محتويات المقال
مش هتسافري السنة دي المصيف وعايزة تغيري جو؟ إحنا جبنا ليكي قائمة بالأماكن اللي تقدري تروحيها جوه القاهرة وتستمتعي فيها بDay Use على البيسين مع ولادك أو إنتي وجوزك لوحدكم أو مع صحباتك.. اقري المقال ده عشان تعرفي الأماكن وشاركينا تجربتك في كومنت لو زورتي مكان منهم قبل كده.
أشهر أماكن داي يوز Day Use في القاهرة:
- Tolip Family Park Hotel
- Helnan Dream Hotel
- Family Treat
- Helnan Landmark New Cairo
- Le Passage Cairo Hotel & Casino
- Villa Belle Epoque
- Holdiay Inn Cairo Maadi
- InterContinental Cairo Semiramis
- Rehana Plaza Hotel
- The Westin Cairo Golf Resort
- Jw Marriot
- مجمع النسور
- Renaissance Cairo Mirage City Hotel
- Forever Young Dance Studio
- Anapos
-
Tolip Family Park Hotel
ممكن تستمتعي مع ولادك بيوم على الـPool في فندق توليب وفي غرفة دوبل من الساعة 10 الصبح لـ6 وجمبك على طول هيكون موجود الفاميلي بارك اللي ممكن ولادك يروحوا يكملوا اليوم في التنطيط واللعب الكتيرر فيها بالمراجيح والألعاب المائية وكمان يتفرجوا على الحيوانات ويقضوا يوم مختلف ولطيف.
السعر: 900 جنيه غرفة دوبل لفردين (من غير الوجبات أو المشروبات)
رقم التليفون: 01002315656 / 0224775250 / 01067060741
-
Helnan Dream Hotel
لو إنتي من سكان أكتوبر ونفسك تقضي يوم لطيف على الـPool ممكن تروحي Helnan Dream وتستجمي في الغرفة أو على حمام السباحة وتجربي المنيو اللطيف من المطعم بتاعهم.
السعر: 666 جنيه من 10ص لـ6م لفردين وأطفال تحت سن 6 سنوات مجانًا (من غير الوجبات أو المشروبات)
رقم التليفون: 01272206853
-
Family Treat
هنا التجربة هتكون مختلفة شوية لانك هتأجري فيلا Day Use كلها هتكون خاصة بيكي وملكك اليوم كله، هتقدري تنزلي مع ولادك البسين وممكن تستمتعوا بباربكيو واللعب في الجاردن، الفيلا بتستوعب 25 فرد فممكن تروحي مع صحابك وقرايبك وتقضوا يوم لطيف هناك.
السعر: 3200 جنيه و3500 للويك اند. (الحجز بيكون قبلها ب 10 أيام)
رقم التليفون: 01064557878
-
Helnan Landmark New Cairo
البيسين هيجيلك وإنتي في قلب التجمع لو مش هتسافري السنة دي المصيف، لو إنتي من سكان مدينة نصر أو التجمع Helnan Landmark هيكون قريب ومناسب ليكي.
السعر: 900 جنيه من 10ص لـ6م ل4 أفراد والأطفال تحت سن 6 سنوات مجاني بحد أقصى طفلين.
رقم التليفون: 01222229155
-
Le Passage Cairo Hotel & Casino
فندق Le Passage برضو من الفنادق المشهورة في القاهرة اللي ممكن تستمتعي بيها بيوم على حمام السباحة مع ولادك من 10ص ل_7م.
السعر: 1200 جنيه (بدون المشروبات أو الوجبات)
رقم التليفون: 2270099
-
Villa Belle Époque
في قلب المعادي هتلاقي الفندق اللي هياخدك لأيام الزمن الجميل بديكوراته الرائعة وأكله اللي تحسه معمول في البيت، وكمان فيه حمام سباحة لو حبيتي.
