محتويات المقال
لما بقيت أم حسيت إن بيتي المتواضع بقا فجأة عبارة عن شقة ضيقة جدًا ومش عارفة أتحرك فيها، سرير البيبي من ناحية وترابيزة الغيار وكرسي العربية من ناحية، غير بقى مرحلة كرسي الأكل ولعب الأطفال من بيت الكور لقصص والمكعبات اللي بقوا في كل حتة.. قعدت أدور على أفكار ديكور عشان أقدر أستغل كل مكان في شقتي الصغيرة وقدرت إني أوصل لحلول عملية للتخزين وفي نفس الوقت تكون شكلها لطيف في تغيير وتجديد ديكور المنزل.
نصائح وأفكار ديكور بسيطة لإستغلال مساحات الشقق الضيقة
دوري عى المكان المناسب في شقتك
أول حاجة تعمليها قبل ما تدوري على أفكار ديكور تنفذيها، إنك تشوفي أماكن مش هتيجي على بالك تستغليها زي مثلا جوانب الدولاب أو فوق الغسالة أو حتى جوه الدش وتبدأي تفكري في حلول عملية إزاي تخلي المكان ده شكله حلو وفي نفس الوقت تستغليه في التخزين، وأسهل طريقة إنك تجيبي رف وتحطي عليه كل اللي عيزاه زي مثلا رف من الكروم ممكن تحطيه جوه الدش بحيث إنك تنظمي عليه منتجات الشعر وممكن تحطي كمان عليه ديكور لطيف مناسب للحمام، الأرفف دايمًا هتكون صديقتك وعملية ليكي لأنها بتكون على الحيط وبعيدة عن متناول إيد الأطفال عشان كده حاولي تستغلي الحيطان قدر الإمكان وطبعًا تكون الأرفف آمنة وثابتة كويس عشان تتفادي أي حوادث.
-
أماكن تخزين وديكورات في الحمام
سهل جدًا إنك تعملي مكان للتخزين والديكور في الحمام بميزانية بسيطة، ممكن تشتري حاجة بسيطة زي مجموعة من الأرفف بالطول بتتباع في بعض المحلات أو Souq.com عشان تحطي عليه الفوط وتطبقيها بشكل حلو أو لو عندك ميزانية تقدري تشتري وحدة تخزين بتكون تحت الحوض وبيبقى شكلها شيك وعملية جدًا في ديكورات الحمامات الضيقة وتقدري كمان تستغليها في تخزين الفوط ومنتجات العناية بالشعر أو حتى منتجات التنظيف.
أفكار ديكورات حمامات صغيرة
أفكار ديكور حمامات ضيقة
أفكار ديكورات حمامات صغيرة
أفكار ديكور حمامات ضيقة
-
دولاب للتخزين
ممكن تجيبي قطعة ديكور شيك وكمان تستخدميها للتخزين زي جزامة كبيرة تنفع كديكور وتراعي إن يكون حجمها مناسب عشان تخزني فيها كل الجزم بحيث إنها تساعدك إنك تحتفظي ببيهم كلهم في مكان واحد مش كذا مكان وكمان ممكن تشتريها عالية ومش عريضة بحيث إنك تستغلي طول الحيطة بقدر الإمكان من غير ما تضيقي المكان.
أفكار ديكورات للشقق الصغيرة
-
ديكورات حوائط: استغلي الحيطة الفاضية
زي ما قلنا قبل كده حاولي تستغلي أي حيطة فاضية تقدري تعملي عليها مجموعة من الأرفف أو مكتبة صغيرة عملية، ممكن تستخدميها في تنظيم لعب الأطفال أو الكتب أو ممكن تستخدميها كديكور يدي منظر جمالي.
ديكورات حوائط للشقق الصغيرة
أفكار ديكور للشقق الضيقة – ديكورات حوائط
ديكورات حوائط – أفكار ديكور شقق ضيقة
-
استغلال جميع أركان المطبخ خاصة جوانب دولاب المطبخ كديكور
جوانب دولاب المطبخ ممكن تعلقي عليهم رف صغير وتستخدميه كأماكن لتخزين برطمانات التوابل أو كديكور وممكن تستغلي المكان ده بإنك تجيبي علاقات عشان تعلقي عليهم فوط المطبخ وجوانتي الفرن كديكور.
أفكار ديكورات مطابخ صغيرة
أفكار ديكور للشقق الصغيرة
أفكار ديكورات مطابخ صغيرة
أفكار ديكورات مطابخ صغيرة 2020
أفكار ديكورات مطابخ صغيرة 2020
أفكار ديكورات مطابخ صغيرة 2020
-
أماكن تخزين لعب الأطفال
طبعًا لعب الولاد بتبقى من أكتر الأماكن اللي بتاخد مكان خصوصًا لو بنشيلهم في صناديق عشان كده ممكن تجيبي مكتبة بيبقى فيها أماكن مخصوصة لكل صندوق وبيبقى شكلها شيك جدًا كديكور، المكتبة بتتباع في محلات لعب الأطفال وبعض المكتبات الكبرى كمان.
أفكار لتخرين لعب الأطفال 2020
أفكار لتخزين لعب الأطفال 2020
أفكار ديكور لتخزين ألعاب الأطفال
أفكار ديكور لتخزين ألعاب الأطفال
حابين نسمع رأيكم ايه أكتر فكرة ديكور لاستغلال مساحات الشقق الضيقة عجبتك
المصدر: Pinterest
التعليق باستخدام حساب فيس بوك