محتويات المقال
على جيل جداتنا، كانت البشرة البيضا أهم علامة من علامات الجمال، والأمنية اللي تتمناها كل حامل في بنتها بالذات. طبعًا لحد دلوقتي ناس كتير بتشوف إن البياض ده هو أقصى علامات الجمال. بس للأسف، بالرغم من كل ده، فيه بنات وستات من أصحاب البشرة البيضا/الفاتحة بيبقوا مضطرين إنهم طول الوقت يحطوا مكياج عشان يتفادوا إنهم يبانوا بشكل شاحب. عشان كده، في المقال ده، هنقول لك نصايح للحصول على أفضل مكياج للبشرة البيضاء.
نصايح لأفضل مكياج للبشرة الفاتحة
- الصن بلوك
- الفاونديشن الخفيف
- الأخف أحلى
- ألوان النيود
- تحديد الملامح
الصن بلوك أو الواقي من الشمس
طبعًا من خلال مقالات راحة بالي السابقة، عرفتي أهمية الصن بلوك عامة. لكن الحقيقة في البشرة البيضا الأهمية مضاعفة لإن الشمس ممكن تحرق بشرتك، وعشان كده مهم جدًا تبدأي الميكب دايمًا بالصن بلوك.
الفاونديشن الخفيف
لو مفيش مناسبة أو سهرة متطلبة مكياج تقيل، بلاش تحطي فاونديشن كامل أو طبقات لإن شكله هيبان إنه تقيل قوي. قدامك اختيارين، إما تختاري نوع خفيف وتطبقي طبقة خفيفة منه أو بلاش فاونديشن خالص واستخدمي كونسيلر في الأماكن الغامقة أو اللي عايزة تخفيها.
الأخف أحلى
الأخف أحلى عمومًا طبعًا، لكن بالذات مع البشرة الفاتحة! لإنك لو استخدمتي ألوان أو درجات صارخة، هتبان متباينة قوي، وعشان كده، بننصحك تميلي للألوان الهادية ودرجات فاتحة وهادية عشان هتخلي الوش يبان حلو جدًا، ما تخافيش من إنها تكون خفيفة أو فاتحة، لإنها مش هتبان شاحبة، بالعكس، هتبرز جماله أكتر.
ألوان النيود
زي ما قلنا النقطة اللي فاتت، مش بس استغلي الألوان الفاتحة، لكن كمان استخدمي الألوان النيود، درجات البيج كله والبني والدهبي.
تحديد الملامح
ركزي على تحديد الملامح، حددي العيون وحددي الشفايف وكمان بالدرجات الهادية للفاونديشن والأقلام البنية للعيون والوردي للشفايف، حددي كل ملامح وشك.
المصدر
L’Oreal Paris USA
التعليق باستخدام حساب فيس بوك