سبوع البيبي من أحلى العادات اللي كل أم بتحلم بيها من وهي حتي حامل، تفاصيل اليوم وقائمة المعزومين، الأغاني والديكورات ومستلزمات سبوع البيبي من ملبس وهدايا وبنبونيرات تتوزع على المعازيم. وبالرغم من إن دلوقتي انتشر كتير حفلات تانية للبيبي غير السبوع زي البيبي شاور لكن كتير بيحرص على الحفاظ على التقاليد والعادات الحلوة بتاعت السبوع. وطبعًا مفيش سبوع هيتعمل من غير البونبونيرة بتاعت المولود والهدايا الصغيرة اللي بتتوزع على الأطفال المعزومين، وعشان تعملي الحاجات دي لسبوع المولود هتحتاجي ميزانية بسيطة عشان لو هتعزمي عدد. اقري المقال ده عشان هنقولك على أفكار حلوة تعمليها للسبوع وكمان هنعرفك على أحسن أماكن تشتري منها مستلزمات سبوع المولود الجديد.
أجمد أماكن تشتري منها مستلزمات سبوع البيبي
- درب البرابرة
- محلات النزهة الجديدة
- محل أفراح درب البرابرة
درب البرابرة
أماكن شراء مستلزمات سبوع البيبي
درب البرابرة من أشهر أماكن شراء مستلزمات السبوع من الألف الى الياء، سواء أكسسوارات أو هدايا أو بونبونيرات أو حتى الحلويات. هتلاقي هناك أسعار مناسبة للجميع ومش محتاجة تلفي في أكتر من مكان عشان كل حاجة متوفرة هناك. درب البرابرة موجودة في ميدان العتبة جمب الموسكي قريبة من محطة رمسيس ويفضل لو هتروحيها يبقى معاكي عربية ولو معكيش عربية ممكن تروحي بالمترو.
محلات النزهة الجديدة
أماكن شراء مستلزمات سبوع البيبي
اشتهرت محلات النزهة الجديدة إنها بتحتوي على كل مستلزمات البيت والبيبي من الابرو للصاروخ، هتلافي محلات كتير جدًا هناك للعب وللديكورات والبلالين وكل حاجة ممكن تتخيليها لكل مستلزمات السبوع. غيه هناك برضو بعض المحلات اللي ممكن تشتري منها الملبس والشوكولاتات. عشان تروحي محلات النزهة الجديدة هتروحي مكان إسمه شارع طه حسين ومتفرع منه شوارع مليانة المحلات ومن ضمن العلامات المميزة للمنطقة هي مستشفى السعودي الألماني وحديقة السندباد سابقًا.
أقوى تخفيضات مامرز Mumerz على منتجات الأطفال والأمهات
محل أفراح درب البرابرة
وده من المحلات المشهورة جدًا في القاهرة لبيع مستلزمات الخبيز والحلويات، وكمان متوفر هناك ديكورات وبعص من مستلزمات السبوع. ليه كذا فرع زي فرع ميدان الجامع والشروق ومدينة نصر. وممكن تعرفي أكتر عن فروعهم من خلال صفحاتهم على الفيسبوك.
ازاي تعملي ميزانية الولادة وسبوع المولود الجديد
مش لازم عشان تشتري مستلزمات السبوع تروحي الأماكن البعيدة، ممكن تشتري من محلات الهدايا اللي بيكون سعرها معقول زي أخر العنقود حاجات بسيطة تقدري تلفيها في تول أو تحطيها في بوكس صغير كبونبونيرة المولود، وممكن تجيبي الملبس والبونبوني من أي محل حلويات. السبوع مش بالهدايا والأكل، السبوع بلمة العيلة والفرحة حوالين المولود وعادة لطيفة بناخد منها أحلى ذكريات وصور نفرجها على الطفل لما يكبر. وإنتي عرفينا في كومنت عملتي سبوع للبيبي ولا لأ واشتريتي المستلزمات منين.
دليلك لعمل سبوع مصري على طريقة جدتك
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك