أمهات كتيير دلوقتي بيفضلوا يمشول بمنهج المنتسوري مع لادهم من أول ما الطفل يتولد وده للفوايد الكتير والتطوير في مهاراته اللي هتعود عليها لو طبقنا صح من أول اللعب اللي الطفل بيلعب بيها لحد طريقة ترتيب أوضة نوم البيبي، ده غير إن أنشطة ألعاب منتسوري بتساعد الطفل علي إكتشاف العالم بحواسه وبتساعد علي بناء الوصلات بين خلايا المخ وبتساعد في تطوير إستقلاله وإعتماده علي نفسه وزيادة ذكاء الأطفال.
في المقال ده هنقولك أهم 5 ألعاب منتسوري لأطفال عمر 6 شهور، طفلك البيبي يحب يلعبها وهتساعده علي تنمية مهاراته الحسية والذهنية وتساعدك في بداية رحلتك معاه في المنتسوري.
أفضل ألعاب منتسوري لأطفال عمر 6 شهور
- الصلصال:
أكتر نشاط متوفر وأسهلهم المهم اجيبي نوع أمان لأن الأطفال في سن 6 شهور بيحطوا كل حاجة في بقهم او ممكن تعمليه في البيت، اللعب بالصلصال بيساعد علي تقوية عضلات الإيدين وبيزود قدرته علي التحكم فيها.
المصدر: very well family – ألعاب منتسوري
- بوكس الأشكال:
ألعاب المنتسوري بيكون ليها دايما هدف تعليمي واللعبة ده من أكتر الألعاب المفيدة للطفل عشان يقدر يميز الأحجام والأشكال والألوان.
المصدر: pinterest – ألعاب منتسوري
- لعبة الشاكوش الخشب:
اللعبة ده الطفل بيضرب الكورة جوا الفتحة المخصصة ليها بإستخدام الشاكوش،اللعبةتبان بسيطة لكنها ليها فايدة كبيرة جدا في تنمية التوافق العضلي البصري للطفل، وتطوير فهمه لمبدأ السبب والنتيجة اللي بيثير فضول الأطفال جدا واللي بيختبروه دايما بفكرة رمي الأشياء، فاللعبة ده كمان بترضي فضول طبيعي عند الطفل.
المصدر: pinterest – ألعاب منتسوري
- مجسمات الحيوانات:
اللعبة ده اعتقد ميخلاش منها كل بيت من أيام ما كنا إحنا كمان صغيرين، وإنتي بتلعبي مع طفلك بيهم ركزي إنك تكرري عليه أصوات وأسامي الحيوانات ده وممكن كمان تستخدي فلاش كاردز موجود عليها صور حقيقية للحيوانات نفسها لسهولة الربط بينهم.
المصدر: what mom loves – ألعاب منتسوري
- المكعبات الخشب:
المكعبات عامة من اكتر الألعاب المفيدة للطفل واللي بتنمي الإبداع والتخيل عنده وبتطور مهاراته المختلفة، بس مهم نهتم وإحنا بنشتري نتاكد من مادة الصنع وإن الألوان اللي بتكون عليها ده امنة للأطفال لأنها هتطحط في بقهم كتير وطبعا تكون احجام كبيرة ما تتبلعش.
المصدر: أمازون – ألعاب منتسوري
وطبعا متنسيش غن مايفضلش ألعاب المنتسوري تتعامل معاملة اللعب العادية وتتحط في بوكس اللعب ويتقفل عليها! لأن منهج المنتسوري بيعتمد إن اللعب كلها تتحط مفرودة قصاد الطفل في مكان سهل يوصله وهو يختار اللعبة اللي يفضلها ويستخدمها، وممكن كمان تعملي عملية تبديل للعب بحيث إنه يكون متاح قصاده لعبتين أو تلاتة وبعد كام يوم نشيلهم ونطلع غيرهم عشان الطفل مايفقدش حماسه.
مصادر:
the montessori note book
montessori method
التعليق باستخدام حساب فيس بوك