كتير مننا لما بيفكر في موضوع الدايت بيوقف عند نقطة يا ترى أنا هاعرف عدد سعرات الأكل اللي أنا باكله ازاي؟ خصوصًا إن دلوقتي بقى سهل جدًا نكتشف إن فيه أكل مليان سكر وكربوهيدرات مخفية، وبتسبب زيادة في الوزن بدل ما تساعد على إنقاص الوزن. غير إن فيه أنواع متعددة ومختلفة من الدايت بتطلب تكوني عارفة حدود أكلك عاملة ازاي. علشان كده، احنا جمعنا لك أشهر تطبيقات حساب السعرات الحرارية على الأندرويد علشان تقدري تبتدي رحلة الدايت بأمان ونجاح، اختاري منها اللي يناسبك.
تطبيقات حساب السعرات الحرارية
- My Net Diary
- Chronometer
- Lose it
- Fat Secret
- My Fitness Pal
تطبيق MyNetDiary
مميزاته
بيتميز إنها مجاني وفي نفس الوقت فيه مميزات ممكن تشتركي فيها مقابل 9 دولار في الشهر، سهل الاستخدام بالنسبة لكل الأعمار، وبيدعم كمان الأندرويد والـ ios.
عيوبه:
علشان تقدري توصلي لكل حاجة فيه هتحتاجي تدفعي اشتراك. لكن رغم كده هو تطبيق سهل الاستخدام وبيساعد على تتبع السعرات الحرارية والتغذية وبيساعدك في رحلة فقدان الوزن.
وقاعدة بياناته بتشمل أكتر من 845000 صنف، يعني قاعدة كبيرة جدًا وغالبًا مافيش أكل هتاكليه مش هتعرفي محتواه الحراري.
دايت الجيش الأمريكي .. يعني هتخسي 7 كيلو في أسبوع
تطبيق Cronometer
مميزاته:
مجاني، مع إمكانية الاشتراك الشهري اللي بتكون حوالي 6 دولار، سهل الاستخدام حتى على الأطفال، وبيدعم الأندرويد وكمان الـios.
وبالمقارنة مع التطبيقات التانية، هو فيه مميزات تانية زي مثلًا تتبع بيانات زي الكوليسترول وضغط الدم، وسهل جدًا في الاستخدام، ومعاه كمان مدونة ومنتدى تقدري تكتبي فيه سؤالك أو تدوري على معلومة محتاجة لها.
عيوبه
علشان تقدري تستفيدي منه بشكل كامل هتحتاجي تدفعي اشتراك شهري. التطبيق ده بيساعد فعلًا إنك تسيطري على أنواع الأكل اللي بتاكليها، وبيساعدك في الحصول على كامل العناصر الغذائية اللي محتاجها جسمك يوميًا من فيتامينات ومعادن.
5 أفكار مختلفة لتناول أنواع المكسرات غير المملحة في الدايت
تطبيق Lose It
مميزاته
زي تطبيقات كتير له جانب مجاني، وجانب تاني باشتراك بسيط بحوالي 10 دولار في الشهر، سهل في استخدامه جدًا. فيه كمان مميزات زيادة زي مثلا ماسح باركود، تتبع عناصر غذائية، سعرات حرارية، وكمان بيحط لك تحديات علشان تقدري توصلي لهدفك.
عيوبه
الجزء المجاني فيه موجود فيه إعلانات.
هو تطبيق سهل الاستخدام لفقدان الوزن وبيركز على حساب السعرات الحرارية، التطبيق بيقول لك على احتياجاتك اليومية من السعرات وبيحط لك خطة مناسبة لوزنك وده من خلال تحليله لوزنك وطولك وعمرك وهدفك من الدايت؟
تجربتي مع أكلات الرجيم: أهم منتجات اشتريتها وانا باعمل دايت
تطبيق FatSecret:
مميزاته
هو تطبيق مجاني بس فيه جانب بيتفتح باشتراك شهري حوالي 7 دولار، وبيدعم الشغل على الأندرويد والـIos. قاعدة بياناته واسعة جدًا وبتضمن مطاعم كتير قوي والسوبر ماركت، وبيعرض لك متوسط السعرات الحرارية اللي هتحتاجي لها شهريًا، وده حلو جدًا علشان بيساعدك تتابعي تقدمك.
عيوبه
عيبه اللي ممكن يعتبر الوحيد إن فيه عناصر كتير جدًا، وده اللي ممكن يخليه صعب في الاستخدام.
16فكرة لأكلات دايت شهية .. الرجيم مش حرمان
تطبيق MyFitnessPal
مميزاته:
هو تطبيق مجاني بس فيه جانب بيتفتح باشتراك شهري حوالي 10 دولار، وسهل الاستخدام، وبيدعم الشغل على الأندرويد والـIos.
بيستخدم قاعدة بيانات مفتوحة وده بيسمح للمشتركين إنهم يضيفوا أنواع أكل مختلفة، طريقة إدخال البيانات فيه سهلة جدا، ومرتبط بتطبيقات تانية خاصة بالرياضة.
عيوبه:
يمكن يعتبر عيبه الوحيد إن بعض السعرات المحسوبة فيه ناس هم اللي كاتبينها مش متخصصين.
تقدري تقولي إن دول أشهر تطبيقات على جوجل بلاي تقدري تعتمدي على واحد منهم في رحلة خسارتك للوزن، التطبيقات دي مش بس بتوفر معلومات عن السعرات الحرارية أو بتوفر لك خطط تناسبك إنما هي كمان بتشجعك وبتعتبر داعم إيجابي جدا ليكي.
8 أماكن تاكلي فيهم أكل صحي لو عاملة دايت
التعليق باستخدام حساب فيس بوك