محتويات المقال
معظمنا بيعاني من جفاف البشرة في فصل الشتا، حتى لو بنحرص على عمل روتين يومي، لأن البرودة في فصل الشتا بتخلي البشرة محتاجة ترطيب مضاعف. ومع كتر استخدام المياه السخنة وقت الدش أو غسيل الحوض أو غسيل الإيد، البشرة بتكون أكتر عرضة للجفاف. غير طبعًا العوامل التانية اللي بتزوّد من جفاف البشرة زي نوع البشرة وقلة شرب المياه وكتر التعرض للكيماويات اللي بتبقى موجودة في المنظفات. عشان كده، ترطيب بشرتك في فصل الشتا من أهم الحاجات اللي لازم تهتمي بيها لو عايزة تحافظي على نعومة وجمال بشرتك. وفي المقال ده، هنساعدك تعرفي إيه الطرق اللي تقدري تعمليها عشان تحافظي على ترطيب وبشرتك وأفضل الكريمات المرطبة المتوفرة في السوق حاليًا.
أفضل كريمات ترطيب البشرة لشتاء 2021
- Eva Skin Care
- Nivea
- Glysolid
- Sebamed Hand & Nail Balm
- Jergens
- Neutrogena Hand Cream Concentrated
- Luna Emollient
- Dove Intensive Cream
- Eva Hand Cream
- Nuxe hand & Nail Cream
كريم Eva Skin Care
كريم ايفا بيدي بشرتك ترطيب مكثف وبيحافظ عليها من الجفاف.
السعر: حوالي 20 جنيه
كريم Nivea
كريم نيفيا مرطب للجسم بزيت الجوجوبا وفيتامين ه بيدي لبشرتك ترطيب مكثف وبيحميها من الجفاف.
السعر: حوالي 60 جنيه للـ300 مل.
كريم Glysolid
من أشهر الكريمات المرطبة وبيمنع البشرة من الجفاف والتشقق ومناسب بالأخص لأصحاب البشرة شديدة الجفاف.
السعر لحجم الـ40 مل: 30 جنيه.
كريم Sebamed Hand & Nail Balm
كريم مناسب للأيد الجافة وبيساعد على نعومتها وكمان بيعمل علة تقوية الأظافر.
السعر: حوالي 200 جنيه.
كريم Jergens
كريم جيرجينز بيكون ليه كذا نوع لمختلف أنواع البشرة وبيرطب جسمك زي كريم جوز الهند للبشرة الجافة وكريم جيرجينز بزبدة الشيا للترطيب.
السعر: حوالي 140 لحجم الـ400 مل.
كريم Neutrogena Hand Cream Concentrated
كريم نيوتريجينا بتركيبة الجليسرين بتساعد على ترطيب وتنعيم الأيدين شديدة الجفاف والمشققة وبتمنحها نعومة وترطيب فائق.
السعر: حوالي 50 جنيه لحجم الـ50 مل.
كريم Luna Emollient
كريم مناسب للكعبين واليد بيمنح البشرة ترطيب فائق وبيحافظ عليها من التشققات والجفاف.
السعر: 12-15 جنيه.
كريم Dove Intensive Cream
كريم دوف سريع الأمتصاص ومكثف بياعد على ترطيب بشرة جسمك ويحميها من الجفاف.
السعر: حوالي 60 جنيه للـ150 مل.
كريم Eva Hand Cream
الكريم مناسب للإيد الجافة و تشققات الكوع والكعبين.
السعر: 30 جنيه.
كريم Nuxe Hand & Nail
السعر: حوالي 160 جنيه
*الأسعار الموضحة في المقال ممكن تزيد أو تقل من وقت كتابة المقال.
نصائح للحفاظ على ترطيب البشرة في الشتاء
ما تنسيش تشربي مياه
المياه بتعتبر من المرطبات الطبيعية اللي بتحافظ على نضارة وترطيب بشرتك وكتير مننا بينسى يشرب ميه في الشتا وبنعتمد أكتر على المشروبات السخنة عشان ندفى، حاولي تحافظي على شرب 8 أكواب من المياه يوميًا.
تجنبي المياه السخنة
طبعًا كلنا بنستخدم المياه السخنة سواء في الدش أو في غسيل الأيدين وغسيل الحوض وللأسف المياه السخنة بتزود من جفاف وممكن كمان تسبب تشققات للجلد، حاولي تستخدمي الميه الفاترة على قد ما تقدري عشان تتجنبي المشاكل اللي بتسببها المياه السخنة.
استخدمي الماسكات المرطبة
ممكن تعملي ماسكات مرطبة سواء هتستخدمي ماسكات مستحضرات التجميل أو الماسكات الطبيعية اللي ممكن تعمليها في البيت بمكونات طبيعية زي ماسك العسل والزبادي للوش أو ماسك الجليسرين وميه الورد اللي ممكن تدهني بيه بشرتك عشان ترطبيها وكمان بيدي ريحة جميلة للبشرة.
تقشير البشرة
تقشير البشرة في فصل الشتا من الروتين المهم لبشرتك عشان ترطبيها وتقشري طبقات الجلد الميت الجاف وتساعدي بشرتك الجافة إنها تترطب بفعالية.. فيه مستحضرات تجميل بتوفرلك كريمات تقشير أو ممكن تعملي خلطات في البيت بنفسك وأبسط خلطة ممكن تعمليها للتقشير هي خلطة زيت الزيتون الدافيء مع السكر البني الخشن ودلكي بيه الأماكن الجافة برفق زي الركب والقدمين.
احرصي على استخدام الكريمات المرطبة
الكريمات المرطبة بيكون ليها دور كبير في ترطيب البشرة والمحافظة عليها من الجفاف سواء كريمات اليدين أو القدمين أو الوش والجسم ودي مجموعة من كريمات الترطيب المتوفرة في السوق بأسعار مناسبة للميزانية.
التعليق باستخدام حساب فيس بوك