محتويات المقال
أكتر حاجة بتدور عليها الستات هي نضارة البشرة وجمال الشعر، واللي للأسف هما أكتر حاجتين بيتأثروا سلبًا من نمط حياة المرأة، فمع عدم الالتزام بنظام غذائي صحي، أو مع الضغوط الصحية والنفسية، بتبدأ السيدة -أيًا كان عمرها- تلاحظ إرهاق بشرتها والشكوى المعتادة: شعري بيقع.
ولو هي أم ومرت بمراحل الحمل والرضاعة فأكيد المشكلة هتكون مضاعفة، وعلشان “راحة بالي” دايمًا حاسه بكل بمشاكلك، هنقولك على حل فعّال لاستعادة صحة بشرتك وشعرك:
فيتامين سي:
دايمًا لما الدكتور بيكتبلنا فيتامين سي في الروشتة، بنحس إنه كاتب حاجة معتادة ومش شرط تكون فعّالة، أو بيجي في بالنا إنه دوا للبرد بس، لكن الحقيقة إن فيتامين سي مهم جدًا لصحة الشعر والبشرة، وقبل ما نقولك سبب أهميته لازم تعرفي الأول:
إيه هو فيتامين سي؟
هو فيتامين الجسم مش بينتجه، علشان كده الطريقة الوحيدة لوجوده في الجسم هو تناوله عن طريق الأطعمة الغنية بفيتامين سي أو عن طريق الأقراص.
والدكتورة باتريشيا ويكسلر، أخصائية الأمراض الجلدية في مدينة نيويورك بتقول: “فيتامين سي عنصر غذائي أساسي في إصلاح الأنسجة والإنتاج الأنزيمي للعديد من أجهزة الإرسال”. قصدها طبعًا أجهزة اللإرسال في الجسم واللي بتساعد على تجديد الخلايا والنمو والصحة.
الشعر:
الشعر بيتكون من بروتين أساسي اسمه “الكيراتين”، وأكتر حاجة بتحافظ على البروتين ده وتقوي بصيلات الشعر وتجدد الخلايا، هي الفيتامينات، وده اللي بيخلي الشعر مظهره صحي.
ولحد دلوقتي مفيش دليل علمي بيقول إن الفيتامينات بتساعد على نمو الشعر، لكن التجارب أثبتت أن تناول الفيتاميات والمكملات بيساعد جدًا في الحفاظ على صحة الشعر.
إيه تأثير فيتامين سي على الشعر؟
ناس كتير بتسمي فيتامين سي “الفيتامين البطل” علشان فوايده المذهلة، واللي منها إنه:
- بيساعد فيتامين سي على إنتاج الكولاجين، وهو جزء مهم في تكوين الشعر.
- بيساعد في إنتاج مضادات الأكسدة.
- بيساعد على امتصاص الحديد، واللي هو معدن أساسي لنمو الشعر.
- يمنع الشعر من الشيخوخة المبكرة.
إيه هي فوائد فيتامين سي للبشرة؟
الدكتورة ويكسلر بتقول: “يعزز فيتامين سي إنتاج الكولاجين ، الذي لديه القدرة على تكثيف الأدمة ، وتقليل الخطوط الدقيقة ، وهو ضروري لبشرة متينة وشابة”، والأدمة هي: الطبقة الوسطى في الجلد، واللي بتحتوي على الأوعية الدموية اللي بتزود الطبقة الخارجية بالدم،وبتحتوي كمان على بصيلات الشعر والنهايات العصبية.
ومن الفوائد المباشرة لفيتامين سي على البشرة:
- مضاد للأكسدة، يعني بيحمي الجلد من التلف اللي بيتعرض له نتيجة التعرض للأشعة فوق البنفسجية.
- بيمنع إنتاج الميلانين في الجلد، وده بيساعد على تفتيح البقع البينة وتوحيد لون البشرة.
- بيجدد الخلايا.
أدخل فيتامين سي جسمي عن طريق إيه؟
الأكل:
الفواكة الحمضية زي الليمون والبرتقال والطماطم والجوافة والبقدونس والفلفل الألوان، وده مهم جدًا للناس اللي معتمدة على نظام غذائي صحي طول الوقت لكامل أفراد الأسرة وتحت كل الظروف، لكن إذا ده مش متوفر بسبب سرعة الحياة وعدم توفر الوقت لتحضير الأكل الصحي طول الوقت وفي كل المناسبات، فلازم تدخل المكملات الغذائية والأدوية المحتوية على فيتامين سي مع الأكلات دي.
كبسولات:
ليه تاخدي كبسولات سي ريتارد؟
- لأنها كبسولات مش أقراص فوارة أو باودر في باكيت، فبتكون أسهل كتير في التناول خصوصًا لو برا البيت.
- كبسولات 500 مليجرام ممتدة المفعول، فالجسم بياخد احتياجه من فيتامين سي على وقت طويل مش في جرعة واحدة زي الفوار والباودر.
- مناسبة جدًا للناس اللي بتعاني من الحموضة، لأن الكبسولات مغطية الحمض اللي داخل للجسم واللي بيثير الحموضة طبعًا لو داخل بطريقة مباشرة.
- إحنا في وقت دخول الموجة التانية للكورونا ووقت دخول الشتاء ونزلات البرد، فلازم نكون متأكدين إن جسمنا بياخد كفايته من فيتامين سي.
- البشرة بتستفيد من فيتامين سي لو اتحط علها مباشرة أضعاف الاستفادة اللي بتحصل من التناول بالفم، علشان كده تقدري تفتحي كبسولة سي ريتارد وتدهني منها على بشرتك، وتقدري تخلطيها مع كريم الوجه اللي بتستعمليه وتدهني منها.
مع تمنياتنا ليكي ولأسرتك بتمام الصحة والعافية.
المصادر:
التعليق باستخدام حساب فيس بوك