محتويات المقال
التونر واحدة من أهم المنتجات العناية بالبشرة في عالم الجمال، بس على الرغم من كده في اعتقاد شائع إن تونر الوجه مخصص للبشرة الدهنية فقط وده غير صحيح بالمرة، فخلينا نعرف أكتر أنواع التونر للبشرة وإيه التزنر المناسب لكل نوع بشرة؟
التونر واحدة من أهم أسلحتك للحصول على بشرة متألقة، ده لإنه بيساعد على نظافتها وترطيبها، وفي نفس الوقت تألقها. علشان كده، محتاجين نجاوب على شوية أسئلة هتعرفنا أهميته بجد.
إيه هو التونر؟
هو سائل خفيف بتمتصه البشرة بكل سهولة بيساعد على تنضيف البشرة وإزالة الجلد الميت والشوائب وترطيبها في نفس الوقت. ولأن امتصاصه سريع، فالنتيجة الأولى له هي إنه بيملى البشرة وبيديها شكل حيوي ومتألق أكتر.
إيه هي أهمية استخدام التونر؟
استخدامه الأساسي بيكون بعد تنضيف البشرة، لإنه بيقدر يعيد توازن حموضة البشرة وبيقلل من حجم المسام وبالتالي بيحميها من التلوث، بيساعد على ترطيبها وبالتالي تأخير ظهور علامات الشيخوخة على البشرة، ده غير احتواء التونر على مركبات بتمنع نمو الشعر تحت الجلد اللي بدوره بيسبب ظهور حب الشباب عن طريق تنضيف المسام فبتالي مافيش نمو للشعر تحت الجلد، وبيقلل طبعًا من ظهور الرؤوس البيضاء والسوداء.
إيه هي أنواع البشرة؟
من الحاجات اللي ممكن مش بنحددها قوي واحنا بنختار منتجات العناية بالبشرة هو نوع بشرتنا، واللي هو مهم جدا نعرفها علشان هي دي الطريقة الوحيدة اللي من خلالها هنعرف نشتري أنهي منتج ونتجنب أنهي منتج علشان نحصل على النتيجة اللي عايزينها.
1. البشرة الجافة
- من صفاته إنه مشدود وبتحسي إن بشرتك مش مرتاحة ولا مرنة، بيظهر علي بشرتك تشققات وأوقات طبقة زي القشرة الجافة عليها، المسام بتاعتها ضيقة جدا وبتعاني من قلة إفراز الدهون الطبيعية في البشرة.
- أصحاب البشرة الجافة مهم جدا يختاروا التونر بتاعهم فيه خصائص ترطيب واضحة، وأصحاب البشرة العادية ممكن يستخدموا أي نوع تونر طالما خالي من الكحول، والبشرة الحساسة لازم لها تونر بمركبات خفيفة تمنع تهيج النوع ده من البشرة.
2. البشرة الدهنية
- هي أول علامة ليها إنه بتلمع على طول، وأكتر نوع بشرة معرض لحب الشباب لإن المسام فيها واسعة وبالتالي سهل جدًا إنها تتلوث وبالتالي حب الشباب تطلع عليها كإنها وردة مثلًا، أسبابها وراثية أو تغيرات هرمونية.
- أصحاب البشرة الدهنية يركزوا في اختيار نوع فيه أحماض الجليكوليك glycolic acids أو أحماض الفاكهة الأمينية amino fruit acids لما فيهم من خصائص تقشير خفيف وترطيب في نفس الوقت.
3.البشرة العادية
هي البشرة الوسط، اللي لا جافة ولا دهنية والمسام عندها لا تكاد ترى، بس ده مش معناه إن هي مش هتواجه مشكلات في البشرة لا بالعكس هي محتاجة رعاية وتنضيف وترطيب بالشكل المناسب ليها.
4.البشرة المختلطة
علشان تعرفي إذا كانت بشرتك كده ولا لأ، بكل بساطة هتلاقي إن إفراز الدهون موجود في منطفة حرف T اللي هي الجبهة والأنف فقط، يعني هتلاقي إن بشرتك دهنية في أجزاء وجافة في أجزاء تانية.
