أول ما نفكر في نيولوك للشعر بعد القص، أول حاجة بتيجي في بالنا إننا نعمل راستا، عمومًا ضفائر راستا الشعر هي البديل لفكرة القص في محاولات تغيير الشكل، واللي محدش يعرف إنه الراستا للشعر بعض الناس بتعتبرها هو الحل لطلبة المدارس ومع دخول الشتا، كحل موفر للمجهود والإرهاق الصباحي في تسريح الشعر. ضفاير الشعر للاطفال وللكبار، مناسبة لكل أطوال الشعر سواءً شعر قصير أو شعر طويل. باختصار بعد الراستا هتنسي فرش الشعر والتسريح لفترة مش قصيرة، وهتضمني لنفسك لوك جديد كليًا، ورغم كل التحذيرات إلا إن معظمنا بيدور كتير على أماكن راستا في القاهرة لأن فعلاُ في صالونات تجميل بتوعدك إنها لو اتعملت صح. هتتفاجئي بعد فكها بشعرك أطول، وإنها بتحمي الشعر من التقصف، غير إنها مش بتتفك غير لما صاحبها يقرر.
تحذيرات قبل عمل الراستا
عمل الراستا في أماكن غير مضمونة ممكن ييجي بنتيجة عكسية ويكون سبب في تعب الشعر، ولو اتعملت غلط بتكون سبب في صداع، وهي بتتعمل، لو حسيتي بصداع وانتي بتعمليها وقفي فورًا وارفضي تكملي، اتأكدي من الخامات ومن جودة المكان لإن الخامات الرخيصة هتكون سبب في التهابات، الراستا مش ضفاير وخلاص، ولو اتعملت غلط بتشد بصيلة الشعر فبتتقطع. في النهاية، بنرشحلك مجموعة من أشهر صالونات بتعمل ضفائر راستا في القاهرة لو قررتي تعملي نيولوك.
أفضل صالونات عمل راستا في القاهرة
- توينز راستا (Twins rasta)
- الراستا زون The Rasta Zone
- فاطيما راستا
- راستا جيجي Rasta gege
- شموس راستا
توينز راستا (Twins rasta)
توينز راستا – أماكن راستا في القاهرة
توينز راستا صالون محترف في عمل ضفائر الراستا ومتخصص فيها مش في أي حاجة تانية، بيعملوا ضفاير عادية، أو فرنسية أو ملونة أو كورنروز، غير إنهم بيجددوا الراستا القديمة عشان تبان جديدة مرة تانية. عنوانهم 2 شارع طه حسين متفرع من شارع أبو الفدا في الزمالك، وممكن تعرف عنهم أكتر من خلال صفحتهم من هنا.
الراستا زون The Rasta Zone
أماكن عمل راستا في القاهرة
واحدة من أفضل أماكن عمل الراستا بأنواعها، عنوانهم في 2 شارع الشيخ البابلي في حدائق القبة في القاهرة، ولو محتاجين تعرفوا عنهم أكتر ممكن تزوروا موقعهم الرسمي هنا.
اقري كمان: بالفيديو تسريحات شعر العيد للأطفال سهلة وبسيطة
فاطيما راستا
فاطيما راستا – أماكن عمل راستا في القاهرة
صالون Fatima Rasta واحدة من الصالونات المتخصصة بس في عمل الراستا والضفاير، للأطفال والكبار. مناسب جدًا للناس اللي ساكنة في منطقة أكتوبر تنجز وتعمل نيولوك ما ياخدش وقت طويل، عنوانهم 3 شارع عبد المنعم رياض متفرع من عبد الخالق ثروت في 6 أكتوبر، ممكن تعرفي عنهم أكتر من هنا.
شوفي: موضة ألوان صبغات شهر 2022
راستا جيجي Rasta gege
راستا جيجي
راستا جيجي بتوفر خدمات تزويد شعر أو خيوط وتركيب شعر طبيعي ثابت وكمان بتقدم خدمة إضافية وهي تركيب الرموش، تقدري تعرفي عنها أكتر وعن خدماتها من خلال المجموعة الخاصة بيها من هنا.
شموس راستا
شموس راستا
في شموس راستا ألوان واختيارات كتير وكمان عروض كتير جدا على الألوان المختلفة والكثافة المطلوبة، وعندهم عروض خاصة للصحاب، عنوانهم في المعادي وتقدري تعرفي عنهم أكتر وعن عروضهم من هنا.
التعليق باستخدام حساب فيس بوك