أفكار لترتيب ملابس البيبي والأطفال في الدولاب

ملابس البيبي من أكتر الحاجات إللي ممكن تلخبط الأم.. هدوم صيفي وهدوم شتوي وهدوم مظبوطة عالبيبي وهدوم كبيرة عليه لسة هتستخدم قدام.. حاجة تحير وتلخبط..

ده غير إنه مستلزمات البيبي مش بس هدوم.. فيه منتجات عناية وحفاضات وأحذية وألعاب وطواقي وغيره وغيره..

وأحسن حاجة علشان تعرفي تتعلمي مع كل ده هو إنك تبقي منظمة ومرتبة.

ودلوقتي هنقولك على شوية نصائح علشان تعرفي ترتبي ملابس البيبي في الدولاب..

• لو الدولاب إللي عندك عبارة عن رفوف، استخدمي الصناديق البلاستيك او الصناديق المصنوعة من الورق المقوى علشان تحطي كل حاجة لوحدها.. البنطلونات لوحدها التيشيرتات لوحدها الفانلات لوحدها وهكذا.
• لو الدولاب إللي عندك بيعتمد على التعليق استخدمي الفواصل الكارتون علشان تقسمي الهدوم في الدولاب.. وكمان فيه وحدات بتتعلق على ماسورة التعليق فيها أرفف ممكن تحطي عليها الحاجات الخفيفة.
• فيه وحدات قماشية بتتعلق على الحيطة ممكن تحطي فيها الأحذية والألعاب.
• ممكن تشتري الوحدة إللي فيها أدراج تحطي فيها الحفاضات ومستلزمات العناية.
• استخدمي السلال والصناديق وحطيها في منطقة “قعر” الدولاب واستغلي المنطقة دي لإنها ممكن تلم كراكيب كتير.
• لو الدولاب صغير مش بلاكار ممكن تحطي فوقيه صناديق تخزين للملابس إللي مش بتستخدميها دلوقتي.

 

شوفي أفكار لترتيب لعب الأطفال 

 

ودلوقتي ممكن تتفرجي على مجموعة صور فيها أفكار ملهمة ليكي

 

حيل وأفكار لترتيب المطبخ 

هل عندك تعليق على المقال ده؟ شاركينا هنا

Leave a Comment Cancel Reply

Δ

التعليق باستخدام حساب فيس بوك