كل سنه وانتم طيبين، خلاص 2020 قربت تخلص بحلوها ومرها، وهنبدأ سنة جديدة، بنتمنى تشيل لنا معاها الخير. وأحلى نهاية للسنة هي تجمع العيلة على سفرة جميلة، مش لازم تكون مكلفة وفخمة، لكن ممكن بأبسط الأشياء تبقى أحلى سفرة تفرح الكل وتجمعهم. في المقال ده، حبينا نكون جزء من فرحتك بالسنة الجديدة بمجموعة أفكار بسيطة تقدري تنفذيها بنفسك في البيت لـ تزيين سفرة رأس السنة عشان تخلقي أجواء مبهجة وتفرحي الكبار والصغيرين، وتخلّي الأطفال دايمًا يشاركوكي في كل المراحل، وصدقيني هيفتكروا كل اللحظات الحلوة دي ويبقوا في منتهى السعادة إنهم عملوا ده بنفسهم. ياللا جهزي مسدس الشمع، وشوية برطمنات إزاز، وفروع من الورد والأوراق الخضراء، مع بعض القطع البسيطة اللي ممكن تحتاجي تشتريها من أي مكتبة، ولو استفدتي من الأفكار دي، وألهمتك يا ريت تشاركينا.
مجموعة أفكار لتزيين سفرة رأس السنة
- الورق من الخامات السهلة جدًا في التعامل معاها. جربي الفكرة دي واستخدمي الورق المليان بالجليتر عشان يدي إحساس احتفالي وبهجة.
طرق تزيين سفرة رأس السنة 2021
- فكرة الشرابات من الحاجات إلي دمها خفيف قوي وسهلة جدا
المصدر pinterest – طرق تزيين سفرة رأس السنة
- جددي وخليكي جريئة في اختيارك للألوان، ما تقتصريش بس على اللون الأحمر في تفاصيل السفرة، واستخدمي الخيوط الملونة واللمض الصغيرة عشان تربطي بيها فوط السفرة. تقدري تلوني اللمض بأي لون تحبيه باستخدام سبراي، أو ألوان الأكريليك.
طرق تزيين سفرة رأس السنة
- من الأفكار البسيطة جدًا لكن شكلها رائع، استخدام أعواد الروز ماري والقرفة أو نجمة اليانسون لتزيين الفوط.
المصدر pinterest
- فكرة جديدة تقدري تعمليها بنفسك بالخطوات وتطبقي الفوط على شكر شجرة الكريسماس، صحيح هتاخد منك وقت شوية بس النتيجة عظيمة.
المصدر pinterest
ودي بعض الأفكار لعمل قطع مميزة (centerpiece) لسفرة الكريسماس
- شجرة الحلويات: كل اللي هتحتاجيه أشكال مخروطية من الفوم هتلاقيها عند أغلب المكتبات، هتغلفيها بالورق الملون، وتلزقي الحلويات عليها باستخدام الشوكولاتة السايحة، وبكده هتكون الشجرة قابلة للأكل كمان مش بس للزينة.
المصدر homebnc
- أما الفكرة دي على قد بساطتها لكن ألوان الزينة الفضي والدهبي بتدي بريق وشياكة لسفرتك.
المصدر pinterest
- من أسهل وأجمل الأفكار، وهي استخدام البرطمانات، امليها بكرات الزينة أو الخرز، وفوقيها الشموع أو الفروع الخضراء اللي بتضفي روح درامية جميلة جدًا لسفرتك.
المصدر pinterest
- تقدري تمزجي بين أكتر من عنصر للزينة مع بعض، وتستخدمي أي حاجة تساعدك تحققي ارتفاعات مختلفة. في الصورة هنا، مستخدمين قطع خشبية، تقدري تستخدمي برطمانات قديمة، أو حتى الكانز الصفيح بأحجام وارتفاعات مختلفة وترشيها بالسبراي أو تجلديها بورق أو شرايط أو خيش.
المصدر homebnc
- البرطمانات الشفافة مع أعواد الزينة والأوراق الخضراء.
المصدر pinterest
- لو بتحبي الأفكار الكلاسيكية، مفيش أحلى من الأوراق الخضراء مع فواكه الشتاء بجمالها الطبيعي.
المصدر pinterest
كل سنة وانتي طيبة ودايمًا مبسوطة ومختلفة.
التعليق باستخدام حساب فيس بوك