حقن السيولة واحدة من من العلاجات اللي ممكن تتوصف للسيدة الحامل في حالة وجود خطر لتجلط أو تخثر الدم، خصوصًا إن الحمل وبسبب هرموناته بيزود من لزوجة الدم 4 مرات أكتر من الوضع الطبيعي. ولأن الحمل دايمًا حالة خاصة، فكل دوا تاخده الأم أو يتوصف ليها لازم يكون بحرص شديد وتحت إشراف طبي كامل. فتعالي النهارده نتكلم عن إبر السيولة للحامل وتأثيرها من حيث الفوائد والأضرار.
مثبتات الحمل: كل شيء عن حبوب وحقن تثبيت الحمل
ما هي إبر السيولة؟
ده أول سؤال بيجي على البال أول ما تتوصف الإبر دي، الحقيقة هي عبارة عن مواد بتساعد على تخفيف لزوجة الدم. وبالتالي تساعد أكتر على تدفق الدم بسلاسة خلال الأوردة والشرايين، بجانب إنها لتحافظ على منع تكون الجلطات. بتعتبر بشكل أساسي إنها بتتوصف لأصحاب أمراض القلب والأوعية، بجانب إنها بتحمي من خطورة الإصابة بنوبات قلبية أو سكتات دماغية. بس على الرغم من كل الفوائد دي، هي ليها جانب خطير ما ينفعش يتم التغافل عنه. علشان كده، من المهم جدًا إنك تقومي بكل التحاليل اللي يطلبها الطبيب، وتعرفيه تاريخك المرضي، وطبعًا تاريخ أسرتك المرضي.
حالات يمنع فيها استخدام حقنة الظهر “الإبيديورال”
أشهر مضادات التجلط
في مصر هنا، بتعتبر حقنة الكلكسان هي أشهر مضاد للتجلط أو تخثر الدم في السوق المصرية. وزي ما قلنا قبل كده إن حقن مضادات التجلط مش بتناسب كل الحالات. علشان كده، كتير بيتم وصف حبوب الأسبرين كبديل ليها. صحيح مش نفس القوة لكنه آمن وفعال.
حقنة الرئة (كورتيزون) أثناء الحمل ليه تاخديها وإمتى؟
أضرار إبر السيولة للحامل / الآثار الجانبية
طيب دلوقتي ييجي السؤال إيه هي أضرار إبر السيولة، وده اللي هنقوله لك في النقاط التالية:
- احتمالية تعرض سن الإبرة للكسر جوه الجلد وده بسبب رقة السن، وده ممكن يسبب تورم الجلد وانتفاخه.
- احمرار الجلد وخروج إفرازات غريبة منه.
- دخول الإبرة في واحد من الأعصاب تحت الجلد وده ممكن يعرضه للتلف.
- ارتفاع درجة حرارة الجسم وممكن الإصابة بالحمى.
- الإصابة بالعطس والكحة.
- ظهور صعوبة في التنفس وانقطاع النفس.
- ظهور أثر على الجلد في مكان الحقن.
- تورم في الوجه أو الشفايف.
أنا حامل ومأخدتش حقنة RH .. أهم المعلومات عن الحقنة
أماكن حقن إبر السيولة للحامل
دلوقتي محتاجين نعرف الحقن دي بتتحقن ازاي، هو حسب الدكاترة. فإبر السيولة تعتبر من أنواع الحقن اللي بتحقن تحت الجلد – في الطبقة الدهنية اللي بتفصل بين العضلات والجلد. علشان كده، لازم تتحقن في واحدة من الأماكن دي:
- البطن وتحديدًا في المنطقة السفلية من البطن.
- الفخذ وتحديدًا في نص الفخذ.
- الذراع وتحديدًا أعلى الذراع (في المنطقة اللي بين الكتف والكوع).
- الظهر وتحديدًا في منطقة أسفل الظهر بين الوسط وأعلى المؤخرة.
خطوات حقن إبر السيولة
دلوقتي تعالي نعرّفك ازاي بتكون الطريقة الصحيحة للحقن
- اغسلي إيديكي وعقميهم كويس ولازم يكونوا جافين لمنع انتقال أي جراثيم أو بكتيريا.
- امسحي الجلد اللي هيتم فيه الحقن بالكحول.
- سيبي الجلد يجف من أثر الكحول قبل الحقن.
- خرجي الإبرة من غلافها واتأكدي من إفراغها من الهوا تمامًا.
- هتمسكي الإبرة كويس بإيد، وبالإيد التانية باستخدام السبابة والإبهام هتمسكي جلد وتشديه لبره.
- دخلي الحقنة بزاوية 45 درجة او 90 درجة في الجلد والضغط ببطء على السرنجة باستخدام الإبهام علشان تدخلي الدواء للجسم.
- بعد ما تخلصي اللي في الحقنة، اسحبي الإبرة بهدوء من الجسم.
- الضغط على مكان الحقن بقطعة قطن لفترة قصيرة علشان تمنعي أي نزيف خفيف من الإبرة.
إمتى توقف الحامل إبرة السيولة؟
- لازم يتوقف أخذها قبل الولادة بيوم أو إتنين لو الولادة قيصري، أو ظهور أي أعراض للولادة.
- تتوقف الحامل عن استخدام إبر السيولة، في نهاية الشهر الثامن وبداية الشهر التاسع، وتتناول أدوية شبه مضادات التجلط، ولكن بفاعلية أقل زي الهيبارين.
- تتوقف نهائي عن استخدامها قبل الولادة بساعات، وده بيكون خوف من تعرض الحامل إلى نزيف خطير، وإتاحة الفرصة برضه لاستخدام إبرة الظهر لتتم الولادة بشكل أسهل.
طريقة التعامل مع ارتفاع ضغط الدم في الحمل
أغذية تساعد على سيولة الدم للحامل
في الآخر دلوقتي هنقول لك على شوية أغذية تدخليها في نظامك الغذائي هتساعد جدًا على تقليل تجلط الدم، زي مثلًا:
- فيتامين c في البرتقال والجوافة والليمون.
- الفواكه والخضروات، ومنتجات الألبان علشان الكالسيوم، مع تناول الحبوب والبقوليات، زي العدس والحمص والفول.
- تناول اللحوم الحمراء والبيضاء، وشرب أكتر من لتر من المياه خلال ساعات النهار.
- الكركم وده لاحتوائه على الكركمين اللي له خصائص مضادة للتجلط وممكن تمنع تجلط الدم.
- الزنجبيل: نظرًا لاحتوائه على الساليسيلات، واللي لها خصائص مضادة للالتهابات ممكن أنها تمنع تجلط الدم، حاولي إنك تبدئي يومك بشاي الزنجبيل.
- الثوم: له خصائص مضادة للتجلط ممكن أنها تقلل من تكوين جلطة الدم.
- سمك السلمون: الأطعمة اللي بتحتوي على نسبة عالية من أحماض أوميجا 3 زي السلمون والتونة بتساعد على خفض مستويات الكوليسترول في الجسم، وهي من أفضل الأطعمة اللي بتزود من سيولة الدم.
أكلات ممنوعة للحامل في التلت الأخير من الحمل
التعليق باستخدام حساب فيس بوك