بقالك فترة ما لبستيش الخاتم المفضل ليكي وحاسة إنه بقى واسع عليكي، ومش حابة إنك تغيريه أو تلبسي خاتم غيره وبتدوري على طرق مناسبة لتضييقه؟ في المقال ده هنساعدك إنك تتعرفي على طرق تضييق الخاتم الواسع المناسبة ليكي.
قبل ما تبدأي بمحاولات التضييق لازم تحددي سبب ضيق الخاتم عليكي لأنه ممكن يكون سبب مؤقت زي الجو البارد أو فقدان وزن سريع، وأحيانا ممكن تبقى الظروف اللي اشتريتي في وقتها الخاتم كانت مخليه مقاسك أوسع زي الحمل مثلا لأنه بيسبب انتفاخ الجسم، وممكن تبقى أكلة فيها كمية ملح محترمة في أيام شم النسيم مثلا.
ممكن يبقى جسمك حساس لدرجات الحرارة المختلفة، والخاتم أوقات يبقى ضيق وأوقات يبقى واسع وفي أغلب الحالات دي مش بننصح إنك تغيري مقاس الخاتم بشكل دائم لكن تستخدمي الأدوات المؤقتة للتضييق حفاظا على معدن الخاتم وعشان يفضل معاكي مدة أطول.
أدوات التضييق المؤقت:
- حبات التحجيم أو خرزات المقاس:
الصايغ أو الجواهري بيضيف كرتين معدنيتين صغيرين على الجزء الخلفي من حلقة الخاتم، وده بيخلي الخاتم مضبوط على المقاس في صباعك، والطريقة دي مش بس مش مكلفة ماديا، لكن مثالية لتصغير حجم الخاتم.
مش كل الناس بترتاح وهي لابسة الخاتم اللي فيه خرزات علشان كده قبل ما تعتمدي الطريقة اسألي الصايغ لو كان عنده خاتم فيها خرزات للمقاس ينفع تجربيه.
أسهل الطرق لتنضيف الأحذية القطيفة والشمواه
- حلقة الزنبرك:
حلقة الزنبرك من الحاجات المستخدمة في تضييق الخاتم، وبتكون على شكل حدوة حصان بتبطن 3 أرباع الخاتم وبتتفتح شوية عشان تقدري تلبسي الخاتم وبعد كده بتتقفل عشان تتثبت على إيديك بشكل مريح ومش واسع.
الطريقة دي معقدة شوية أكتر من الخرزات مثلا لكنها طريقة مريحة أكتر بالنسبة لإيديكي.
- شريط الطي:
شريط الطي هو شريط على شكل حرفU، الصايغ بيلحمه وله مفصلة ومزلاج من الجنب التاني، بتلبسي الخاتم وتقفلي الحلقة علشان مقاس الخاتم يكون أصغر ومناسب لك.
لو مش حابة تروحي للصايغ أو ما عندكيش وقت، ممكن تستخدمي حلقات صغيرة من السيليكون ممكن تركبيها في الخاتم وتلاقيها في محلات الخردوات.
وممكن تستخدمي شريط بلاستيك أو حلقة سيليكون تلبسيهم علشان مقاس الخاتم يضبط، بس ده للأسف ممكن ما يكونش مناسب على المدى الطويل لخواتم معمولة من الدهب أو الفضة وممكن جلدك يتحسس من المواد الصناعية لو فضلت ملتصقه فيه فترة طويلة.
طريقة تضييق الخاتم
النصيحة الأفضل هي لو الخاتم مكانش مناسب لك تماما اخلعيه وحطيه في علبة لحد ما تروحي لمختص يعرفك لو كنت محتاجة تصغري الحجم بشكل دائم أو لو في حل زي الحلول اللي اتكلمنا عنها ممكن استخدامه.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
التعليق باستخدام حساب فيس بوك