أفكار مختلفة لتزيين حيطان البيت بالصور والبراويز

البيت مش هايكون بيت من غير جدران وحوائط، يعني هما المكون الأساسي والمتكرر للمنزل، علشان كده بنكون محتاجين نزينهم بديكورات وصور وبراويز وتابلوهات علشان نجمل شكل اليت، ونضيف عليه لمسة جمالية وحيوية، وعلى قد ما السوق مليان خيارات إلا إننا بنحتار برضه في الاختيار، علشان كده في المقال ده هنقول لك على نصايح عامة قبل ما تشتري براويز وتابلوهات للبيت، وهنوريكي صور أفكار مختلفة ملهمة لتزيين حيطان البيت بالصور والبراويز:

 

 

• نصايح عامة قبل ما تشتري براويز وتابلوهات للبيت:

1. اختاري الاستايل اللي بيليق مع بقية بيتك، فمثلًا ماينفعش يكون بيتك مودرن وتروحي تشتري تابلوهات اوبيسون دهبي، والعكس بالعكس، ما ينفعش يكون صالونك أوبيسون روميو وجولييت، وتشتري تابلوه مودرن جدًا وتعلقيه فيه.
2. حاولي تبعدي عن الخيارات الموضة قوي، علشان لما تبطل ما تلاقيش نفسك عاوزه تتخلصي من الديكورات دي.
3. احسبي الأبعاد اللي هتعلقي فيها البراويز، ده مهم جدًا علشان متجيبيش تابلوه صغير قوي في حيطة كبيرة والعكس بالعكس.
4. استقري تمامًا على الشكل ومكان التعليق قبل ما تدقي مسامير وتشغلي الشينيور في الحيطة، ويستحسن طبعًا لو استخدمتي لاصق قوي مخصص للاتابلوهات علشان ما تبوظيش الحيطة.
5. لكل مقام مقال، يعني ستايل تابلوهات أوضة الأطفال غير ستايل الصالون غير أوضة النوم، وهكذا.

 

• أفكار مختلفة ملهمة لتزيين حيطان البيت بالصور والبراويز:

 

• الأطباق:

والاستايل ده من ديكور الجدران انتشر جدًا دلوقتي، وبقى فيه أشكال منوعة وخيارات كتير، وميزته إنه موضته مش بتبطل وبيفضل محتفظ بقيمته، ومتوفر منه خامات كتير زي البورسلين والخشب والخوص:

 

 

• التابلوهات المنتظمة:

وده الاستاسل الكلاسيكي لتنسيق التابلوهات على الجدران، بصرف النظر عن موديل التابلوهات، فممكن تكون مودرن أو كلاسيك، وممكن يكونوا نفس الشكل، أو شكل متقسم على أكتر من تابلوه، أو أكتر من شكل بس نمط واحد:

 

 

 

 

بالصور: أفكار مبتكرة لتزيين الأبواب في البيت وتغيير شكلها

 

• التابلوه الواحد:

وده مش محتاج توضيح، وغالبًا بيكون حجمه كبير:

 

 

 

• التابلوهات غير المنتظمة:

التابلوهات غير المتظمة في تنسيقها بتدي حيوية وحركة للمكان، بس لازم تكوني منتبهة جدًا في تنسيقها علشان ما تتحولش لفوضى وعشوائية:

 

 

ودلوقتي قوليلنا أي فكرة فيهم عجبتك أكتر وممكن تنفذيها في بيتك؟

راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.

هل عندك تعليق على المقال ده؟ شاركينا هنا

Leave a Comment Cancel Reply

Δ

التعليق باستخدام حساب فيس بوك