محتويات المقال
يا ترى فيه أكلات تسبب الحساسية للأطفال؟ وإيه هي أعراض الحساسية؟ طيب إيه سبب حساسية الطعام؟ عمومًا حساسية الأطفال أكتر حاجة مزعجة لأي أم، سواءً كانت حساسية الجلد عند الأطفال من الأكل أو من حاجة تانية حواليهم. في المقال ده، هنكلمك عن أطعمة معينة وأشهر أكلات ممكن تسبب الحساسية للأطفال خلال أول سنتين من عمرهم، وكمان علاج الحساسية عند الأطفال طبيعيًا وبأدوية الحساسية الجلدية للأطفال من الصيدلية.
أعراض حساسية الطعام
أعراض حساسية الطعام متشابهة مع الحساسية من الأدوية والحشرات. في النهاية، هي ردة فعل قوية من الجسم بتختلف في شدتها حسب درجة التحسس، من الأعراض دي:
- حكة في الجلد “إكزيما”
- قيء
- إسهال
- ألم المعدة
- ضيق التنفس
- حكة وتورم العين
- كحة
- بحة الصوت
- فقدان الوعي والتوازن بسبب انخفاض ضغط الدم
- القشعريرة
أنواع أطعمة وأكلات تسبب حساسية
الحساسية ممكن تيجي للشخص عمومًا من أي حاجة في الدنيا. لكن فيه 8 مسببات غذائية مشهورة للحساسية، بتكون مسؤولة عن 90% من ردات الفعل التحسسية عند الأطفال. عشان كده، معظم الاطباء بيفضّلوا إنها تدخل في النظام الغذائي بالتدريج، وبعضها بنجربه للطفل بعد لما يتم عمر السنة، الأطعمة دي هي:
- اللبن البقري
- البيض
- الفول السوداني
- الصويا
- القمح
- المكسرات زي عين الجمل والكاجو
- السمك
- القشريات زي الجمبري والمحار والسي فود
اقرأي أيضا: الكمامة وماسك الوش سبب للاختناق للأطفال أقل من سنتين
عمومًا، الأطفال اللي بيعانوا من الحساسية تجاه الطعام، بيخفوا مع الوقت. 80% من الأطفال اللي عندهم حساسية من اللبن البقري بيخفّوا، وثلثين المصابين بحساسية البيض بيخفوا، أما المتحسسين من القمح والصويا، بيخفوا على عمر الخمس سنين، أما باقي أنواع الحساسية، فبيكون صعب شوية الناس تخف منها لكن كمان مش مستحيل.
علاج الحساسية
أشهر طريقة لعلاج الحساسية هي الامتناع عن مسبب الحساسية لحد لما الجهاز المناعي ينسى المسبب للحساسية وتبدأ مرحلة الإدخال بعد فترة حسب ما يحدد الطبيب المتابع، أحيانًا بتكون 6 شهور، وأحيانًا بتكون سنة وممكن أكتر، حسب الحالة والمتابعة مع الطبيب. أما أدوية الحساسية، فبتكون طرق مؤقتة وسريعة لمعالجة الأعراض الناتجة عن الحساسية، لكن مش علاج للحساسية نفسها.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك