لغات الحب خمسة ومن ضمنها الهدايا. الهدايا اللي بتفكر الواحد إنه فيه حد بيهتم بتفاصيله وجاب له حاجة بيحبها سواءً هدية بمناسبة أو من غير مناسبة. والهدية مش لازم تبقى قيمة أو ليها مناسبة عشان تتجاب. ممكن بهدية بسيطة جدًا في أي وقت تفرحي الشخص اللي هيتلقاها وتخلّي يومه مبهج حتى لو كان كله صعوبات. وبمناسبة قرب عيد الحب 2022، ما تنسيش تجيبي هدايا لكل الناس اللي بتحبيهم سواء حبيبك أو ولادك وأهلك وصحابك أو حتى زمايلك في الشغل. وفي الموضوع ده، هنديكي أفكار هدايا عيد الحب حسب ميزانيتك بداية من 50 جنيه حتى 2000 جنيه.
أفكار هدايا عيد الحب حسب ميزانيتك 2022
- أفكار هدايا عيد الحب 2022 من 50 إلى 150 جنيه.
- هدايا لعيد الحب من 100 إلى 300 جنيه.
- أفكار هدايا الفلانتين من 300 إلى 500 جنيه.
- هدايا عيد الحب من 500 إلى 1000 جنيه.
- هدايا لعيد الحب من 1000 إلى 2000 جنيه.
أفكار هدايا عيد الحب 2022 من 50 إلى 150 جنيه
هدايا عيد الحب حسب ميزانيتك 50 – 150
ودي مجموعة من أفكار الهدايا البسيطة اللي ممكن تنفع للرجال وللسيدات وللأطفال والأهل والأصدقاء كمان. والهدايا دي متاحة في أي هايبر ماركت أو محل جنب البيت، ومن ضمن الأماكن اللي أسعارها كويس للهدايا دي خان الخليلي وشارع روكسي ووسط البلد.
- كرافتة.
- بوكيه ورد.
- بوكس شوكولاتة.
- ماج وكوستر.
- علاقة مفاتيح.
- ميدالية بسيطة.
- شموع فواحة.
- جواني لليدين.
- ايشارب للمحجبات.
- برواز بسيط.
- مجموعة شرابات شتوية.
هدايا الفلانتين: احنا نجيب له إيه؟ احنا كفاية عليه
أفكار هدايا لعيد الحب 2022 من 100 إلى 300 جنيه
هدايا عيد الحب حسب ميزانيتك من 100 إلى 300
كل أفكار الهدايا دي متوفرة في مواقع كتير زي أمازون مصر وجوميا وكمان ممكن تشتري العطور الحريمي والرجالي من أي صيدلية جنبك.
- أباجورة صغيرة.
- دبدوب لطيف.
- فرنش بريس لتحضير القهوة.
- عدة مساج.
- شنطة لابتوب أو تابلت.
- أزرار للقميص (رجالي).
- برفان أو بودي سبلاش (حريمي).
- مكياج (حريمي).
- عدة حلاقة بسيطة (رجالي)
- إكسسوار للعربية (رجالي).
- كوب قهوة حراري.
أفكار هدايا لعيد الحب من 300 إلى 500 جنيه
هدايا جميلة لعيد الحب 2022 حسب ميزانيتك
ممكن تجيبي الفضيات من خان الخليلي أو من ميدان الجامع بيكون هناك محلات فضة بتشكيلة كبيرة وأسعار مناسبة لكل الميزانيات، وبالنسبة للملابس أو الشنط والأحذية ممكن تدوري على المواقع المختلفة عشان تشوفي هدايا مناسبة للميزانية دي.
- شنطة حريمي.
- شنطة رجالي للشغل.
- بووت حريمي.
- صندل رجالي.
- بطانية دفاية بتتلبس.
- مخدة مريحة للرقبة.
- مجموعة كبسولات قهوة.
- سلسلة أو خاتم فضة.
- قميص رجالي.
- كارديجان حريمي.
هدايا الفلانتين للمدام في عيد الحب
أفكار هدايا عيد الحب من 500 إلى 1000 جنيه
هدايا الفلانتين من 500 الى 1000
من ضمن أفكار الميزانية دي كوبونات هدايا واللي بتمون لطيفة جدًا إن الشخص يشتري بنفسه أو يقضي يوم يروق حاله في الجيم أو السبا.
- كوبون هدايا لسبا أو لجيم.
- عشا رومانسي في مكان لطيف.
- كوفي كورنر خشبي بسيط.
- هدية للمطبخ بسيطة زي عصارة برتقال أو مقلاة أو طقم سكاكين (ما تجيبش أكياس سودا معاها)
- طقم دواسات للعربية.
- ماكينة حلاقة.
- شال صوف للسيدات.
- كوفية صوف رجالي.
- أدوات رياضية للرجال.
- مجموعة كفرات للموبايل.
- إكسسوار حريمي.
أفكار هدايا لعيد الحب من 1000 إلى 2000 جنيه
هدايا الفلانتين من 1000 الى 2000
لو معاكي ميزانية كويسة ممكن تشوفي أكتر حاجة زوجك أو زوجتك محتاجينها وتشتريها أو تشوفي مكان لطيف في فندق في ليلة عيد الحب وتقضوا يوم لطيف فيه تغيير للجو.
- ماكينة قهوة.
- سلسلة دهب أو خاتم دهب بسيط.
- سماعة بلوتوث.
- نظارة شمسية.
- حجز ليلة في فندق أو داي يوز.
- برفان رجالي أو حريمي.
- تذاكر لحفلة موسيقية زي حفلة عمر خيرت.
- حيوان أليف لو زوجك أو زوجتك بيحبوهم.
- ساعة حريمي أو رجالي.
- محفظة جلد أنيقة حريمي أو رجالي.
بمناسبة الفلانتين: أماكن بيع اللانجيري في القاهرة
التعليق باستخدام حساب فيس بوك