5.البشرة الحساسة
هو نوع من البشرة هتلاقي إن عندك تقريبًا كل ملامح البشرة الجافة والدهنية والمختلطة بس مع احمرار وتوهج سريع ومن أقل حاجة.
دلوقتي بعد ما حددتي نوع بشرتك نيجي للخطوة المهمة اللي هي اختيار نوع التونر المناسب ليكي، بس أهم نصيحة أيًا كان نوع بشرتك فانتي لازم تتأكدي إن النوع اللي اختارتيه خالي تمامًا من الكحول، لإن آثاره مدمرة للبشرة جدًا.
أفضل أنواع التونر
هنا جمعنا لك مجموعة من أفضل أنواع التونر الموجودة في الأسواق المصرية اللي سهل عليكي تلاقيها في الصيدليات الكبيرة وحتى تشتريها أونلاين، هنكتب لك كل تونر فيهم مميزاته إيه
1. ذا بودى شوب The Body Shop Tea Tree Toner
بالنسبة للبشرة الدهنية بنرشح لك ذا بودى شوب The Body Shop Tea Tree Toner، ده لأن المميز فيه كذا حاجة:
- بيساعد على إن البشرة تبان أكثر وضوحًا ونقاءً
- يترك البشرة نظيفة ومنتعشة
- بيشيل أي آثار متبقية للمكياج والشوائب اللي ممكن تسد المسام.
- غني بزيت شجرة الشاي
ذا بودى شوب The Body Shop Tea Tree Toner
2.تونر لاروش بوزيه ايفاكلار Effaclar Toner
أما لو كنتي من أصحاب البشرة الدهنية والحساسة في نفس الوقت فبنرشح لك لاروش بوزيه ايفاكلار Effaclar Toner
تونر لاروش بوزيه ايفاكلار Effaclar Toner
الحلو فيه إنه:
- مناسب للبشرة الدهنية والحساسة والبشرة المعرضة لحب الشباب
- بيحتوى على حمض ليبو هيدروكسي المقشر
- يعمل على تنقية وتقشير البشرة
- بيساعد على تقليل مظهر المسام بشكل واضح
3.تونر فيشى Purete Thermale Toner
ولو كنتي من النوع العملي جدا أو بالنسبة لك التفكير في نوع المركبات المنتج اللي بتستخدميه أو حتى عندك صعوبة في تحديد نوع بشرتك فأسهل اختيار ليكي هيكون تونر فيشى Purete Thermale Toner
بيتميز إنه :
- خالي من الكحول
- لطيف على البشرة
- بينقى ويرطب البشرة ويتركها نظيفة وناعمة
- غنى بمياه فيشي الحرارية والجلسرين
- مناسب لجميع أنواع البشرة
أما لو كانت بشرتك من النوع الجاف والحساس فمن أفضل الإختيارات ليكي هو تونر غارنيه للبشرة الجافة والحساسة Garnier Rose Toner
4.تونر غارنيه Garnier Rose Toner للبشرة الجافة والحساسة
تونر غارنيه Garnier Rose Toner
بيتميز إنه :
- مصنوع من 96٪ من المكونات الطبيعية
- غنى بماء الورد الل بيخفف تهيج البشرة
- يزيل أي بقايا مكياج أو شوائب متبقية بعد التنظيف
5.تونر بيور سكين من اوريفليم
تونر بيور سكين – أنواع التونر للبشرة
- بيزيل الشوائب وآثار المكياج
- غنى بخلاصة الرمان ( مضادة للأكسدة ) وحمض الساليسيلك ( مقشر للجلد )
- بيعمل على تضييق المسام و تنقية البشرة وتقليل اللمعان
6.تونر ايفا كولاجين
تونر ايفا كولاجين – أنواع التونر للبشرة
- بينظف وينقى البشرة وبيقلل من ظهور المسام
- غنى بفيتامين ب3 والكولاجين اللي بيقلل من مظاهر علامات تقدم السن
فوائد التونر للبشرة
- بيوازن معدل الـ PH في البشرة.
