أمهات كتير جدا بتتخيل إن لبنها خفيف ومش بيشبع، والجملة دي تحديدا بتكون سبب رئيسي إن أطفال كتير جدا تتحول من الرضاعة الطبيعية للرضاعة الصناعية بدعوى إن الطفل مش بيكبر ولبن الأم مش بيكفيه ولا بيشبعه، يا ترى هل فعلا في لبن خفيف وإذا كان موجود هل ده مبرر كافي عشان نوقف رضاعة طبيعية وندخل لبن صناعي للطفل بهدف إنه يشبع؟
اقرأي أيضأ: أفضل 6 تمارين لتكبير الصدر في البيت سريعًا
رضعي طبيعي مهما حصل
الطفل بيتولد وعنده غريزة الرضاعة الطبيعية، إما إنك كأم تدعميها بوعي وذكاء من خلال طريقة جلوس سليمة وإنك ترضعيه بطريقة صح بحيث الهالة بالكامل تكون في بق البيبي، وتكون متأكدة إن لبنك هيغذيه ويشبعه مادمتي بصحة كويسة ومعندكيش مشاكل، والأهم إنك لو مش فاهمة أو مش عارفة ترضعي إزاي تلجأي لأستشاريين رضاعة طبيعية.
إمتى توقفي الرضاعة الطبيعية لو حصل حمل
هل في حاجة اسمها لبن خفيف؟
في الواقع هي معلومة خاطئة تماما، لبن الأم حتى لو بدا إنه خفيف أو لونه فاتح فهو بيفضل مغذي ومشبع للطفل، في الأساس لبن الأم هعو أحسن غذاء للطفل، ممكن يختلف في اللون والتركيز أثناء الرضاعة، بيكون خفيف في البداية عشان يروي عطش الطفل ويهيء معدته للرضاعة، لكن مع استمرار الرضاعة وبقاء الطفل على صدر أمه فترة كافية بيبدأ يتقل لحد لما الطفل يشبع ويبدأ يوصل للبن الدسم “التقيل” عشان يشبعه ويمده بالسعرات الحرارية اللي جسمه محتاجها في المرحلة دي من النمو.
اقرأي أيضأ: أكلات لزيادة لبن الأم من غير زيادة الوزن
ليه بعض الأمهات بتعتقد إن لبنها خفيف؟
الطبيعي إن الطفل يفضل على الصدر الواحد من 15 لـ 20 دقيقة وبعدين ينتقل للصدر التاني، لكن في أطفال بتنام في النص او بتزهق او بتتحرك كتير فتبطل رضاعة قبل مرور الـ 15 دقيقة الأولى، وده بيخليهم ياخدوا اللبن الخفيف اللي بينزل في بداية الرضعة فقط واللي بيكون سريع الهضم جدا وبالتالي مش بيشبعوا ولا بيكبروا بصورة كافية، لذلك المسألة محتاجة صبر بالمقام الأول، وهدوء وتركيز وكمان حساب الطفل فضل على الصدر الواحد قد إيه.
دليلك السريع لفطام طفلك من الرضاعة الطبيعية
إزاي تتأكدي إن طفلك بيشبع منك؟
- خليكي صبورة واحسبي طفلك قعد قد إيه على الصدر الواحد بحيث تتأكدي إنه قضى من 15 لـ 20يعني كل رضعة هتكون من صدر غير التاني.
- لو انتي من النوع الملول اللي بيزهق فدي أكتر حاجة هتخلي طفلك ميشبعش الرضاعة محتاجة صبر وهدوء ولطف غني لطفلك ولاعبيه وطبطبي عليه ولو نام صحيه المهم مايسيبش صدرك إلا وهو فاضي تماما
- لو لبنك قليل رضعي ابنك أكتر وده لان الصدر بينتج حليب على قد الطلب، فلو الطفل بيمص كتير هينزل له لبن أكتر.
- كلي كويس لأن صحتك الكويسة بوابتك لطفل صحته قوية
- الرضاعة بتكون كل ساعتين لتلات ساعات، ماتقلش عن كده وماتزيدش كمان
بالأسعار: أماكن بيع حمالات الصدر للرضاعة الطبيعية
راحة بالي هي منصة لراحة كل أم، انضمي لأكبر وأهم مجتمع دعم للأمهات في مصر هنا. وفري احتياجاتك ومصاريفك اليومية من خلال كارت خصومات راحة بالي هنا. اخسري وزن الحمل والرضاعة وكلي أكل صحي في برنامج رياضي ونظام غذائي متفصل على احتياجاتك هنا.
التعليق باستخدام حساب فيس بوك