العين السخنة أفضل وجهة في مصر ليوم صد رد، أو زي ما نسميه داي يوز day use. بحر أحمر، مياه صافية، ورملة ناعمة بيضا وجميلة. فيو، وجو، وجمال مناسب تفصلي من كل توتر الشغل والبيت، عشان ترجعي فريش ومرتاحة وهادية. فسواء هتاخدي يوم في وسط الأسبوع أو تخطفي لونج ويك إند (خميس، جمعة، سبت)، هتلاقي هنا أماكن و فنادق العين السخنة تقدري تقيمي فيها يوم وليلة بأقل من 1000 جنيه. كل الأسعار المذكورة في المقال مؤكدة في وقت كتابة المقال، وكلها تشمل يوم وليلة لفردين بالغين.
أفضل أماكن داي يوز Day Use في القاهرة وأسعارها
فنادق العين السخنة أقل من 1000 جنيه في الليلة
- Special Chalets in Porto South Beach
- La Sirena Beach & Resort
- Pyramids Porto Ain Sokhna
- Porto El Jabal Hotel
استعدادات المصيف: تجهيز شنطة المصيف لولادك
Porto South Beach
شاليه مستقل بمساحة 77 متر مربع، أوضة نوم وحمام. سرير كبير مزدوج، وسرير صغير. سعر اليوم والليلة 700 جنيه.
La Sirena Beach & Resort
غرفة دوبل فيها سرير مزدوج، وسريرين صغيرين وبلكونة وتكييف وحمام وتليفزيون وميني بار. سعر اليوم والليلة 750 جنيه.
Pyramids Porto Ain Sokhna
شقة فندقية مساحتها 80 متر مربع، مطبخ وحمام ومسبح خاص (بيسين) وبلكونة بتشوف البحر والجنينة والجبل. مكيفة وفيها سرير كبير مزدوج وسريرين صغيري. سعر اليوم والليلة 940 جنيه.
Porto El Jabal Hotel
أوضة 30 متر فيه سرير مزودج كبير. لها بلكونة وبتطل على البحر والجبل. مكيفة وفيها سبا ولها حمام خاص. معزولة الصوت ولها تراس. سعر اليوم والليلة 940 جنيه.
بانصحك تشوفي مواقع الحجز المختلفة وتتصلي بالفنادق أو المنتجعات الواردة أسماءها عشان تعرفي لو فيه أي تخفيضات بمناسبات معينة. كمان، لازم تبقي متأكدة الجو هيكون أخباره إيه الأيام اللي هتسافريها عشان تحضري الشنطة على أساسها. اعرفي هنا موديلات مايوهات قطعة واحدة لصيف 2022.
التعليق باستخدام حساب فيس بوك