- بيمنع ظهور حب الشباب.
- بيشد البشرة وبيقفل المسام.
- ترطيب البشرة.
- إزالة السموم من على البشرة.
- هو الخطوة الاولى لترطيب البشرة.
هل لاستخدام التونر آثار سلبية أو أضرار على البشرة؟
الحقيقة إن الاستخدام الصحيح للتونر بيكون مرتين في اليوم. أي زيادة عن كده بيسبب مشاكل على المدى البعيد، وفي العموم أي مبالغة في استخدام أي منتج بيسبب آثار عكسية تمامًا زي:
- جفاف البشرة.
- ظهور حكة والتهابات.
- احمرار للبشرة.
- ظهور حب الشباب.
سؤال هنا: طيب أنا أركز في أنهي مركبات بالضبط وأنا باختار التونر بتاعي؟ هو الموضوع ممكن يبان محير، بس طالما حددتي نوع بشرتك فالموضوع أصبح سهل ونقدر دلوقتي نحصر المركبات اللي هتنفعنا في المجموعة اللي جاية، مش كلها طبعا تنفع مع كل أنواع البشرة علشان كده، اختاري اللي يناسبك.
أنواع مركبات التونر:
- حمض اللاكتيك Lactic acid
ده الاختيار الأنسب لأصحاب البشرة الحساسة باحتياجهم لمكون خفيف بيرطب، وفي نفس الوقت لطيف عليها.
- حمض السالساليك Salicylic acid
ده الاختيار الأفضل لأصحاب البشرة الدهنية والسبب في كده إن فيه خصائص تقشير، وبالتالي حماية من حب الشباب وتقليل لإفراز الزيوت وتعزيز إنتاج الكولاجين وزيادة نمو خلايا البشرة.
- الزيوت الأساسية أو الجلسرين:
أيا كان نوع بشرتك تجنبي التونر اللي بيحتوي على كحول وإختاري نوع بيحتوي على الجلسرين كمكون مرطب للبشرة أو الزيوت الأساسية، بس تجنبيها لو عندك أي نوع من أنواع الحساسية منها.
- فيتامين C وجل الصبار Aloe Vera:
في فترة ما بعد التلاتين والأربعين بتتسمى البشرة بالبشرة الناضجة، بيكون احتياجها للترطيب والمساعدة على المحافظة على نضارتها أكبر من أي وقت فات وده بيتوفر بكل سهولة مع فيتامين C والصبار اللي ليهم قدرة مدهشة على ترطيب وتحفيز إنتاج الكولاجين بجانب إنه مضاد أكسدة ممتاز.
- الأحماض الأمينية والطحالب:
من اكتر المركبات اللي بتوفر التنضيف والترطيب في نفس الوقت، يعني تقدري تقولي إنها حل لمشاكل كتير وغنية فعلًا بالمواد اللي هتحتاجها بشرتك.
- حمض الهيالورونيك Hyaluronic acid:
مركب حمض الهيالورونيك يعتبر الاختيار الأمثل لأصحاب البشرة العادية. ده لإنه مرطب فعال جدًا ومضاد للاكسدة في نفس الوقت.
لازم تعرفي إن التونر واحد من أسلحتك للحفاظ على بشرتك، يعني التونر في إيدك والسيروم مع المنظف والمرطب وواقي الشمس في الإيد التانية، التونر لوحده مش هيعرف يعمل حاجة.
تقدري تقولي إن هي دي كل المعلومات اللي هتحتاجي تتعاملي من خلالها مع التونر، البشرة الحساسة والجافة من الأفضل ليها استخدام المنتج ده مرة واحدة في اليوم، والبشرة العادية والمختلطة والدهنية مرتين في اليوم. ولو عندك أي سؤال، حطيه لنا في الكومنت تحت واحنا نجاوبك عليه.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك