محتويات المقال
رمضان 2022 وصل، وده معناه إن جهاد تحضير الأكل تم إعلانه في كل بيت، الموضوع مش بيقتصر على مجهود تحضير وجبة الفطار رغم تعب ومشقة الصيام، إنما المجهود اللي بيتبذل علشان تحضير وجبة السحور وإنك تصحي البيت كله يقوم يتسحر.
السحور حقيقي وجبة مهمة، والرسول صلى الله عليه وسلم وصانا بالوجبة دي، لأنها فعلا بتكون السند لصحة الإنسان خلال ساعات الصيام، واللي بتساعد على إن الواحد يكون في حالة نشاط طول اليوم.
دلوقتي علشان نقدري تحققي معادلة إنك تعملي وجبة سحور مشبعة ولذيذة وصحية هتحتاجي مجموعة عناصر أساسية، زي مثلا:
- بروتين
- بقوليات
- السلطة
- مشروبات
فتعالي دلوقتي أقولك على شوية أكلات لسحور صحي ومشبع بدون عطش طوال رمضان.
أكلات لسحور صحي
أكلات بالبيض :
البيض بالمشروم
المكونات :
- 4 بيضات متوسطين .
- 1 بصلة متوسطة .
- 4 معلاق كبيرة مشروم .
- فص توم مبشور.
- زيت وملح وفلفل.
الطريقة:
- حطي لطاسة على النار وشوية زيت وفص التوم لحد ما يبدأ يصفر
- حطي البصل و قلبيهم مع بعض لحد ما البصل يبقى شفاف وبعد كدة ضيفي المشروم لحد ما تحسي إن أستوى وبأة طري.
- بهريهم بالملح والفلفل حسب ذوقك وبعد كدة شيليهم من الطاسة.
- دلوقتي قلبة البيض بالشوكة كويس جدا لحد ما يتجانس الصفار مع البياض واقليهم.
- بعد ما البيض يستوي حطي فوقه المشروم البصل وتقدري تاكلي جنبهم عيش محمص وسلطة
5 طرق لاستخدام المشروم في وجباتك
البيض بالفلفل الأخضر و السبانخ
المكونات :
- 10 بيضات .
- 1/2 كوباية دقيق.
- 1/2 معلقة بينج بودر .
- معلقتين كبار زبدة .
- كوبيتين جبنة .
- 1/4 كوباية جبن شيدر .
- 4 فلفل أخضر بارد متقطعين .
- ربع كيلو سبانخ متقطعة وطازة .
الطريقة:
- سخني الفرن على \رة حرارة 350 .
- وفي بولة كبيرة إخفقي كل البيض مع بعضه.
- ضفي الجبنة الشيدر للبيض و وقلبيهم لحد ما يتجانسوا.
- حطي الفلفل الأخضر و السبانخ المفرومة للبيض والجبنة.
- وبعد كدة ضيفي الدقيق والبيكينج باودر
- ادهني صنية الخبز بالزبدة وبعد كدة حطي المكونات السابقة في الصنية.
- غطي الصنية بالفويل واخبزيها في الفرن على درجة حرارة عالية لمدة 50 دقيقة لحد ما وشها يحمر وبعد كدة كليها بالهنا والشفا.
بالفيديو: تحدي وصفة السبانخ للأطفال
البيض بالجبنة الفيتا
المكونات :
- بيضتين كبار.
- 1/4 معلقة فلفل.
- معلقتين كبار من جبنة الفيتا .
- معلقتين صغيرين لبن .
الطريقة:
- في بولة منفصلة قلبة البيض مع الفلفل الأسود لحد ما يتجانسوا .
- وفي بولة تانية ضيفي اللبن على الجبنة الفيتة وقلبيه مع بعض لحد ما تكتسب قوم كريمي وبعد كدة ضيفيهم على البيض.
- ضفي معلقة من زيت الزيتون للطاسة ولما تسخن حطي خليط البيض وقلبي لحد ما تستوي.
طريقة عمل صوص الجبنة في دقايق!
المكونات :
- 5 بيضات .
- 1 فلفل أخضر .
- 1 طماطم .
- 1 بصل .
- ملح و فلفل .
- معلقتين زبدة.
الطريقة:
- قطعي الطماطم و الفلفل الأخضر والبصل مكعبات.
- سخني الزبدة في الطاسة علي نار هادية.
- ضفي البصل الأول وقلبي لحد ما البصل يبقى طري وشفاف.
- وبعد كدة حطي الفلفل وقلبيه مع البصل وفي الأخر ضيفي عليهم الطماطم وسبيهم لحد ما يستووا.
- قلبي البيض في طبق منفصل وبعد كدة ضيفيهم على الخضار وقلبيهم مع بعض لحد ما يستوي البيض وضيفي طبعا الملح والفلفل، وكلي الطيق ده وهو سخن.
الفول المدمس
فول بالزبدة
المكونات :
- كوبيتين فول .
- معلقتين كبار الزبدة .
- ملح و فلفل.
الطريقة:
- دمسي الفول بالطريقة اللي موجودة في اللينك اللي تحت ده.
- وفي طاسة صغيرة حطي الفول وسخنيه وضيفي الملح والفلفل .
- وبعد كدة ضيفي الزبدة على الوش كدة بنص تقليبة كدة وقدميه يتاكل سخن فورا .
فول مدمس بالطماطم
المكونات :
- فول مدمس .
- 3 فصوص ثوم .
- طماطمتين .
- زيت الذرة .
- عصير الليمون .
- معلقتين كمون صغيرين.
- ملح و فلفل .
الطريقة:
- دمسي الفول زي ما قولنا لك قبل كدة ، وخدي الكمية اللي هتحتاجيها للأكل وحطيها في طاسة وعليهم الطماطم والثوم.
- ضيفي الكمون و الملح و الفلفل مع شوية عصير الليمون .
- وقدمي الطبق دافي.
فول مدمس بالبيض المقلي
المكونات :
- 4 بيضات .
- علبة فول مدمس .
- بصلة .
- معلقتين زبدة او سمنة .
- معلقة صغيرة كمون
- ملح و فلفل .
الطريقة:
- سخني الفول في طاسة مع الملح و الفلفل و الكمون .
- و بمجرد الفول قومي ما يسخن اهرسيه كويس.
- وفي طاسة تانية شوحي البصل وبعد كدة ضيفي عليهم الفول وقلبي كويس.
- بالمعلقة كدة أعملي زي اربع حفر بعدد البيض اللي معاكي في طاسة الفول وكل حفرة افتحر فيها بيضة.
- سيبيهم على نار هادية لحد ما البيض يستوي وقدمي الطبق ده وهو سخن.
السلطة
سلطة الجبن الفيتا
المكونات :
- 1 خيار كبيرة .
- ملح وفلفل .
- معلقتين كبار نعناع مفروم .
- ربع كيلو جبنة فيتا .
- بصلة صغيرة.
- معلقتين عصير ليمون .
- 1 معلقة زيت الزيتون .
الطريقة:
- قطعي الخيار والبصل لشرائح.
- وفي بولة متوسطة فتتي الجبنة الفيتا وبعد كدة ضيفي الخيار والبصلوعليهم عصير الليمون والزيت الزيتون وقلبيهم
- رشي على وش السلطة نعناع.
- وتقدري تحطيها في التلاجة علشان تقدميها باردة
سفرة من غير سلطة ما تنفعش” .. 30 طبق سلطة لـ 30 يوم في رمضان”
السلطة المصرية
المكونات :
- 2 حبة طماطم .
- 2 حبة خيار .
- 1 فلفل أخضر حامي.
- بصلة.
- ربطة بقدونس مفرومة.
- 1 معلقة صغيرة خل .
- 1 معلقة زيت الذرة .
- معلقة كبيرة عصير الليمون .
- 1/2 معلقة صغيرة كزبرة .
الطريقة:
- قطعي الطماطم والخيار والفلفل والبصل لمكعبات.
- وفي بولة متوسطة قلبيهم كلهم مع بعض.
- بعد كدة قلبي الكزبة مع الليمون مع الخل والملح والفلفل وممكن تحطي كمون وكمان زيت الذرة وقلبيهم مع بعض
- ضيفي الدريسينج ده للسلطة وقلبيهم مع بعض كويس وقدميها مباشرة.
سلطة الزبادي بالخيار
المكونات :
- 2 حبة خيار كبيرة.
- كوبيتين زبادي قليل الدسم .
- فص ثوم مفروم .
- 1 معلقة صغيرة من النعناع المجفف .
- 1/4 معلقة صغيرة من الملح .
- 14 كوباية شبت أخضر مفروم.
الطريقة:
- قطعي الخيار لقطع صغيرة وقلبيهم مع الملح وسبيه ينزل المياة لمدة 10 دقايق.
- صفي السائل الموجود في الزبادي وقلبي معاه النعناع المجفف و الثوم و الملح وبعد كدة ضيفي الخياروالشبت وقلبيهم كويس مع بعض .
سلطة الفواكه
المكونات :
- 6 كوبيات من خليط الفواكه الموسمية وتتقطع شرائح
- معلقتين سكر .
- 1/2 كوباية عصير برتقال .
- 1معلقة عصير ليمون .
الخطوات :
- في بولة للتقديم قلبي كل الفواكه المتقعة اللي عندك وضيفي عليهم السكر وعصير الليمون والبرتقال وكل ده قبل التقديم ب10 دقايق .
سيزر سلاد: طريقة عمل سلطة سيزر بالدجاج
المشروبات
عصير قمر الدين
المكونات :
- لفة قمر الدين .
- 1 لتر ماء .
- ماء ورد ( إختياري).
- سكر حسب الذوق.
الطريقة:
- قطعي لفة القمر الدين لقطع صغيرة وضيفي عليهم السكر.
- ضيفي القمر الدين والسكر على لتر المياة وسبيهم يغلوا على نار هادية لحد ما قمر الدين يدوب، ممكن تزودي مياة لو لاقيتي قوام العصير تقيل
- ضفي ماء الورد لو حابة يكون له نكهة مختلفة.
- اضربيه في الخلاط وحطيه في أزايز في التلاجة .
عصير الخروب
المكونات :
- كوباية سكر.
- كوبياة من حبوب الخروب المطحونة .
الطريقة:
- ضفي الخروب المطحون مع السكر في طاسة على نار متوسطة والتقليب المستمر.
- ضفي 8 كبايات مياة وسبيهم يغلوا مع بعض.
- سبيه يبر وبعد كدة صفيه بمصفى رفيعة أو حتى ممكن شاش وحطيه في التلاجة .
مشروبات رمضان: 7 فوائد لعصير التمر الهندي
مشروب الكركديه أو العناب
- كوباية من ورد الكركديه الناشف .
- ماء .
- سكر .
الطريقة:
- حطي الكركديه والسكر مع بعض في حلة متوسطة وضيفي عليهم المياة وسبيهم يغلوا مع بعض.
- أو ممكن تحطي الكركديه مع السكل في إزازة وتضيفي عليهم المياة وتنقعيهم لتاني يوم
- في الحالتين بعد ما الكركديه يجهز لازم تصفي العصير من الورد.
- بعد كدة سبيه في الثلاجة واشربيه بارد .
فوائد الكركديه البارد والساخن في الضغط وضرره في الحمل
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك