محتويات المقال
السنة الجديدة على الأبواب وليلة رأس السنة قربت، والوقت ده بيكون وقت عيد وفرحة وزيارات العيلة والخروجات، بس مع كتر المسئوليات ومشاغل حياتنا كأمهات وكمان دراسة وتمارين ولادنا ممكن ميبقاش عندنا وقت أو إمكانية اننا نخرج نحتفل بالكريماس أو رأس السنة بره البيت وعشان كده إحنا في فريق راحة بالي حبينا نشاركك بأفكار كتير عشان تحتفلي بليلة رأس السنة في البيت.
زيني البيت مع ولادك
أول حاجة تعمليها هي إنك تضيفي جو الحفلات على البيت بديكورات مختلفة وزينة ملونة ودي شوية أفكار بسيطة تقدري تعمليها بسهولة عشان تزيني بيها البيت
ديكورات وزينة رأس السنة 2021 للمنزل
ديكورات وزينة رأس السنة 2021 للبيت
ديكورات وزينة رأس السنة 2021 للبيت
ديكورات وزينة رأس السنة 2021 للمنزل
ديكورات وزينة رأس السنة 2021 للبيت
ديكورات وزينة رأس السنة 2021 للبيت
سهرة أفلام
أفكار للأحتفال برأس السنة في المنزل
اعملي سهرة عائلية بأكتر فيلم مناسب للأطفال وبيفكرك بالكريسماس ورأس السنة زي فيلم Home Alone وفيلم Elf وجهزي سناكس زي السينما زي الفشار أو الفشار المكرمل والمقرمشات والكاكاو السخن مع المارشميلو… شوفي كل أفلام الكريسماس هنا
جلسة تصوير
أفكار للأحتفال برأس السنة في البيت
اعملي بنفسك إطار للتصوير برقم السنة الجديدة 2020 أو ممكن تشتريه من أي مكتبة كبيرة وإعملي جلسة تصوير مع ولادك وضيوفك بإكسسوارات مختلفة زي النضارة العملاقة والريش.
كوكيز بالجنزبيل Gingerbread Cookies
أفكار للأحتفال برأس السنة في البيت
كوكيز الجنزبيل من الحلويات المشهورة في الشتا وبتتقدم في أعياد الكريسماس كمان، ممكن تعمليها مع ولادك وتخليهم يساعدوكي في التزيين.
المكونات:
- ½ كوب زبدة غير مملحة.
- ½ سكر بني.
- 1 بيضة.
- ½ نص كوب عسل أسود.
- معلقة ونص قرفة.
- معلقة ونص جنزبيل.
- ربع معلقة صغيرة قرنفل.
- ½ معلقة صغيرة بكينج صودا.
- ½ معلقة صغيرة ملح.
- 2 كوب ونص دقيق.
والفيديو ده هيوضحلك طريقة عمل الكوكيز
أعمال يدوية خاصة بـ ليلة رأس السنة في المنزل
ممكن تعملي مع ولادك نشاط تعمليه معاهم بأدوات مكتبية بسيطة زي الصلصال والجليتر والفوم الجليتر ودي شوية صور ممكن تاخدي منها أفكار تقدري تعمليها مع ولادك.
أعمال يدوية – رأس السنة في البيت
أعمال يدوية – رأس السنة في المنزل
أعمال يدوية – رأس السنة في البيت
أعمال يدوية – رأس السنة 2021 في المنزل
لعبة العد التنازلي
ممكن تعملي لولادك لعبة العد التنازلي لحد الساعة 12 بليل، ممكن تجيبي بالونات مكتوب عليها الوقت وتحطي جواها لعبة أو بونبوني وكل ساعة يفرقعوا بالونة وممكن تجيبي أكياس هدايا أو تعمليها بنفسك وتمليها هدايا أو حلويات وتخليهم يفتحوها كل اسعة لحد منتصف الليل، اللعبة مسلية وهتفرحهم بالمفاجآت وكمان هتخليهم يتعلموا إزاي يعرفوا التوقيت.
أفكار للأحتفال برأس السنة في المنزل
أفكار للأحتفال برأس السنة في المنزل
كاندي بار
أفكار للأحتفال برأس السنة في المنزل
ممكن تعملي حفلة بسيطة لعيلتك وتعملي فيها كاندي بار من مكونات بسيطة أوي زي المارشميلو والبونبوني والكاب كيك ولو حابة إنك تخليه صحي أكتر ممكن تستبدلي السكريات بالفواكه ممكن تعملي كوبايات سلطة الفواكه أو الفشار المكرمل أو المكسرات.
ودي كانت شوية أفكار بسيطة لو هتقضي سهرة رأس السنة في البيت، قوليلنا هتحتفلي برأس السنة إزاي؟
التعليق باستخدام حساب فيس بوك