من مصادفات اللي يمكن نادرة جدًا إن يجي عيد شم النسيم في شهر رمضان، اللي هو تحسي إن فيه كمية تناقض بينهم كبيرة جدًا، اللي هو أيام العطش مع يوم العطش الشديد بسبب الفسيخ، كوميديا تاريخية. المشكلة مش في كده، خلينا نواجه نفسنا إننا مش هنقدر نحرم نفسنا من الاحتفال بأقدم عيد في التاريخ ونأكل فسيخ ورنجة عادي في عيد شم النسيم 2021 اللي هو في رمضان، حتى لو التمن إننا هنعطش تاني يوم نفس عطش صحراء الربع الخالي. هي هتبقى مخاطرة شديدة، بس بجد مش هنقدر نقاوم. علشان كده، هنتعايش ونشوف إيه هي النصائح اللي هنتسلح بيها في أكل الفسيخ والرنجة في رمضان وإزاي نتفادى شراء فسيخ ورنجة فاسدين.
جربي أكلات شم النسيم: طريقة عمل سلطة الرنجة بالطحينة
استعدادات أكل الفسيخ والرنجة في رمضان
أنهار من المياه
من أول الأذان ما يأذن، لازم تكوني مجهزة جنبك مصدر متجدد من المياه، العطش هو سيد الموقف. وفي اليوم ده، هتكون أسباب العطش مزدوجة، رمضان والفسيخ مع الرنجة. جسمك في الصيام بيحتاج المياه جدًا في الفترة اللي بعد المغرب، المعدل الطبيعي في الأيام العادية كوباية كل ساعة. في يوم شم النسيم، اشربي على قد ما تقدري.
حقول من الورقيات
ما ينفعش أبدًا ما تكونيش مجهزة حقل متكامل من الورقيات الخضراء، خس وكابوتشي وبصل أخضر وبقدونس وكزبرة وكرات، المواد الغذائية اللي موجودة فيه زي البوتاسيوم والمياه والألياف مهمة جدًا، علشان تخفف عنك أثر الملح الموجود في الأسماك المملحة.
أكل فواكه
من الحاجات الحلوة في فترة الربيع كثرة الفواكه اللي كلها مياه وطازة وجميلة. من المهم جدًا، إنك تشتري فواكه زي الفراولة والموز لإنه فيها كمية بوتاسيوم مهمة جدًا لمساعدة جسمك على التخلص من الأملاح الزيادة.
شرب الشاي الأخضر
من أفضل المشروبات خصوصًا لو حطيتي عليها نعناع، بيساعدك جدًا على الهضم وده هيجنبك الانتفاخ بشكل كبير، فهو حقيقي مشروب مهموم تجهزيه في البيت عندك.
جهزي الليمون والبرتقال
من المهم كمان تجهزي كميات من الليمون والبرتقال، الليمون هيساعد على تطهير الأمعاء، والبرتقال بكل الألياف والعصير فيه هيجنبك العطش بشكل كبير.
شوفي كمان أهم نصائح شراء وتحضير الفسيخ والرنجة في شم النسيم
نصائح تجنب شراء رنجة وفسيخ فاسد
رئيس لجنة سلامة الغذاء بالنقابة قال مجموعة من النصائح اللي هتساعدنا في تجنب شراء سمك فاسد سواء رنجة او فسيخ أو سردين:
- اشتري من مكان موثوق منه وله سمعة طيبة أو تقدري تملّحيه الأسماك في المنزل.
- اختاري الأسماك المملحة، وبلاش قليلة الملوحة أو الدلعة لأن الملح يقتل البكتيريا والميكروبات.
- يجب ألا تقل مدة التمليح عن مدة تتراوح من أسبوعين إلى ثلاثة أسابيع. وبالنسبة للأسماك كبيرة الحجم فمدة التمليح تكون أطول.
- اختاري السمكة اللي تخلو من عكارة العين، وتكون عينها مفتوحة وواضحة، وجسمها يخلو من الانتفاخ، وجلدها سليم غير متشقق أو مجعد، ورائحتها تخلو من العفونة المنفرة أو الزرنخة، ولحمها متماسك غير مهترئ ولونه وردي بالنسبة للفسيخ أو ذهبي بالنسبة للرنجة وألا يكون اللون أصفر غامق أو بني وتخلو من أي بقع سوداء أو عفن أبيض.
- شراء الأسماك المملحة قبل شم النسيم بعدة أيام ووضعها في الفريزر لقتل الميكروبات أو الطفيليات بها.
- يفضل التعامل حراريًا مع الأسماك المملحة لقتل أي ميكروبات بها، يعني تقدري تقلي الفسيخ في الزيت السخن لمدة بسيطة، وممكن تشوي أو تغلي الرنجة للتخلص من أي ديدان أو طفيليات.
- اعصر ليمون كثير على الأسماك المملحة لقتل أي بكتيريا ضارة.
- اشربي كوباية من الماء المختلط بالليمون قبل وبعد تناول الأسماك المملحة لتجنب أي تأثير ضار لها.
- ينصح بغسل الفسيخ والسردين بالخل المخفف مع عصير الليمون لتقليل نسبة الملح به.
- تناول البصل الأخضر والأحمر مع الأسماك المملحة حيث يعتبر البصل أفضل قاتل للبكتيريا والميكروبات.
- يفضل إضافة الطحينة إلى الرنجة والفسيخ لتقليل نسبة الملوحة فيهم.
- الإكثار من شرب الماء وذلك للتقليل من تركيز الملح وللتخلص من الملح الزائد خارج الجسم.
- تناول البقدونس والبرتقال والموز والكنتالوب بعد أكل الفسيخ، حيث إن هذه الأكلات غنية بعنصر البوتاسيوم فتساعد على إخراج الملح من الجسم.
- يجب أيضًا شرب الكركديه، عشان بيساعد على إدرار البول وبالتالي يتخلص الجسم من الأملاح الزائدة.
- الحرص على شرب الشاى الأخضر مع النعناع أو الزعتر أو القرفة، حيث يساعد على تطهير المعدة من أي ميكروبات أو جراثيم.
- بالنسبة للحوامل أو مرضى القلب والكلى أو من يشكو من ارتفاع ضغط الدم فيجب تجنب تناول الأسماك المملحة أو غسل الفسيخ والملوحة والرنجة بالخل جيدًا مع عصير الليمون لتقليل نسبة الملوحة في الأسماك وتناول كمية قليلة منها مع الإكثار من تناول الخس البلدي والخيار الطازج لتقليل سرعة امتصاص الجسم للأملاح الموجودة في الفسيخ.
- كمان تناول الملانة، وهي الحمص قبل تمام نضجه، لأنه عالي البروتين النباتي.
- ويجب على مرضى السرطان الابتعاد نهائيًا عن تناول الفسيخ والرنجة حيث إن الأسماك الزيتية تقلل من تأثير العلاج الكيماوي.
كل سنة وانتم كلكم طيبين، مهم جدًا تاخدوا بالكم من النصائح دي علشان اليوم يعدي بشكل لطيف وبأقل قدر ممكن من التعب.
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك