير وبيقدموا كل حاجة تحتاجيها في مطبخك. ولهم صفحة هايلة تقدري تشوفي عليها كل حاجة بأسعارها من قبل ما تروحي.
فروع كراكرز: المنيل، مدينة نصر
صفحة كراكرز
1 comment
[…] هنا تقدري تعرفي أفضل أماكن شراء مستلزمات المطبخ […]