الخضراوات الورقية مشهورة بإنها بتدبل بسرعة وسهل إنها تخرب أسرع أكتر من بقية أنواع الخضراوات. لكن الخبر الكويس إنها ممكن تفضل طازة لمدة أسبوع تقريبًا لو اتخزنت بطريقة كويسة. والنهارده هنتعرف سوا على أفضل طرق حفظ الخضراوات الورقية.
من أفضل طرق التخزين للخضراوات الورقية زي الخس والجرجير والسبانخ واللفت والسلق والكرنب هو إننا نحطها في كيس قماشي مقفول كويس أو علبة زجاجية أو معمولة من البلاستيك الصحي مقفولة كويس ومش مزحومة وجافة.
بنحضرها ازاي للتخزين؟
بنشيل السيقان والربطات والغلاف اللي حواليها.
بنغسلها كويس ونجففها بشكل كويس جدًا.
بعد كده بيكون عندنا أكتر من خيار:
الخيار الأول: إننا نلف الخضراوات في منشفة أو قطعة قماشية كبيرة ونربطها بطريقة مش محكمة تماما، الخضار بتحتاج تغطية مش مكتومة لأن ده ممكن يأدي إنها تتعفن بشكل أسرع، حطي الخضار الملفوفة في علبة زجاج أو بلاستيك صحي في جزء بارد من التلاجة،زي درج الخضار أو جوه التلاجة ورا الحاجات المحفوظة فيها، دي أفضل حاجة عشان تقدري تحافظي عليها مش بس مناسبة للاستخدام لأ هتكون طازة تماما.
الخيار التاني:
إننا نحط الخضار المغسولة والمجففة في كيس تخزين في مكان بارد، الطريقة دي مش أحسن طريقة لأن الخضراوات ممكن تتعفن بسرعة عشان كده هي طريقة مناسبة للاستخدام اليومي مش التخزين.
الخيار الثالث:
الطريقة دي ممكن تبان غريبة شوية بس هي مناسبة جدا لتخزين الخضار اللي بتحتاجيها لوقت الصيف اللي الخضراوات ما بتكونش فيه بنفس جودتها فلو عندك مكان في الفريزر فكري فيها:
بتغلي مية في وعاء واسع وتحطي الخضار واحدة واحدة لمدة 30 ثانية بالكتير وبعدين تطلعيها على وعاء تاني فيه مية متلجة، الطريقة دي بتصدم الخضار ومش بتخليه دبلان أبدا.
بتنشفي الخضار كويس جدا لغاية ما تتخلصي من أي رطوبة موجودة وبعد كده بتلفي كل كمية صغيرة على شكل كورة صغيرة، بتغمسيها في شمع عسل وتنقليها الفريزر لمدة دقيقتين أو تلاتة.
لما الكرة تجمد بتشيليها في علبة تحزين من البلاستيك الصحي مناسبة للتجميد وتحفظي كور الخضار فيها.
فيه حاجات مهمة جدا مش لازم نهملها أبدا:
- الغسيل الكويس للخضراوات مش بس بينضفها وبيشيل أي أوساخ أو أتربة، لكن كمان بيرطب الخضار تاني وبيساعدها تفضل رطبة وطازة.
- لازم تجففي الخضراوات كويس جدا لأن الرطوبة بتدبل الخضار بشكل أسرع.
- لو كان عندك مساحة وعندك خضار طازة جدا ممكن تجربي تحطيهم في كوباية مبة، ده هيحتفظ بها طازة لفترة أطول.
المصدر:
التعليق باستخدام حساب فيس بوك