أفكار جديدة لـ صور للأب مع طفله

التقاط الصور لمولودك الجديد تعتبر من أهم الحاجات الحلوة إللي ممكن تعمليها للبيبي وتبقى ذكرى لا تعوض بتمن ليه لما يكبر.. عادة إنتي مش هتنسي تتصوري مع المولود الجديد، لكن جوزك هو إللي ممكن ينسى.. علشان كدة هانوريكي مجموعة من الأفكار لصور بابا مع البيبي، تقدري تنفذيهم ببساطة من أول لحظة في الولادة.

 

صور غرفة الولادة

لمّا تروحي تولدي في المستشفى، وصي ماماتك أو باباكي يصوروا الأب في أول لحظة يشوف فيها البيبي وياريت يبقى بالفيديو كمان.

 

 صور باستخدام الفوتوشوب

لو بتعرقي في الفوتوشوب أو برامج تعديل الصور هتقدري تنفذي أفكار من النوع ده بسهولة.

 

 

صور الإيدين

على أد بساطتها، إلا إنه صور الإيدين بتكون معبرة جدًا وليها معاني حلوة زي الصورة دي كدة.

 

صور بنفس اللبس

من الحاجات إللي طالعة موضة، الستايل بتاع Mini Me وهو إنه الأب يلبس نفس اللبس بتاع البيبي أو يلبسوا طقم بيكمل بعضه ويتصوروا بيه مع بعض.

 

صور وهمّا نايميين جنب بعض

على طريقة “هذا الشبل من ذاك الأسد” ، صور الأب وهو نايم جنب ابنه خصوصا لو شبه بعض وبيناموا نفس النومة بتطلع حلوة قوي.

 

صور الأب مع بنتهم

مش عارفة السبب الصراحة، بس دايمًا البنت لما بتكبر بتحب تتفرج أو تنشر صور ليها مع باباها.. يمكن لأن الأب هو أول حب في حياة بنته..

 

 

هل عندك تعليق على المقال ده؟ شاركينا هنا

Leave a Comment Cancel Reply

Δ

التعليق باستخدام حساب فيس بوك