محتويات المقال
من أكتر الحاجات اللي الولاد بيتبسطوا بيها هي إنهم يشوفوا الحيوانات اللي بيحبوها على الحقيقة، فلو ولادك بيحبوا الحيوانات هنعرفك في الموضوع ده على أماكن خروج للأطفال فيها حيوانات تخرجي فيها مع ولادك جوه القاهرة.
فاميلي بارك – الرحاب
مصدر الصورة: فاميلي بارك
فاميلي بارك معروفة بالمناظر الطبيعية الجميلة والأماكن الواسعة عشان الولاد يلعبوا فيها غير حديقة الحيوانات الصغيرة اللي الولاد ممكن يأكلوا الحيوانات فيها ويتعرفوا على أنواع العصافير المختلفة.
سعر تذكرة الدخول بخمسين جنيه ومجاني للأطفال تحت أربع سنين.
رقم التليفون: 01159661880
الصفحة الرسمية: Family Park
Kidzoo مدينة العبور
مصدر الصورة: Kidzoo
كيدزو هي مزرعة حيوانات بيها حيوانات كتير زي المعزة والخرفان والبقر والحمار والأرانب والبط، الأطفال هيستمتعوا بوقتهم جدًا بعيد عن الموبايلات والتلفزيون وكمان هيقدروا يأكلوا الحيوانات بأمان.
رقم التليفون: 01001036083
الصفحة الرسمية: Kidzoo
Nemo Farm طريق إسماعيلية الصحراوي
مصدر الصورة: مزرعة نيمو
مزرعة نيمو موجودة في طريق إسماعيلية قدام الأكوابارك، المزرعة فيها حيوانات كتير زي الجمل والحصان وكمان طيور النورس، الولاد هيستمتعوا بالحيوانات وكمان الأنشطة المتنوعة اللي بيقدموها هناك.
رقم التليفون: 01001444018 و 01001331133
الصفحة الرسمية: Nemo’s Farm
Sakkara Country Club المريوطية
مصدر الصورة: Sakkara Country Club
ميزة المكان إنه ممكن تقضي اليوم كله هناك سواء هتخلي ولادك يركبوا خيل أو يستمتعوا بركوب البيتش باجي أو حتى يقضوا وقت في حمام السباحة.
رقم التليفون: 01281234567
الصفحة الرسمية: Sakkara Country Club
Dondon Park المريوطية
مصدر الصورة: Dondon Park
المكان بيتميز بإنه واسع ومفتوح تقدري تستمتعي مع ولادك بركوب الخيل وأكل وعمل الفطير والعيش وكمان فيه أعمال يدوية زي الفخار.
رقم التليفون: 01007079485
الصفحة الرسمية: Dondon Park
Fagnoon طريق المنصورية
مصدر الصورة: Ise.org
فجنون معروفة بنشاطاتها الفنية والأعمال اليدوية الطمي وعشان فجنون محاطة بأماكن زراعية كتير فهتلاقيحيوانات كتير زي الحصان والحمار والماعز.
رقم التليفون: 01005293822
الصفحة الرسمية: Fagnoon Arts
Ski Egypt 6 أكتوبر
مصدر الصورة: Ski Egypt
المكان مش بس هتقدري تعملي فيه Skiing مع ولادك ولكن هتقدري كمان تشوفي البطاريق.
الموقع الرسمي: Ski Egypt
Africa Park طريق أسكندرية الصحراوي
مصدر الصورة: Africa Park
أفريقا بارك مكان واسع ومفتوح وولادك هيستمتعوا بيه جدًا وفيه حيوانات برية كتير زي النمور والأسود والحمار المخطط والغزال وغيرهم كتير.
الصفحة الرسمية: Africa Park
أهرامات الجيزة
مصدر الصورة: tumblr
الفسحة عند أهرامات الجيزة هتكون فرصة حلوة إن الولاد يتعلموا أكتر عن حضارتنا الفرعونية وكمان هيستمتعوا بالمناظر الصحراوية وركوب الخيل والجمال.
التعليق باستخدام حساب فيس بوك