العيد السنة دي مش هنقضيه عزومات ولا حتى خروجات كتير أوي إحترامًا لوضع وباء كورونا الحالي ومنع الاختلاط عشان تحافظي على سلامتك وسلامة اسرتك، السنة دي بنتمنى إن كل الناس تقضيه في البيت بصحة وسعادة وعشان تقضي العيد في البيت من غير زهق جمعنا ليكي أجمل أفلام العيد في البيت كلها أفلام عربي وإنجليزي حلوة كوميدي على رمانسي تتفرجي عليها في العيد السنة دي وكل سنة وإنتم طيبين وبصحة وسعادة 🙂
أفلام العيد في البيت
- فيلم كازابلانكا
- فيلم بنك الحظ
- فيلم حرب كرموز
- فيلم خيال مآته
- فيلم تراب الماس
- فيلم Bridesmaids
- فيلم Paddington
- فيلم Yes Day
- فيلم Murder Mystery
- فيلم Love,Rosie
فيلم كازابلانكا
3 صحاب عاملين عصابة زي القراصنة عشان يستولوا ويسرقوا السفن، لكن في لحظة الصحبة دي بتتقلب وتتحول لتصفية حسابات ومنهم اللي بيسافر المغرب بعد ما هيبقى اغنى الأغنياء، بنرشحلك الفيلم ده لو ليكي في جو الأكشن والتشويق.
فيلم بنك الحظ
اتنين صحاب بيشتغلوا مع بعض في نفس البنك ولما بيتم فصل واحد منهم بسبب غلطاته الكتير، بيقرر إنه يتحالف مع صاحبه الغني عشان يسرقوا البنك.. بنشرحلك الفيلم ده لو بتحبي الضحك والكوميديا.
فيلم حرب كرموز
الفيبم بتدور أحداثه في مدينة كرموز فترة الاحتلال الإنجليزي في مصر وبيبدأ الفيلم بمواجهة بين الجنود الأنجليز ومصريين كانوا بيدافعوا عن شرف فتاة مصرية، بتطور الأحداث للقبض على ضابط إنجليزي ورفض الضابط المصري يوسف المصري الخضوع وتسليمه.. بنشرحلك الفيلم لو بتحبي الأكشن.
10 مسلسلات على نيتفليكس متفوتكيش
فيلم خيال مآته
الفيلم بيحكي قصة صحاب عاملين تنظيم سري متخصصين في سرقة المجوهرات والمقتنيات النفيسة اللي لا تقدر بثمن افترقوا واتجمعوا تاني بعد سنين طويلة عشان يبيعوا بورش أم كلثوم اللي سرقوه في الستينات، بنرشحلك الفيلم ده لو بتحبي الكوميديا الخفيفة.
فيلم تراب الماس
الفيلم مقتبس من رواية احمد مراد وبيحكي عن قصة طه مندوب الدعايا الطبية اللي بيحاول يكشف الغموض والأسرار اللي بتحصل بعد جريمة قتل، بنشرحلك الفيلم لو بتحبي أفلام الجريمة والغموض.
فيلم Bridesmaids
لما ليليان بتخطط لفرحها، صاحبة عمرها آاني بتلاقي صعوبة كبيرة في تقبل صاحى ليلان الجديدة اللي بتساعدها في الفرح وتجهيزاته، الفيلم كوميدي جدًا وأحداثه كلها ضحك وبنرشحهولك تتفرجي عليه.
5 أفلام ملهمة لكل أم أولادها من أصحاب الهمم
فيلم Paddington
الفيلم بيحكي قصة الدب الصغير اللي بيسافر للندن عشان يحاول يلاقي وطن جديد ليه، الفيلم كوميدي وخيالي بنشرحهولك لو هتتفرجي عليه مع أطفالك.
فيلم Yes Day
الفيلم من أفلام نيتفليكس وبيحكي عن قصة أب وأم قرروا إنهم يدوا فرصة لولادهم ويقولوا ليهم على كل حاجة Yes وميرفضوش ليهم أي طلب.. فيلم كوميدي ولطيف لو حابة تتفرجي مع ولادك.
فيلم Murder Mystery
الفيلم برضو من أفلام نيتفليكس وبيحكي قصة ضابط الشرطة من نيو يورك وزوجته اللي وعدها إنه هيخليها تسافر أوروبا في عيد زواجهم ال15، لكن الرحلة الرومانسية بتتحول لفيلم أكشن ومطاردات بعد جريمة قتل.
فيلم Love, Rosie
أتنين صحاب من المدرسة بيحبوا بعض وبيفترقوا وبتحصل مشاكل بينهم بعد ما روزي بتجيب بنت وتتجوز واليكس كمان بيتعرف على بنات كتير غيرها.. بنشرحلك الفيلم ده لو بتحبي الأفلام الرومانسية.
أفلام خفيفة اتفرجي عليها لو إنتي حامل
التعليق باستخدام حساب فيس بوك