التمر أو البلح عناصر أساسية على سفرة رمضان، جمب مشروبات زي التمر الهدي والسوبيا، وإذا كانت فوائد التمر في الأيام العادية لجسمنا تتقدر بقيراط، فهي في أيام شهر رمضان الكريم 24 بعد وقت الصيام الطويل ، لأنه أفضل حاجة نبدأ بيها فطارنا في شهر رمضان الكريم، في المقال ده هنكلمك عن أنواع التمر في رمضان 2022 اللي ممكن تختاري منها لسفرتك.
إيه الفرق بين البلح والتمر والرطب؟
دايما بنتلخبط ومش بنكون عارفين الفرق بين البلح والتمر والرطب، لذلك في الأول خلينا نفرق كويس بينهم:
- البلح: هو الثمار اللي بتكون على النخيل عموما، سواء لسة ماستوتش او استمرت، يعني الثمرة اللي بتطلع من النخلة في كل المراحل هي بلحة.
- الرطب: هو المرحلة اللي بناكل فيها البلح بقشره الخارجي الملون، نتيجة نزول كمية مية جواه، زي البلح الحياني (ألأحمر الغامق).
- التمر: هو المرحلة اللي بناكل فيها البلح جاف أو نصف جاف، زي بلح رمضان المشهور اللي بنجيبه نغسله وننكسره ونبله.
إيه أفضل أنواع البلح اللي نشتريها في رمضان؟
طبعا بعد ما فهمنا القصة، نقدر نقول إن البلح اللي بيتقدم على سفرة رمضان هو التمر، اللي هو البلح الجاف والنص جاف، تقدري تختاري من الأنواع اللي هانكلمك عنها دلوقتي:
أنواع البلح النص جافة
البلح السيوي (الصعيدي)
البلح السيوي (الصعيدي) في رمضان
يعتبر البلح السيوي (الصعيدي) يعتبر من أهم الأصناف نص الجافة اللي منتشرة في الوادي الجديد والواحات والفيوم، وتلاقي البلحة فيه ليها لونين، لون بني غامق مع لو أنصف خفيف من فوق، البلح من النوع ده بيكون حلاوته شديدة ومليان لحم، وبيتحفظ بسهولة.
البلح العمري:
البلح العمري في رمضان
البلح العمري أو الشرقاوي ده بيتزرع بالأساس في فاقوس وأبو كبير والصالحية والقرين في محافظة الشرقية، من الأصناف اللي بتتصدر عادة، لون القشرة من بره تلاقيه برتقالي غامق، ولما بيستوي على الآخر بيكون اسود غامق، اللحم متوسط وطعمها لذيذ والألياف فيه قليلة، لما بيتم حصاده بيتنشر من 3 لـ 6 أيام، عشان يكون نص جاف وبيتعبى ويتصدر على طول.
البلح العجلاني:
البلح العجلاني في رمضان
ده بقى الثمرة بتكون متوسط في الحجم لونه أصفر فاتح لما بيكتمل نموها، دي المادة الخام للعجوة وبيكون طعمها لذيذ جدا
التمر الحجازي الأبيض
التمر الحجازي الأبيض في رمضان
النوع ده من التمر بيتزرع في الواحات زي الواحات الخارجة والداخلة والوادي الجديد، الثمرة بيكون حجمها كبير لون القشرة بيكون اصفر غامق تتحول للون الأصفر الزيني لما تستوي.
أنواع التمر الجافة
التمر السكوتي ( الإبريمي والبركاوي)
أنواع التمر الجافة في رمضان – الإبريمي
الثمرة بتكون مدببة مسحوبة من عند الطرف، لون القشرة بيكون أصفر غامق من تحت، وأسمر من فوق، طعمه بيكون حلو جدا.
التمر البرتمودا (بنتمودا):
التمر البرتمودا في رمضان
أهو ده أجود الأصناف الجافة، صنف ممتاز حرفيا، الثمرة أطول من السكوتي، الجوانب مش متماثلة، لون القشرة بترقالي منغمش، اقرب للأحمر، ولما بتخف بتتحول للون بني فاتح، بتحس فيه كرمشة خفيفة، متوسط السمك وقوامه لين وطعمه لذيذ جدا.
التمر الملكابي:
أفضل تمر في رمضان – التمر الملكابي
من أجود الأصناف الفاخرة وأكتر نوع تمر غالي، لحمها سميك واللحم لين وحلو والطعم مش سكري.
التمر الجندلية:
أفضل أنواع البلح في رمضان – الجندلية
الثمرة صغنونة ورفيعة، بتتكسر بسهولة، لما نضغط عليها، سهل جدا في المضغ، وطعمه سكري.
التمر الجراجودا:
أنواع البلح والتمر في رمضان – الجراجودا
نوع تمر بيطلع من نخلة رفيعة جدا لونه أصغر غامق أوي (بني فاتح)
البلح الشامية
أنواع التمر في رمضان – الشامية
فخر التمور ، كميته قليلة جدا، الثمرة شكلها مخروطي كبير نصها لونها بني فاتج والنص التاني بني غامق، مش مسكر أوي زي باقي الأنواع التانية.
البلح الكولمة
أنواع تمر رمضان – الكولمة
يشبه الملكابي لونه اصغر غامق وساعات كتير الناس مش بتعرف تفرق بينهم لكنه في النهاية لذيذ ومميز جدا
التعليق باستخدام حساب فيس بوك