محتويات المقال
كل مرة باتفرج على الأوليمبياد، بيبقى عندي تساؤل، ليه منتخب مصر لكرة القدم النسائية مش منافس قوي كده وعالمي زي منتخب الرجال؟ الحقيقة إننا عندنا فعلًا منتخب للكرة النسائية بس الضوء مش عليه زي منتخب الرجال، وكمان مش كل الأندية المصرية فيها فريق كرة قدم نساء. الوضع ده بقى اتغير تمامًا الشهر ده، الأهلي عمل أكاديمية كرة القدم النسائية، وهنقول لك دلوقتي كل التفاصيل اللي محتاجة تعرفيها.
السن المستهدف
أعمار البنات في الأكاديمية هتكون من مواليد 2009 وحتى مواليد 2016 في المرحلة دي، زي ما قال كابتن محمد عبد المنعم شطة مدير أكاديميات كرة القدم في النادي الأهلي. يعني من أول 5 سنين لحد 12 سنة.
مين اللي هيدرب؟
كابتن شطة قال إن فيه مجموعة مميزة ومختارة بعناية من مدربات لهن خبرات كبيرة في مجال الكرة النسائية. والواضح كمان إن المشروع كل الإداريات المشرفات عليه من النساء.
لو عايزة تتعلمي السباحة، أو بنتك أو ابنك يتعلموا السباحة، اعرفي من هنا أجمد 7 أماكن تعليم السباحة للأطفال والكبار
كام يوم في الأسبوع؟
التدريب 3 مرات أسبوعيًا.
الاشتراك كام؟
لو انتي من أعضاء النادي الأهلي، الاشتراك السنوي 2780. أما لو من غير الأعضاء، فالاشتراك سنويًا 4200.
طب أشترك لبنتي ازاي؟
لو عايزة بنتك تنضم لأكاديمية كرة القدم النسائية في النادي الأهلي، زوري فرع النادي الأهلي الرئيسي في مدينة نصر أي يوم من 3 لـ 8 ما عدا يوم الجمعة.
فيه تفاصيل تانية عايزة تعرفيها؟
دي الأرقام اللي تتصلي بيها لو عايزة تعرفي تفاصيل أكتر:
01152233722
01122450515
01110745558
01566666241
التعليق باستخدام حساب فيس بوك