محتويات المقال
كتير من الأمهات بتحتاج لوجود جهاز تابلت معاها. تسهيلا عليها في المذاكرة للأطفال – أو تشغيل الفيديوهات ليهم لو كان سنهم أصغر- أو حتى استخدام التابلت في الترفيه وتصفح الأنترنت والفرجة على نتفليكس وباقي مواقع المشاهدة حسب الطلب. علشان كده ها نقول لكم في موضوعنا ده على أفضل أنواع التابلت في السوق المصري وأسعارها وايه مميزات كل تابلت.
أفضل أنواع التابلت في السوق المصري بالأسعار
- Huawei MatePad Pro
- Samsung Galaxy Tab A 10.1 2019
- Lenovo TB-X505X M10
- Apple iPad 10.2
Huawei MatePad Pro
أفضل أجهزة التابلت بالأسعار
- السعر: حوالي 11400 جنيه
- ممكن تشتريه من هنا
- شركة هواوي مشهورة أنها بتدي المستخدم أعلى مواصفات فنية مقابل أقل سعر. وده اللي شوفناه مع Huawei MatePad Pro اللي بيتميز بتصميم جميل جدا وشاشة بحواف قليلة قوي.
- كمان التابلت بيجي مع ميموري 256 جبجا بايت وممكن زيادة الذاكرة من كروت الميموري الخارجية لو عاوزين تخزنوا ملفات بأحجام أكبر.
- أحلى ميزة في Huawei MatePad Pro هي البطارية اللي بتيجي بسعة 7250 ملي امبير ودي سعة كبيرة قوي. كمان التابلت بييجي مع الشحن السريع بقوة 40 وات والشحن اللاسلكي والعكسي. يعني مافيش أي مشكلة في الشحن على العكس من معظم أجهزة التابلت التانيه.
- ولأن الحلو مايكملش العيب الوحيد في Huawei MatePad Pro هو أنه مش بيدعم خدمات جوجل. لكن هواوي بتنزل برامج خاصة بيها بتقوم بنفس المطلوب.
Samsung Galaxy Tab A 10.1 2019
أفضل أجهزة التابلت بالأسعار
- السعر: حوالي 4600 جنيه
- ممكن تشتريه من هنا
- فيه ناس مش بتقبل بأنصاف الحلول.. هم عاوزين تابلت من شركة كبيرة بحجم سامسونج. مع تصميم حديث ومواصفات فنية قوية وبسعر مناسب كمان.. ومن هنا بييجي Samsung Galaxy Tab A 10.1 -2019 اللي بيجمع بين الحداثة والتصميم الجميل والمواصفات المناسبة للسعر.
- طبعا تعتبر ذاكرة التابلت (32 جيجا بايت) قليلة شوية. كمان الكاميرات مش بتقدم أحسن أداء مقارنة بأجهزة تابلت تانيه. لكن لو عاوزه تابلت للأولاد وللمهام العادية اليومية العادية زي تصفح الأنترنت او الفرجة على يوتيوب. في الحالة دي Samsung Galaxy Tab A 10.1 -2019 هايكون الاختيار المثالي خاصة مع سعره القليل.
Lenovo TB-X505X M10
أفضل أجهزة التابلت بالأسعار
- السعر: حوالي 3400 جنيه
- ممكن تشتريه من هنا
- عارفه ايه أكتر حاجه الناس بتسألني عليها لما بتكلم معاهم عن المواصفات الفنية لأي تابلت أو تليفون؟ بكام؟ الميزانية هي السؤال الأهم. ومن هنا بتيجي أهمية Lenovo TB-X505X M10 لأنه من أرخص أجهزة التابلت اللي شوفناها مؤخرا.
- لكن الغريب أن Lenovo TB-X505X M10 مش بيفرض على المستخدم تنازلات كتير مقابل السعر القليل. يعني بنشوف مثلا مساحة حواف عريضة شويه. ورامات 2 جيجا بايت بس. وشاشة بحجم 10 أنش تقريبا وبطارية 4850 ملي امبير.. طبعا دي مش أحسن مواصفات في السوق لكن برضو احنا بنتكلم عن سعر أقل من 4000 جنيه ودي صفقة ممتازة لو حطينا في الاعتبار أن التابلت من لينوفو يعني مش شركة صغيرة.
Apple iPad 10.2
- السعر: حوالي 9300 جنيه
- ممكن تشتريه من هنا
- ولأن الغالي دايما تمنه فيه. خلينا التابلت الأقوى – من وجهة نظري – للآخر. أيباد هو فخر الصناعة الأمريكية اللي بتقدمها شركة أبل الغنية عن التعريف. لو كان معاكي أيفون أو كمبيوتر ماك يبقى تابلت أيباد هايكون مثالي لأنه هيتكامل مع باقي الأجهزة اللي عندك بطريقة رائعة.
- تصميم التابلت تقليدي شويه لكنه مريح في الاستخدام وبييجي بذاكرة داخلية كبيرة نسبيا 128 جيجا بايت وكاميرا خلفية 8 ميجا بيكسل وأمامية 1.2 ميجا بيكسل بتقدم أداء متواضع شوية في التصوير لكنها مناسبة لمكالمات الفيديو على تطبيق فيس تايم.
- أقوى ما في تابلت أيباد هو نظام التشغيل الثابت والمستقر واللي بيحترم خصوصية المستخدمين. وأنه مش بس مثالي للألعاب والفرجة على الأفلام لكن كمان لإنجاز الشغل وتصفح النت وكل اللي عاوزه تعمليه في حياتك اليومية.
وفي النهاية عايزيين نقول لكم إنه الأسعار ممكن تختلف من مكان للتاني وإنه دي الأسعار وقت كتابة المقال.
What’s your Reaction?
التعليق باستخدام حساب فيس بوك