محتويات المقال
فصل الصيف يعني بحر، ومادام رحنا البحر يبقى أكيد بنقضي وقت طويل جدًا على الشاطئ، وناس كتير بتقضي الوقت ده على الموبايلات والشاشات، وبتضيع على نفسها متعة ألعاب وأنشطة شاطئ البحر وعلشان كده مهم جدًا تكوني مجهزة برنامج ترفيهي مرن، علشان الوقت ده يكون ممتع لأقصى درجة، وأهم حاجة في البرنامج ده هي الألعاب والأنشطة المرحة، علشان كده هنقولك على ألعاب وأنشطة تقدري تمارسيها مع أسرتك وأطفالك على شاطئ البحر:
-
اللعب بالرمل
ألعاب وأنشطة مسلية على شاطئ البحر
الرمل هو أكتر حاجة متاحة في البحر، ومش محتاجة تكاليف كتير وأدوات غالية، ده غير إن اللعب بالرمل وفي الرمل مهم جدًا لتنشيط حواس الأطفال، وتقريبهم من الطبيعة، علشان كده تقدروا تلعبوا في الرمل سواء تبنوا أشكال، أو تغطوا بعض، او تعملوا حاجات مبتكرة، ممكن كمان تلعبوا xo، وكل الألعاب اللي بنلعبها بالورقة والقلم، تقدروا تلعبوها بالرمل.
هنا 10 ستايلات مختلفة للشاطئ .. على طريقة هادية غالب
-
سباق الجري
وده من الأنشطة اللي بتخليكم تبذلوا طاقة كبيرة، وتحسوا بمتعة أكبر، وتقدروا تبتكروا في السباق ده، زي إنكم تجروا وانتو شايلين أطفالكم، أو شايلين أزايز مياه بحر، أو تتسابقوا وإنتو بتجروا بالعكس.
-
لعبة خمّن الشخصية
ودي من اللعب اللي فيها تفاعل وتنشيط ذاكرة، وزيادة معلومات، ودي بتتلعب بإن في شخص يحط في باله شخصية معينة، ويبدأ بقية الأشخاص في تخمين مين الشخصية دي، عن طريق سؤاله أسئلة معينة توصلهم للشخصية دي.
-
التليفون البايظ
واللعبة دي بتكون عبارة عن دائرة أو صف من الأشخاص قاعدين جنب بعض، وحد يوشوش اللي جنبه بكلمة، ويفضل كل واحد يوشوش اللي بعده، لحد ما آخر واحد يقول الكلمة وصلته إيه، واللي غالبًا بتوصل مختلفة تمًاما.
-
العب التقليدية على البحر
زي بدون كلام، ولعبة تحدي الصراحة، تماثيل اسكندرية، لعبة “أيّ”.
قوليلنا إيه الأنشطة المرحة اللي انتي بتمارسيها على الشاطئ؟
ودي مقالات هتفيدك عن الصيف والمصيف:
- أجمد أماكن بيع شنط البحر بالأسعار .. دقوا الشماسي
- مايوه شرعي: أكثر من 10 أماكن لشراء البوركيني أون لاين
- أجمد 14 مكان تشتري منهم آيس كريم في الصيف!
- أفضل أنواع الصن البلوك لبشرتك بالأسعار
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك