موسم العزومات في رمضان 2022 ابتدى وبدأ معاه السؤال اللي بيحير كل الأمهات: هنعمل أكل إيه في العزومة؟ أو اعمل إيه جنب الأكلة الفلانية؟ وبتقعد تفكر في أكلات تليق مع بعضها والسؤال ده بيندرج تحتيه بنود كتير أوي بمعنى هنعمل مقبلات ولا نواشف ولا مكرونات ولا لحوم وفراخ وأصناف كتير لا حصر لها. والحيرة دي بتزيد أكتر لما بنحاول نوصل للمعادلة الصعبة وهي إن كل الأصناف تبقى ماشية مع بعضها عشان الضيوف ما يبقوش مشتتين بين أصناف متنوعة بس ما تتاكلش مع بعض. وفي الموضوع ده هنقولك على منيو مكون من أصناف متنوعة والأكلات اللي ممكن تقدميها جمبها.
أكلات تليق مع بعضها لو عندك عزومة
- أكلات تليق مع الحمام
- أكلات تليق مع السي فوود
- أكلات تليق مع البط
- أكلات تليق مع المشويات
- أكلات تليق مع المكرونة بالبشاميل
- أكلات تليق مع الفتة
أعمل إيه جنب الحمام المحشي في العزومة؟
أكلات تليق مع الحمام المحشي – عزومة رمضان
ملك السفرة في عزومة اللي لو اتاكل لوحده مش هيقول لأ، بس لو عاملة عزومة كبيرة لازم تعملي أصناف متنوعة عشان لو فيه شخص من المعازيم مش بيفضل الحمام ومن الأكلات اللي ممكن تقدميها جمب الحمام المحشي:
- ملوخية من شوربة الحمام.
- شوربة لسان عصفور.
- سلطة خضرا.
- جلاش باللحمة المفرومة.
- سمبوسك.
- بطاطس محمرة.
- طاجن فريك باللحمة المفرومة.
هنا ممكن تشوفي 7 نصايح مهمة قبل ما تعملي عزومة رمضان
أعمل إيه جنب البط في العزومة؟
أكلات تليق مع البط – عزومة رمضان
من الأكلات اللذيذة اللي بيبقى شكلها حلو في السفرة وقت العزومات ومن ضمن الأكلات اللي ممكن تعمليها جنب البط:
- رقاق.
- رز معمر.
- رز بالخلطة.
- كشك.
- صنية بطاطس.
- شوربة لسان عصفور.
- شوربة بصل.
- سلطة خضرا.
- محاشي متنوعة.
أعمل إيه جنب المشويات في العزومة؟
أكلات تليق مع بعضها – عزومة رمضان
المشويات بيندرج تحتها أصناف كتير زي الكفتة والكباب والطرب والفراخ المشوية ومن أفضل الأطباق اللي ممكن تقدميها جمب المشويات هي:
- سلطة الحاتي.
- سلطة الطحينة.
- سلطة بابا غنوج.
- سلطة الراهب.
- مخللات.
- مكرونة بالصوص الأحمر.
- مكرونة بشاميل.
- رز بسمتي أصفر.
- خضار سوتيه بالزبدة.
أعمل إيه جنب السي فوود؟
أعمل إيه جنب السي فوود في العزومة؟
عزومة السي فود بتبقى محيرة شوية عشان أصناف السمك المتنوعة بتبقى هي اللي طاغية على السفرة بس لازم تعملي جمبها مقبلات أو حتى على الأقل 2 صنف جانبي ومن ضمن الأطباق اللي ممكن تقدميها مع السي فود:
- رز صيادية.
- سلطة خضرا.
- سلطة طحينة.
- سلطة بابا غنوج.
- شوربة سي فود.
- رز أبيض وملوخية بالجمبري.
ممكن كمان هنا تشوفي طريقة عمل صدر الديك الرومي .. فخر العزومات
أعمل إيه جنب الفتة في العزومة؟
عزومة رمضان – أكلات تليق مع بعضها
مفيش عيد بيعدي من غير فتة ولا عزومة تحلى من غير ريحة التقلية من ضمن الأصناف الجانبية اللي ممكن تعمليها مع الفتة:
- رقاق.
- ممبار.
- شوربة بصل.
- طاجن لحم بالبصل.
- ملوخية.
- شوربة لسان عصفور.
- سلطة خضرا.
خليكي مدبرة: منيو عزومة رمضانية إقتصادية لـ 16 فرد بالميزانية
أعمل إيه جنب المكرونة بالبشاميل؟
أكلات تليق مع المكرونة بالبشاميل – عزومة رمضان
من ضمن الأكلات اللي ممكن تعمليها جنب المكرونة بالبشاميل:
- فراخ بانية.
- كفتة مشوية.
- بوفتيك.
- سمبوسك بالجبنة.
- سلطة خضرا.
- صدور فراخ مشوية.
- كبيبة.
قوليلنا في كومنت عزومتك الجاية هتطبخي فيها أصناف إيه؟
التعليق باستخدام حساب فيس بوك