السنة دي هتبقى تاني سنة هييجي علينا شم النسيم في رمضان، اللي هو المناسبات اللي كنا بنعتبرها من المواسم الأساسية للتجمع العائلي، لكن احنا زي ما حصل السنة اللي فاتت هنفضل ملتزمين بتجنب التجمعات العائلية وخصوصًا في أماكن مغلقة، والالتزام بلبس الكمامة وغسل الأيدي.
أنشطة للأطفال في شم النسيم يعملوها بإيديهم
علشان كده، الفترة دي، هنحاول مع بعض ندور على أفكار نقدر نعملها في بيوتنا تخلينا نحس بفرحة وبهجة يوم مميز زي شم النسيم وفي نفس الوقت ولادنا يعيشوا البهجة رغم كل شيء.
أهم نصائح شراء وتحضير الفسيخ والرنجة في شم النسيم
أفكار للاحتفال بعيد شم النسيم في رمضان 2022
- اعملي playlist بأغاني الربيع اللي كلنا بنحبها ومتربين عليها شغليها من أول اليوم الصبح.
- لوّنوا البيض مع بعض، رغم إنها فكرة تقليدية بس هي دايمًا مرحة، سواءً هتلونيها بالألوان الطبيعية أو ترسموا عليها بأقلام التلوين بعد ما تتسلق.
- هاتي بيض بلاستيك وخبي فيه هدايا زي لعبة صغيرة أو شوكولاتة وخبيها في أماكن مختلفة في البيت واعملي مسابقة مين يلاقي أكبر قدر منهم.
- بما إن شم النسيم أجازة، فانتي وزوجك موجودين، وده هيكون أحسن وقت تلعبوا مع أولادكم ألعاب تقليدية بتاعت زمان، زي الكوتشينة والمونوبولي أو بنك الحظ، أو حتى بلاي ستيشن، المهم تكون لعبة تفاعلية بينكم كلكم.
- علقي زينة ملونة ومبهجة في البيت.
- اعملي مسابقة رسم وتلوين بين كل أفراد أسرتك. وبعد ما تخلصوا، علقوا الصور بتاعتكم في الأوض أو التلاجة.
- اعملي مسابقة بينك وبين جوزك مين بيجهز أحلى طبق رنجة وأولادكم هما لجنة التحكيم.
- اعملوا فيديو كونفرنس بينكم وبين أفراد عائلتكم شوفوا بعض وسلموا على بعض.
- وممكن تعملوا مسابقة بينكم وبين أفراد العيلة، كل واحد في بيته بس كل واحد بيجهز طبق الفسيخ أو رنجة بطريقة مختلفة.
- اعملوا حلويات في البيت للاحتفال بالعيد.
- خلي ولادك يشاركوكي الطبخ في اليوم ده.
- هاتوا أقلام وورق وكل واحد من أفراد أسرتك وكل واحد يكتب للتاني اللي في قلبه.
- اتشاركوا في رحلة إفتراضية لإحدى الأماكن اللي كنتم عايزين تزوروها، وتقدروا تعملوا التجربة دي عن طريق الخدمة اللي بتوفرها جوجل Tour Creator.
- لو في آخر اليوم حسيتي بالتعب والإرهاق من الجري ورا الأولاد، اختاري فيلم رومانسي تتفرجي عليه مع جوزك.
- اشتري لانجيري جديد متناسب مع جو بداية الربيع وقضي ليلة رومانسية مع زوجك على ضوء الشموع.
بداية الربيع دايمًا بهجة، وشم النسيم كأقدم عيد في التاريخ، كان الإنسان المصري بيسعد وبيستبشر بيه، وبعد آلاف السنين، احنا لسه بنحتفل بيه بنفس الأكل اللي كانوا بياكلوه أجدادنا، وده إن كان ليه معنى حلو، فهو إننا مش بنتغير، ومهما الحياة اتغيرت، مصر والمصريين ثابتين في قوتهم وبهجتهم.
التعليق باستخدام حساب فيس بوك