محتويات المقال
بنات وأمهات كتير بيفكروا في مشاريع صغيرة مربحة وناجحة من المنزل وخاصة لو كانت مشاريع غير مكلفة وبدون رأس مال كبير بحيث يقدروا يساعدوا بيها نفسهم أو أزواجهم ماديًا ويوصلوا لحالة من الأمان المادي المطمئن، وأحيانا بيكونوا محتاجين فلوس تكفي إنهم يشتروا عربية أو يروحوا رحلة مع العائلة، ولأننا في راحة بالي حابين إننا ندعم النساء ونقويهم ونديهم أمل جديد لبكرة جمعنالكم النهاردة 5 أفكار لمشاريع صغيرة مربحة من المنزل ممكن تبتدي بيها العمل في البيت من غير ما تحتاجي رأس مال كبير.
أفكار مشاريع صغيرة مربحة وناجحة من المنزل
- مشروع انك تبقي فيديو بلوجر.
- فكرة مشروع تخطيط المناسبات Event & Wedding Planner.
- مشروع الأكل البيتي أو الكاترنج Catering.
- صناعة المخبوزات من المنزل.
- مشروع التدريس والتدريب أونلاين.
مشروع انك تبقي فيديو بلوجر
أفكار مشاريع صغيرة وغير مكلفة من المنزل – فيديو بلوجر
لو كنتي بتحبي إنك تقفي قدام الكاميرا وعندك طلة وقدرة على التواصل مع الناس عن طريق الفيديو، فمشروع انك تكوني فيديو بلوجر فكرة مشروع ناجحة وغير مكلفة ومش محتاجة لرأس مال، كل اللي محتاجاه إنك تعملي فيديوهات بشكل مستمر كأنها مدونة الفيديو الخاصة بيكي، لو المحتوى اللي بتقدميه مهم وبيعجب الناس ممكن عدد مشاهداتك يزيد وتقدري تعملي إعلانات مدفوعة الأجر بنفسك أو تستخدمي الفيديوهات بتاعتك كوسيلة لعرض الإعلانات دي.
للأمهات: أفضل 10 مواقع فري لانسر Freelancer للشغل من البيت
مشروع تخطيط المناسبات Event & Wedding Planner
أفكار مشاريع صغيرة ناجحة ومربحة من المنزل -تخطيط مناسبات وأفراح
إذا انتي حد بيحب الحفلات وبتقدري تستمتعي بوقتك فيها وبتعرفي تخططي لحفلة كويس، فيمكن ده الوقت اللي تقدري تستفيدي من موهبتك دي، وتشتغلي مخططة مناسبات وحفلات، ابدأي عن طريق معارفك المقربين وخلي دايرتك توسع وشغلك يتكلم عنك، الشغل الكويس اللي موهبتك باينة فيه هيديكي فرصة تتطوري أكتر وخبرتك تزيد وطبعا عائد مادي أفضل.
مشروع صناعة المخبوزات من المنزل
مشروع مربح وغير مكلف من البيت- صناعة المخبوزات
صناعة المخبوزات من الحاجات اللي الناس بتحبها جدا دلوقتي خاصة المخبوزات الصحية اللي مستخدم فيها قمح كامل مثلا أو خميرة برية طبيعية، ولو كنتي ممتازة في الخبز وبتعرفي تطلعي مخبوزات حلوة وشكلها كمان حلو فغالبا ده الوقت اللي تقدري تبدأي فيه، ممكن كمان تتواصلي مع البقالات والسوبر ماركت القريبة منك عشان تبيعي منتجاتك هناك، وطبعا تقدري تستخدمي السوشيال ميديا للإعلان عن منتجاتك.
مشروع التدريس والتدريب أونلاين
مشاريع مربحة وناحجة من المنزل – التعليم أونلاين
مجال التدريس عن طريق الانترنت كان واسع وبينمو بطريقة معقولة لحد ما جات الكورونا وفرضته على ناس كتير جدًا، لو انت حد بيهتم بتدريب وتعليم الناس وعندك خبرة سابقة أو شهادات مناسبة تقدري تعملي ده، غير طبعا التدريس للأطفال اللي له منصات كتير بتشغل مدرسين عندها وبتدربهم وبتسمح لهم باكتساب الخبرة وبعائد معقول جدًا ومناسب.
20 فكرة مبتكرة Workstation للشغل من البيت
مشروع الأكل البيتي أو الكاترنج Catering
مشاريع مربحة من المنزل – مشروع الأكل البيتي
أمهات كتير وسيدات من أوساط اجتماعية مختلفة مش بيقدروا يطبخوا لظروف الوقت أو الشغل، أو أحيانا لا قدر الله المرض، لو انتي بتحبي الطبخ وعندك شغف بيه وبتقدري تجهزي الأكل لطبخه وتحفظيه بالشكل المناسب للاستخدام، وبتطوري وصفاتك لأحسن طعم وطرق حفظ أطول، أعتقد مشروع الأكل البيتي مربح وناجح جدآ ومش محتاج رأس مال كبير.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
المصادر:
shopify.com
businessnewsdaily.com
designhill.com
التعليق باستخدام حساب فيس بوك