السعر: 900 جنيه للفرد غرفة سينجل، 1500 جنيه فردين غرفة دوبل من 9 ل 5 (200 جنيه متضمنة للمطعم)
رقم التليفون: 23580265
-
Holiday Inn Cairo Maadi
الفيو بتاع حمام السباحة في أوتيل Holiday INN جميل جدًا لانه بيطل على النيل وكمان موقعه على كورنيش النيل في المعادي لو إنتي من السكان هناك.
السعر: الفردين في الغرفة الدوبل ب990 في الأيام العادية و1050 في الويك اند. (شامل سوفت درينك لكل فرد وسناكس) وبالنسبة للأطفال مجاني أقل من 6 سنين.
رقم التليفون: 0225260601
-
InterContinental Cairo Semiramis
قدام النيل وبيطل على برج القاهرة، هتستمتعي بوقت لطيف مع ولادك أو مع صحابك في الاوتيل في حمام السباحة.
السعر: 900 جنيه للفردين في الغرفة الدوبل.
الرقم: 27988000
-
Rehana Plaza Hotel
المكان قريب من مدينة نصر وكمان متاح ملاهي للأطفال ودي جي ونادي صحي ومطاعم مختلفة.
السعر: 600 جنيه للشاليه 4 أفراد شامل الدخول
التليفون: 01555069622 / 0224013295
-
The Westin Cairo Golf Resort
هتستمتعي في الاوتيل بحمام السباحة وسط منظر الخضرا الجميلة وملاعب الجولف في القطامية بالتجمع الخامس.
السعر: 1500 جنيه لفردين غرفة دوبل في الايام العادية و1700 جنيه في الويك اند.
رقم التليفون: 23228000
-
JW Marriot Cairo Hotel
لو ولادك نفسهم يروحوا بحر، هتلاقي في الـJW Marriot بحر صناعي وتقدري تتبسطي مع ولادك في البحر الصناعي أو حمام السباحة.
السعر: الغرف العادية 1900 لفردين وطفلين أقل من 12 سنة (ويك اند غير شامل المشروبات والوجبات) و1500 للأيام العادية
غرفة Cabana على حمام السابحة مباشرة ب2300 لفردين وطفلين أقل من 12 سنة ((ويك اند غير شامل المشروبات والوجبات) و1900 جنيه للأيام العادية.
الأرقام: 24115588
-
مجمع النسور
المكان موجود في شيراتون وممكن تستمتعي بيوم لطيف على حمام السباحة مع 5 أفراد وكمان تقدري تستمتعي بطعم الوجبات السريعة الموجودة في المجمع.
السعر: 800 جنيه لل5 أفراد في الغرفة.
رقم التليفون:24156518
-
Renaissance Cairo Mirage City Hotel
موقع الفندق مميز في ميراج سيتي لو عايزة تقضي يوم مميز في قلب القاهرة.
السعر: 1300 جنيه لفردين في الأيام العادية و 1500 جنيه في الويك اند، وطفلين تحت 12 سنة مجانًا.
الرقم: 24063333
-
Forever Young Dance Studio
التجربة هنا مختلفة شوية وليها خصوصية ليكي ولعيلتك لانك تقدري تأجري منطقة حمام السباحة، ومنطقة الشاور، والمطبخ والغرفة المكيفة (Ac room) وتقضوا يوم لطيف مع صحابك وقرايبك لوحدكم في الستوديو بمنطقة النرجس بالتجمع الخامس من الساعة 9 صباحًا ل 6 مساءًا
السعر: مجموعة من 1-5 أفراد: 1200 جنيه
مجموعة من 10 أشخاص: 2000 جنيه
الرقم: 0100047892
-
Anapos
المكان مخصص للكبار فقط من سن 21سنة+ فلو عايزة تقضي يوم في مكان مختلف مع صحباتك أو جوزك، هتقضي وقت لطيف في Anapos اللي كله أجواء بحر في قلب المعادي على باخرة Blue Nile من 9ص ل 7ونص وكمان ممكن تستمتعي مع صحابك في يوم الـLadies Only.
الأسعار: 400 جنيه الأيام العادية و600 جنيه خميس جمعة سبت.
الرقم: 01278500050
التعليق باستخدام حساب فيس بوك