وقت تحضير الغدا لما الأم بيبقى معاها بيبي أو أطفال صغيرة بياخد وقت طويل بسبب طلباتهم، ما بالك بقى لو الأم عاملة! أكيد الوقت هيكون مضاعف.. أو كمان في شهر رمضان مع شغلك الوقت بيكون ضيق جداُ بجانب تعب الصيام .. ومش منطقي إن الأكل يكون من بره أو نستعين بطباخ بسبب ارتفاع أسعارهم. فعشان كده، بنستعين بحل وسط في الحالات دي وهو أكلات للتخرين في الفريزر، وفي المقالة دي هنديكي أفكار أكلات جاهزة للتسخين تقدري تعمليها بسهولة.
أكلات تتخزن في الفريزر هتساعدك على الطبخ بسرعة
هتقسمي أفكار الأكل اللي هتخزنيه في الفريرز على جزئين، أول جزء هو الأكل اللي هيساعدك إنك تحضري الغدا بسرعة بدل ما تاخدي وقت طويل في التقطيع أو الفرم أو التتبيل وممكن كمان تشيلي أكل متبل جاهز عشان تطلعيه تقليه أو تحطيه في الاير فراير بسرعة ومن ضمن الأفكار دي هي :
- لحم عصاج
- صلصة مكرونة
- صلصة بيتزا
- فراخ مسلوقة
- فراخ متبلة
- بفتيك
- فراخ بانيه
- قواعد بيتزا جاهزة
- برجر
- توم مفروم
- ملوخية
- كبيبة
- سمبوسك
- سمك متبل
- رز محشي
- كفتة مشوية
أكلات جاهزة للتسخين ومستوية للتفريز في رمضان
لو ما عندكيش وقت خالص إنك تطلعي مكونات الأكل الجاهزة وتحضري بيها الأكل ومحتاجة تاكلي الأكل جاهز على طول يا دوب تطلعيه تفكيه وتسخنيه ممكن تعملي الأفكار اللي هنقول لك عليها دي. بس بنحب نوضح لك إن طرق التبريد والتسخين ممكن تخلي الأكل مش طازة وباين عليها إنها مجمدة.
لازانيا أو مكرونة بشاميل
أكلات جاهزة للتسخين ومستوية للتفريز
ممكن تحطيها في بايركس أو أطباق وتقسميها على وجبات وتطلعيها على التسخين جاهزة للأكل على طول واعرفي طريقة عمل المكرونة البشاميل بطريقة لذيذة من هنا.
البيتزا – للتخزين في الفريزر
أكلات جاهزة للتسخين ومستوية للتفريز
ممكن تجهزي البيتزا وتحطي عليها كل مكوناتها وتقطعيها قطع وتخزنيها في قالب أو تسيبيها في الصينية بتاعها اللي استوت فيها وتلعيها تفك وتسخنيها في الفرن، وممكن تعرفي طريقة البيتزا من هنا.
الجلاش الحادق للتفريز
ممكن تنوعي في حشوات الجلاش زي ما تحبي زي الجلاش باللحم المفروم أو الجلاش بالخضروات والسوسيس وغيرهم كتير، واعرفي طريقة الجلاش الحلو والحادق من هنا.
صينية بطاطس بيوريه – للتخزين في الفريزر
أكلات جاهزة للتسخين ومستوية للتفريز
ودي من الأكلات السهلة والسريعة واللي ممكن تعملي منها كذا وجبة تساعدك في وقت الزنقة.
طاجن لسان عصفور باللحم المفروم
أكلات جاهزة للتسخين ومستوية للتفريز
وممكن تستبدلي اللحم المفروم بمكعبات اللحم وتشيليه في طواجن أو قالب صغيرة متتأثرش ببرودة الفريزر.
ودي كانت أفكار وجبات تقدري تشيليها في الفريزر لو معندكيش وقت ترجعي تطبخي من الشغل، لو عندك أفكار تانية شاركينا بيها في تعليق وبألف هنا وشفا 🙂
هنا لازم تشوفي أطعمة ممنوع تخزينها في الفريزر.. خلي بالك
التعليق باستخدام حساب فيس بوك