واضح إنه فيروس كورونا مكمّل معانا.. وواضح إنه يعد رمضان الدنيا هتبدأ تعود تدريجيًا لحالتها الطبيعية وكتير ممنا ممكن يضطروا ينزلوا يعملوا مشاوريرهم الأساسية وكمان ممكن الشركات تبدأ تنزّل الموظفين.. وللسبب ده هيظهر الاحتياج الكبير لارتداء الكمامات القماش.. ناس كتير بيلاقوا صعوبة في إيجاد الكمامات الورقية بالإضافة لإنها ساعات بتتباع بسعر مكلّف وده هيخلينا يمكن نحتاج الكمامات القماش الفترة الجاية بكثرة.
مركز مكافحة الأمراض والوقاية CDC بيوصي دلوقتي باستخدام الكمامات القماش وكاتب مجموعة من النصايح:
- 1-الكمامة بتكون عبارة عن كذا طبقة علشان تمنع وصول الرذاذ.
- 2-لازم تكون الكمامة القماش بتسمح بالتنفس بسهولة.
- 4-لازم تكون خامتها قوية بتسمح بالغسيل المتكرر والغسيل في الغسالة كافي لتعقيمها لإن الصابون بيعقم.
- 5-ما ينفعش تتلبس لأطفال أقل من سنتين أو مرضى الجهاز التنفسي أو لحد مش في وعيه أو لأي حد مش هيعرف يلبسها ويقلعها صح.
- 6-أثناء خلعها.. لازم نتجنب إنه الجزء الخارجي المعرض للهواء والمكيروبات بلمس الأنف او العين أو الفم.
- 7- لبس الكمامة دي إجراء وقائي وما بنعاملهاش ككمامة طبية.. يعني مش كفاية في المستشفيات ولا للدكاترة ولا واحنا بنتعامل مع شخص مصاب بكورونا أو عامل عملية.. إلخ.
في الرابط ده هتلاقوا طريقة إزاي تعلملوا الكمامة في البيت لوحدكم من مركز مكافحة الأمراض والوقاية CDC
فيه مشروعات ابتدت توفر الكمامات القماشية ومنهم Nine&Beyond للمصممة سارة طولان. كمامات سارة مناسبة للكبار والصغار وبيعاد غسيلها ومصنوعة من القطن المطاط.
أما بالنسبة للأطفال ففيه مجموعة مختلفة ومميزة جدًا عند Kiddie Toys Store وممكن طباعة أشكال كارتونية أولادك بيحبوها علشان يتشجعوا يلبسوا الكمامة.
ودلوقتي قوليلنا هل هتجربي تشتري أو تعملي بنفسك كمامة قماش؟
1 comment
[…] […]