محتويات المقال
أكلنا المصري مفيش أحلى ولا أطعم منه: البامية، المحاشي، الفراخ المحمرة مع الملوخية الخضرا اللذيذة، الطواجن والحلويات.. كلها أصناف طعمة جدا ولذيذة وكل المصريين بيحبوها ومابيستغنوش عنها على سفرتهم. لكن التحدي إللي بتواجهه كل ست بيت وأم هو إزاي أعمل الأكل بالطعم المتعودين عليه وفي نفس الوقت يكون صحي، خفيف على المعدة وسهل الهضم كمان؟
زيت عافية هيحل لك المشكلة دي بكل سهولة ويحققلك المعادلة الصعبة وهيكون أوفي صديق ليكي في مطبخك يخليكي تعملي أطعم وأخف الأكلات. لو كنتي فاكرة إن الأكل الشرقي بيطلع مش طعم بالزيت.. يبقى لازم تجربي زيت عافية عشان تحسي بالفرق، طعم لذيذ وخفة في الأكل هتحسي بيها بعد ما تاكلي وتلاقي إنك خفيفة ومعدتك مرتاحة. إحنا النهاردة جايين عشان نقولك إنك تقدري تحطي ثقتك في عافية وهتحسي بنتيجة مبهرة في كل أكلاتك، مش بس أكلاتنا المصرية الأصيلة لأ وكمان الأكلات العالمية.. هتوصلي لنتيجة هايلة بطعم لذيذ وخفيف عالمعدة.
الكيك
epicurious
الكيك من الحاجات إلي الأمهات مابيقدروش يستغنوا عنها وبيعملواها طول السنة، و ده لإن أغلب الأطفال بيحبوا الكيك جدا بأنواعه المختلفة عشان كده ماما بتبقى عايزة تلبي رغباتهم بكيك مضمون معمول في البيت مغذي ولذيذ. أهم حاجة هي إن الكيك يكون خفيف، هش، طري، ويفضل محافظ على طزاجتة لأطول فترة ممكنه، كل المقومات دي هيحققهالك زيت عافية لما تستخدميه في عمل الكيك، هتحصلي على كيك بكل المميزات دي وكمان طعمة لذيذ وصحي جدا ليكي و لعيلتك، المرة الجاية لما تعملي كيك جربيه بزيت عافية صدقيني هيتنسف.
الرز بأنواعه
يمكن مامتك وحماتك بيقولوا دايمًا الجملة دي: “الرز مينفعش من غير السمنة البلدي”. طب جربتي الرز بزيت عافية وشوفتي هو أد إيه هيطلع مفلفل وبيلمع والأهم إنه خفيف وهتقدري تاكلي منه براحتك من غير متحسي بتقل؟ طيب جربتي الرز البسمتي بزيت عافية وشوفتي إنه بيساعدك إن الرز عمره ما يعجن منك وتكون حبات الرز منفصلة عن بعضها وفيها خفة وطعامه محصلتش. المرة الجاية لما تعزمي حماتك جربي الرز بزيت عافية وأنا واثقة إنك هتبهريها.
الطواجن والتسبيكة
whensuecooks
ودي بقى إلي بتبين الست الشاطرة إلي عندها نفس في الأكل من إلي ملهاش قوي في الطبخ ،التسبيكة الحلوة للطاجن المتين!
تصدقي إنك ممكن تعملي أحلى تسبيكة طماطم لطاجن بامية باللحمة في الفرن والأهم إنه خفيف يعني مش هتلاقي نفسك بعد الأكل تقلتي وعاوزة تدخلي تريحي شوية، بالعكس هي نص ساعه وهتقومي تلعبي رياضة كمان.
طواجن الخضار في حد ذاتها صحية ولذيذة لكن إلي بيخليها دسمة وتقيلة ومتعبة للمعدة هي كمية المادة الدهنية المستخدمة فيها أو الدسم الموجود في اللحوم إلي نسبة الدهون فيها عالية. يبقى القاعدة عشان نعمل طاجن خفيف:خضار طازة+لحمة قليلة الدهون+زيت عافية=أحلى وأخف طاجن وتسبيكة.
الملوخية
الوجبة المفرحة عند معظم البيوت المصرية، وبيحبوها الأطفال قبل الكبار: طشة الملوخية مع زيت عافية حقيقي تختلف. جربي طشة الملوخية مع زيت عافية هتلاقي لونها لامع وجميل وهتحسي فيها بطعم الملوخية وتستمتعي بيه، لإن من مميزات زيت عافية سواء الذرة أو عباد الشمس إن ما لهومش أي نكهة وده في حد ذاته بيساعد على إنه يظهر طعم الأكلة نفسها عشان كده هتحسي بنكهة ألذ للملوخية لو معمولة بعافية.
طبق الفول
youtube
الفول من الأطباق إلي منقدرش نعيش من غيرها، بينفع عالفطار والعشا وأساسي عالسحور في رمضان ووجبه غدا نباتية تجنن.
كمان الفول من الأطباق إلي متنفعش ومتكملش من غير رشة الزيت على الوش، ومفيش أحلى من زيت الذرة أو عباد الشمس من عافية عشان يكون ضيف خفيف مش بس على طبق الفول لكن كمان على معدتك، هيدي لمعة رهيبة للفول ويخليه كريمي، مع شوية من عصير الليمون والكمون هتبقى وجبة تجنن ومش هتحتاجي أي إضافات عليها.
طبق الفول أساسي مع زيت عافية أصحاب مايتفرقوش عن بعض أبدا.
السلطات
facebook Afia
مين فينا كأمهات متحبش إن أولادها يعشقوا طبق السلطة وياكلوه كله ويخلصوه ويستفيدوا بكل فوايد الخضراوات الموجودة فيه؟ المفاجأة بقى إن كتير من الأبحاث و الدراسات أثبتت إن إضافة نوع من الزيوت للسلطة بيعلي جدا من قدرة الجسم على امتصاص عناصر غذائية كتيرة من الموجودة في الخضروات والورقيات زي مثلا فيتامين A,E,K. عشان كده إضافة رشه من زيت عافية على دريسينج السلطة مش بس هيضيف طعم ويخلي شكل السلطة أحلى، لكن كمان هيساعدك تستفيدي إنتي وأولادك من كل مكون فيها بشكل سليم.
المقليات
أهم عامل من عوامل نجاح المقليات هو الزيت إلي بنستخدم للقلي. محتاجين زيت يوصلنا لنتيجة مرضيه مقرمشة ومش شاربة زيت كتير ومفيش فبها نكهة للزيت إلي إتقلت فيه، زيت عباد الشمس من عافية هيديكي نتيجة هايلة للمقليات بتاعتك أيا كانت هي إيه وهيخليها مقرمشة وكمان خفيفة.من أهم مميزات زيت عباد الشمس من عافية هي إنه صافي ونقي وده ملحوظ بكل وضوح من لونه الذهبي الروعة، وكمان زيت عباد الشمس من مميزاته إنه بيتحمل درجات الحرارة المرتفعة المطلوبه لعمليه القلية بدون متتغير خواصة عشان كده هو الأنسب للقلي. كمان لو حبيتي يكون أكلك صحي أكتر تقدري تعتمدي على عافية وتستبدلي القلي العميق بالتسوية في الفرن، يعني مثلا الجلاش، السمبوسك، حتى الفراخ البانية تقدري تسوييهم في الفرن مع رشة خفيفة من زيت عباد الشمس من عافية، و صدقيني هتحصلي على نتيجة هايلة جدا وصحية أكتر.
أكلات الباشميل
facebook Afia
كلنا بنحب المكرونة بالبشاميل، النجرسكو، الكوسة أو السبانخ بالباشميل.. كلها أكلات لذيذة جدا لكنها دسمة لكن الباشميل مع زيت عافية بجد يختلف، خفيف وناعم وصحي أكتر بكتير. جربي الباشميل بزيت الذرة من عافية بنفس طريقتك العادية للبشاميل شوحي الدقيق مع زيت عافية وبعدين ضيفي المرقة واللبن وشوفي إزاي هيكون البشاميل ناعم وخفيف وهتعملي أحلى صينية مكرونة بالبشاميل إلي كل عيلتك هتحبها.
في النهاية، أحب أقولك إن الأكلات إلي تقدري تعمليها بزيت عافية ملهاش عدد، ومفيش أكله واحدة متنفعش بعافية. عشان صحتك وصحة أولادك جربي عافية وعمرك ماهتندمي لإن حقيقي الأكل مع عافية يختلف.
التعليق باستخدام حساب فيس بوك