لو الآيس كريم اتجسد على هيئة انسان أكيد هيبقى شخصية تيتة الحنينة اللي دايمًا بطبطب عليك وتحتوي أحزانك وتلجأي ليها في كل وقت، حران في الصيف وعايز ترطب على قلبك هتاكل آيس كريم، في عز الشتا نفسك هفتك على حاجة تدفي أحزانك برضو هتاكل آيس كريم، ده حتى عمرو دياب غنى في جماله آيس كريم في ديسمبر آيس كريم في جليم D: وطبعًا صديق خزان الأحزان طول فترة الحجر المنزلي الصحي اللي فاتت كان الآيس كريم .. ولو إنتي أم ملتزمة زي حالاتي كده وقاعدة في بيتك من ساعة العاصفة بتاعت شهر مارس وبتحاولي قدر الإمكان إنك تلتزمي بالتباعد الإجتماعي وبتحاولي تبسطي ولادك بأي خروجة بسيطة فبرضو خروجتك هتبقى عشان تفرحي نفسك وتجيبي آيس كريم وتلفي لفتين بالعربية وتسمعي أغنية عمرو دياب D: .. وفي الموضوع ده هنقولك على أشهر وأفضل 14 مكان تشتري منها آيس كريم بس بتفكرك إنك دايمًا وإنتي رايحة تزوري الأماكن دي تلبسي الكمامة ويفضل إنك متاخديش ولادك جوه المحل.
أفضل 14 مكان تشتري منها آيس كريم في الصيف
- ماكدونالدز
- Baskin Robins
- ماندرين قويدر
- العبد
- المدينة المنورة
- خليفة
- سلطانة
- Cold Stone
- Rigoletto Ice Cream
- Bel Gelato Cairo
- Bouza Roll
- Dara’s Ice Cream
- Gelato Mio
- Conut
أماكن شراء الآيس كريم بتاعت زمان
فيه كده أماكن اتربينا عليها من وإحنا صغيرين بنحبها ولسه بنروح ليها لو عايزين ناكل آيس كريم، الأماكن دي تعتبر كلاسيكيات الزمن الجميل في الآيس كريم وعمرها ما بتقدم أبدًا ودايمًا لسه لحد انهردة بنحب نروح لهم زي:
-
ماكدونالدز
مصدر الصورة: ماكدونالدز
ومين فينا مش بيحب صانداي ماك اللي متغرق في الصوص ويا سلام بقا لو حريفة آيس كريم وبتحبوا الكومبو العجيب من فرايز ماك مع الصانداي D: الكلام ده بجد مش هزار جربوا بس بطاطساية من ماك مع الصان داي.
-
Baskin Robins
المكان الهادي اللي دايمًا كان بيغلب عليه ألوان الباستيل وفروعه كانت دايمًا بتبقى جمب كنتاكي عشان ناكل مايتي زنجر ونطلع نحلي بالآيس كريم، اما اللوجو بتاعهم طلع ليه حكاية، كان عندك كام سنة لما عرفتي إن لوجو باسكن بوبنز فيه رقم 31 اللي بيدل على عدد النكهات بتاعته D:
-
ماندرين قويدر
لو إنتي من عشاق المشي في الشوارع بلا هدف كده، أكيد عديتي على ماندرين قويدر في الكوربة أو في الزمالك بعد كلية فنون جميلة وطبعًا مش محتاجين نتكلم على آيس كريم الزبادي بالتوت الأشهر عنده.
-
العبد
من ذكريات التمشية في وسط البلد هو حلواني العبد، العبد مكان سحري هياخدك في مكان تاني خالص، سواء هتاكل من عند كرواسون وباتيه أو نفسك في المكسرات أو البسكويت والكوكيز ويا سلام على الآيس كريم بتاعه كمان.. ملك آيس كريم وسط البلد.
-
المدينة المنورة
اللي مداقش آيس كريم المدينة المنورة فايته كتير، لأن المدينة المنورة بيعمل بعض نكهات الآيس كريم من منتجات اللبن بتاعه اللي هي أساسًا عالمية فتخيلوا طعمه هيبقى إزاي.
-
خليفة
لو إنتي من سكان المعادي فأكيد سمعتي عن آيس كريم سوفت بتاع خليفة اللي كله معمول من مكونات طبيعية 100% وكمان أسعاره زي بتاعت زمان بضبط.
-
سلطانة
مينفعش نتكلم عن آيس كريم من غير ما نجيب سيرة سلطانة، سلطانة اللي بيفكرنا برضو بأيام التمشية في شورع الكوربة ودلوقتي اختصر علينا الطريق كمان وعمل آيس كريم بيتباع في كل السوبر ماركت الكبيرة.
أفضل أماكن آيس كريم جديدة
هنعرفك على أماكن جديدة فتحت من كام سنة ابتدت تقدم نكهات غير إعتيادية للآيس كريم زي الـCotton Candy وكمان الآيس كريم بشكل جديد زي الرولز أو الكون اللي معمول بطعم الـRed Velvet Cake أو اللآيس كريم المقلي.
-
Cold Stone
-
Rigoletto Ice Cream
-
Bel Gelato Cairo
-
Bouza Roll
-
Dara’s Ice Cream
-
Gelato Mio
-
Conut
التعليق باستخدام حساب فيس بوك