أدوات المكياج متنوعة جدًا وكتيرة، ومهما حاولتي تنظميها في الدرج، بترجه تتلخبط تاني، والمشكلة مش بتكون بس في شكلها غير المنظم، لكن مشكلتها الأساسية هي وقت الاستخدام، واللي بتقضي وقت طويل على ما تلاقي اللون اللي انتي محتاجاه، أو تشوفي الأداة المطلوبة. علشان كده النهارده هنقول لك على كل أنواع منظمات المكياج المتوفرة في السوق، علشان تقدري تقرري انتي محتاجة أنهي منظم مكياج منهم لتنظيم مكياجك.
-
منظم مكياج بلاستيك
منظم مكياج بلاستيك
والبلاستيك من الخامات العملية قوي في الاستخدام، لإنه مش بيتكسر بسهولة، وسهل التنضيف والغسيل، وتقدري تختاري منه اللون المناسب ليكي والمريح لعينك، علشان تقدري تشوفي محتوياته بسهولة، وحاولي تختاري منظم مكياج بلاستيك صناعته جيدة علشان ما يتعبكيش في الاستخدام.
-
منظم مكياج دوار
منظم ميكب دوار
وده من المنظمات المناسبة ليكي لو انتي بتستعملي الميك اب على طول، وهيسهل عليكي عملية التدوير على المكياج، لكنه محتاج مساحة مناسبة علشان ما يقعش أثناء الحركة، ولازم تكون صناعته كويسة علشان ما يتكسرش ولا يتفك مع الاستعمال.
-
منظم مكياج خشب
منظم خشب
ولو انتي من محبي الكلاسيكية، فمنظم المكياج الخشب هيكون الاختيار الأنسب ليكي، ومهم توفري له مكان مناسب، وتتأكدي إن فتح الأدراج بتاعته سهل وسلس. ولو هتعمليه عمولة بنفسك، فتقدري تختاري التقسيمات المناسبة ليكي على حسب أدوات المكياج بتاعتك.
اعرفي من هنا أجمد 10 أنواع ماسكرا في السوق المصري بالأسعار
-
منظم مكياج أكليريك
منظم أكليريك
وده ترندي جدًا دلوقتي، وهتلاقيه بيتباع في أغلب المحلات ومواقع الأونلاين، ومتوفر بتقسيمات متنوعة جدًا وألوان مبهجة قوي.
-
منظم خاص بفرش المكياج
منظم فرش المكياج
وده مناسب ليكي لو انتي محترفة ميك اب، وعندك أنواع وألوان ومقاسات من فرش المكياج، ففي الحالة دي انتي محتاجة لها منظم منفصل خاص بيها، وتقدري تجيبه طقم مع منظم المكياج الرئيسي أو شكل لوحده، على حسب ذوقك.
-
منظم مكياج كبير
منظم كبير
منظم ميكب كبير
لو مع الوقت لقيتي إن المنظمات الصغيرة مش مكفية مكياجك، وجبتي أكتر من منظم وبدأتي تتوهي بينهم. ففي الحالة دي، لازم تعرفي إنك محتاجة منظم مكياج كبير متقسم بأدراج، وطبعًا أحسن اختيار هي منظمات أيكيا، سلسة في الاستعمال وشكلها شيك وتقدري تجيبي لها منظمات داخلية لزيادة التنظيم.
التعليق باستخدام حساب فيس بوك