محتويات المقال
من الصفات اللي ممكن ما حدش ياخد باله منها في صفات الأبراج الصفة الجنسانية أو اللي بتبين لنا قد إيه البرج المعين ده بيحب العلاقة الجنسية أو لا. لكن في المقال ده، هنقول لك الصفة دي بالتحديد مين أعلى أبراج العلاقة الجنسية.
أعلى أبراج العلاقة الجنسية
برج العقرب
ملك ملوك الجنس في الأبراج. رجل برج العقرب وامرأة برج العقرب في العلاقة الصح هيطلع منهم أكتر طاقة جنسية، بس ده مش معناه إنهم خاينين أو ممكن يعملوا ده في أي علاقة، هم انتقائيين جدًا لكن بمجرد ما يلاقوا نفسهم في العلاقة المناسبة، هيكونوا “سميرة سمير وحش السرير”.
برج الحمل
بتوع الفعل مش الكلام .. لما بيحبوا، بيحبوا ينفذوا. الجنس بالنسبة لهم تعبير عن الحب أحسن من كلام الحب. عشان تعرفي صفات أكتر شوفي هنا صفات رجل برج الحمل وهنا صفات امرأة برج الحمل.
برج الثور
البرج ده بيسيطر عليه كوكب الزهرة اللي هو كوكب الحب، وده معناه إنهم عاطفيين وبيحبوا الحب، وده بيتجسد في العلاقة الجنسية (اللي هم بيحبوا يسموها “الخب”) وفي حبهم للأحضان والتلامس.
برج الحوت
الحالمين والحالمات .. رومانسية منسية .. يموتوا في الحب والعلاقات الجنسية في إطار الحب والرومانسية اللي تخليهم ينسوا الدنيا والواقع وضغوطه. على رغم كل ده، مظهرهم بريء، شديد البراءة، حاجة كده عمرك ما تتصوري إنهم ممكن يكون عندهم كل الطاقة الجنسية دي. اعرفي صفات برج الحوت من هنا للستات ومن هنا للرجالة.
طبعًا مش محتاجة أقول لك إن العلاقة الجنسية حاجة شخصية ونسبية جدًا، يعني ممكن يكون حد من الأبراج اللي مكتوب عنها فوق ويكون ما بيحبش العلاقة الجنسية، أو حد من برج مش مكتوب هنا ويكون بيحبها جدًا. مفيش مقياس تام لحد بيحب حاجة أو لا، والمقياس دايمًا الشخص نفسه وتجاربه وكمان السياق، يعني ممكن في علاقة غير متكافئة أو غير ناجحة، حد من الأبراج دي يكون مش بيحب العلاقة، وممكن في علاقة جميلة وناجحة، طرفين من برا الأبراج دي يكونوا بيحبوها.
نتمنى للجميع علاقات جنسية ناجحة وممتعة.
التعليق باستخدام حساب فيس بوك