أفضل إطلالات وأزياء الملكة رانيا اللي كلنا بنحبها

من زياراتها جوه مملكة الأردن الشقيقة، لزياراتها بالخارج، أكتر شيء بيميز حضور الملكة رانيا العبد الله – بعد دبلوماسيتها ولباقتها طبعًا – هو أزياء الملكة رانيا اللي بتعزز جمالها الطاغي. الملكة من الأشخاص اللي قدروا إنهم يكون لهم طلة مميزة جدًا سواء ظهرت في مناسبة عالمية أو وطنية أو حتى في زيارة لأرجاء وطنها.

في المقال ده، هنحتفي بطلات وأزياء الملكة رانيا اللي هنشوف بعض منها فقط، لأن المقال لا يتسع لكل هذا الجمال.

الملكة رانيا بالطراز العربي

يمكن من أكتر الأزياء اللي لفتت نظر الناس لطلات الملكة هي حرصها الدائم على الظهور بفساتين وأزياء تحمل الطابع العربي.

الفستان الجميل ده واللي بيحمل الطابع العربي ظهرت به الملكة في احتفال عيد الاستقلال الرابع والسبعين للأردن.