ألوان صبغات الشعر لها موضات وبتتغير من سنة لسنة. وألوان شعر 2022 كلها بنيات بدرجات مختلفة وتنويعات من ألوان تانية مع البني أو أساسها البني. يعني السنة دي مش هتحتاجي ألوان صبغة الشعر على قد ما هتحتاجي البني. فلو شعرك بني، هاقول لك ألوان صبغات شعر 2022 اللي هتحتاجي تنوعي بيها وتجددي اللوك.
ألوان صبغات شعر 2022
جريچ
جريچ هو اللون اللي بين البيج والرمادي. بانصحك لو هتجربي اللون ده سواء في الشعر كله أو في الأطراف، تعملي ده في صالون للشعر مش في البيت لإن درجة اللون محتاجة حد محترف عشان يجيبها.
اعرفي من هنا صبغات شعر طبيعية لو عندك حساسية من صبغة الشعر
الشاي بلبن
اسم عجيب على صبغة شعر، مش كده؟ 🙂 هو لإنه لون الشاي بلبن بيسموه كده.
بني مفحم
بني مسود أو مفحم. وبيكون أحلى لو عملتي معاه هايلايت آش أو بلوند عشان يبرز اللون، ويكمل اللوك.
بني روز
لون في منتهى الأنوثة والجرأة، لكن خدي بالك إنه هيحتاج مجهود على شعرك عشان يلقط الدرجة بالظبط، فممكن يجهد الشعراية. وكمان اللون مش بيليق على كل درجات البشرة.
اعرفي من هنا ألوان صبغات شعر تليق على البشرة السمراء.
شوكولاتة
لون دافي وهادي وجميل ومش جرئ قوي، وفي نفس الوقت مش تقليدي زي المايلين للأصفر، يعني لو شغلك بيتطلب منك تكوني دايمًا فورمال، مش هيضايقك.
بني نيود
بيسموه كده لإنهم محايد ولا أشقر ولا دافي ومحمر.
خايفة تصبغي شعرك كله؟ أفكار لصبغات أطراف الشعر فقط
بروند
بروند دي جاية من كلمتين: brown وblonde يعني بني وأشقر زي ما احنا شايفين.
البندقي
لون البندق سواء في جزء من الشعر أو في الشعر كله موضة 2022 وبيجمع بين الدفا والأشقر.
آش بروند
فاكرين البروند اللي قلنا عليه البني والأشقر، ده بقى بني وأشقر رمادي. برضه من الألوان الموضة في 2022 ومن اللي يفضل دايمًا تعمليها في صالون. 
الأحمر
الشعر الأحمر موضته ما بتبطلش أبدًا. دايمًا في الموضة وحلو وموجود.
لافندر
بنفسجي لعشاق التميز، يفضل تعمليه هايلايت أو نص الشعر بس الأول عشان تشوفي لو لايق عليكي.
التعليق باستخدام حساب فيس بوك