محتويات المقال
القرنفل اسم لمّا بيتسمع فيه ناس بتترجم عندهم الكلمة إنها زهرة القرنفل، وناس تانية بيجي في دماغها مسمار القرنفل، وهو ده موضوعنا النهارده، مسمار القرنفل، واللي أخد اللقب ده بسبب شكله اللي فعلا شبه المسمار.
اعرفي كل فوائد الحلبة وازاي تستفيدي منها من غير أضرارها.
أغلب الناس القرنفل بالنسبة لهم مسكّن طبيعي لآلام الأسنان، بس هو في الحقيقة له فوائد تانية كتير بتشمل كافة جوانب الجسم، وده اللي هنحكي فيه مع بعض هنا، يمكن كمان لما تعرفي الفوائد دي نظرتك ليه تختلف، فتعالي نعرف مع بعض أهم فوائد القرنفل.
-
بيعزز من صحة الجهاز الهضمي:
دايمًا في الطب التقليدي أو اللي ممكن بنطلق عليه الطب الشعبي أو الطب القديم، كان القرنفل بيستخدم كواحد من العلاجات اللي بتساعد على التحكم في تقلبات الجهاز الهضمي، زي مثلًا لما احنا بنقول بشكل دارج بطني مقلوبة أو فيه شعور بالرغبة في القيء فشرب شاي القرنفل كان من الطرق الطبيعية الفعالة جدًا في مقاومة الحالة دي.
5 طرق مختلفة لعمل الشاي الأحمر.. كل مرة مزاج مختلف
-
مضاد للبكتيريا:
من مميزات القرنفل احتوائه على خصائص مطهرّة مقاومة للبكتيريا والجراثيم حتى إن فيه أوقات كان بيستخدم مسحوق القرنفل مباشرة على الجروح البسيطة للمساعدة على التئامها ومقاومة إصابتها بأي إصابة بكتيرية.
اعرفي من هنا فوائد زيت جوز الهند
-
بيحمي الكبد:
القرنفل من النباتات اللي قدرتها على مقاومة الأكسدة عالية جدًا، وده له دور قوي إن ما كانش أساسي في مقاومة الجذور الحرة اللي بتمشي في الجسم، واللي هي في حد ذاتها ليها دور في الإصابة بالأمراض المختلفة وظهور شيخوخة المبكرة، وعلشان المحتوى العالي ده من مضادات الأكسدة ده بيعمل على مساعدة وحماية الكبد من التخلص من الجذور الحرة.
رائحة الفم .. إزاي تحافظي على ريحة نفسك حلوة
-
بيسيطر على مرض السكر:
إدخال القرنفل في النظام الغذائي الخاص بمرضى السكر من النوع الثاني وجدت الأبحاث إنه بيساعد على تحسين معدلات الأنسولين في الدم، علشان كده بينصح بيه بشدة ليهم.
-
الحفاظ على صحة العظام:
فيه دراسات عديدة تم التوصية على إدخال القرنفل في النظام الغذائي سواء بالشرب أو إضافته للأكل للأشخاص اللي بيعانوا من هشاشة عظام أو معرضين ليها، ده لإن فيه مركبات بتساعد على الحفاظ على صحة وكثافة العظام.
اعرفي من هنا فوائد الرياضة للصحة النفسية
-
بيقوي المناعة:
المركبات اللي موجودة في القرنفل أثبتت قدرتها على تقوية جهاز المناعة من خلال زيادة إنتاج عدد لكرات الدم البيضاء اللي هي الأداة الأساسية في مقاومة الأمراض.
-
مضاد للالتهابات:
بيمتلك القرنفل خصائص مسكنة ومضادة للالتهابات المختلفة الجسم، يعني حتى لو عندك التهاب داخلي سواءً في المفاصل أو أي عضو داخلي تاني شرب شاي القرنفل بيساعد على تسكين الألم وتحفيف الالتهاب.
-
يؤثر على صحة الفم:
من الأمراض اللي يقدر القرنفل يقاومها هي أمراض الفم واللثة، ده لإنه عنده قدرة على مقاومة البكتيريا اللاهوائية اللي بتنمو في الفم واللي بيكون مسبب رئيسي للإصابة بالتهابات اللثة المختلفة. علشان كده، المضمضة بالقرنفل لها تأثير إيجابي جدًا سواءً كمسكن أو مطهر للفم.
وصفات طبيعية للقضاء على رائحة الفم الكريهة
-
للصحة الجنسية:
كان في الطب القديم بيتم استخدام خليط من مسحوق القرنفل وجوزة الطيب كواحدة من أقوى المنشطات الجنسية، وحاليًا في الطب الحديث وجد إن تاثير الخليط ده إيجابي جدًا ويكاد يقارب تأثير الأدوية الكيميائية اللي بتتاخد لنفس الهدف.
-
علاج للصداع:
ضيفي مسحوق القرنفل مع شوية ملح صخري على كوب من اللبن، المشروب ده له تاثير سريع جدًا وفعال مع الصداع.
اعرفي أهم فوائد البطيخ الصحية
بعد كل الفوائد دي، أظن في المرة اللي جاية وانتي رايحة تشتري حاجة البيت، لازم تجيبي قرنفل، لو عندك في المطبخ جوه قومي اعملي شاي وحطي فيه مسمارين قرنفل، واستمتعي بطعمه وفوائده مع بعض.
هنا كل إللي عايزة تعرفيه عن فوائد الجنزبيل
المصادر
www.verywellhealth.com
www.medicalnewstoday.com
www.organicfacts.net
www.healthline.com
التعليق باستخدام حساب فيس بوك