محتويات المقال
الصيف يعني مصيف.. طب والشتا؟ يعني مشتى، عادي يعني! زي ما فيه أماكن تسافري فيها عشان تفصلي في الصيف، فيه أماكن سفر في مصر تقدري تسافري فيها في الشتاء وتستمتعي بالجو الدافي الجميل. في المقال ده، هنقول لك 5 أماكن سياحية جوه مصر تسافري لهم في الشتا.
أجمل أماكن سفر في مصر للشتا والربيع
- العين السخنة.
- دهب.
- شرم الشيخ.
- واحة سيوة.
- أسكندرية.
العين السخنة
أماكن سفر في مصر – العين السخنة
لو سفرية ويك إند أو لونج ويك إند، العين السخنة أفضل اختيار لإنها قريبة فمش هيضيع منك وقت طويل في السفر لإنها قريبة نسبيًا من القاهرة خاصةً لو انتي من سكان شرق القاهرة (مدينة نصر ومصر الجديدة). جوها دافي ومياتها مع انعكاس الشمس بتبقى دافية.
استعدادات المصيف: تجهيز شنطة المصيف لولادك
دهب
أجمل أماكن سفر سياحية – دهب
دهب بتحتاج من 4 أيام لأسبوع عشان تروحي كل مكان فيها. لو هتروحي دهب، ما ينفعش ما تروحيش The Blue Lagoon وهو المكان اللي في الصورة. من أكتر الأماكن الممتعة في مصر، ومن أكتر الأماكن اللي هتستمعي ببحرها. لكن لازم تاخدي معاكي جزمة البحر أو تشتريها من هناك لإن معظم الشواطيء صخرية فممكن تجرح رجليكي.
بالفيديو: حيل بسيطة وسريعة.. تجهيز وترتيب شنطة السفر
شرم الشيخ
أجمل أماكن سفر سياحية في مصر – شرم الشيخ
برضه سفرية شرم الشيخ محتاجة أكتر من أربع أيام عشان تكوني لفيتيها واسمتعتي بيها. من أجمل الأماكن السياحية في مصر ومن أجمل الأماكن من حيث البحر والدفا، عشان كده يعتبر مشتى أكتر منه مصيف.
واحة سيوة
أماكن سفر في مصر – سيوة
من أجمل الأماكن في الدنيا كلها من غير مبالغة. تجربة فريدة من نوعها في الجو وفي المناظر وفي الأكل. لو انتي ما بتحبيش الهدوء أو بتتوتري وبتملي منه، ما تطوليش هناك. لازم تجربي الاستشفاء على الطريقة السيوية.
15 مكان للسفر مع أطفالك في أجازة نص السنة
أسكندرية
أماكن سفر في الشتاء – الأسكندرية
محبوبة المثقفين ومعشوقة الأسكندرانية نفسهم. من أكتر المحافظات اللي سكانها عندهم اعتزاز فظيع بمحافظتهم. وأينعم هي مصيف لكتير جدًا من الشعب المصري، لكن أسكندرية في الشتا حاجة تانية خالص. مش هتعرفي قوي تنزلي الميا إلا لو انتي سباحة لإنها هتكون باردة. لكن كفاية القعدة قدام البحر والانبساط بالتمشية والأكل.
التعليق باستخدام حساب فيس بوك