محتويات المقال
أورام الرحم الليفية هي أورام موجودة في الطبقة العضلية من الرحم، فالرحم بيتكون من 3 طبقات طبقة داخلية وطبقة وسطى بتتكون من عضلة كبيرة وطبقة خارجية.
الأورام بتحصل في الطبقة العضلية وعشان كده بتتسمى أورام ليفية لأنها بتكبر في ألياف العضلة اللي بتكون طبقة الرحم الوسطى، هي مش سرطان لأنها أورام حميدة ومش بتتحول لسرطان، بس عيبها إنها بتعمل مشاكل كتير للسيدة حسب حجمها ومكانها في الجسم.
مين اللي ممكن يصاب بالأورام الليفية؟
حوالي نص السيدات عند سن ال30 بتكون عندهم الأورام دي وحوالي 90 في الميه من السيدات حوالين سن الخمسين بتجيلهم الأورام دي، ورم واحد أو أكتر .
عشان كده السيدات لازم يتأكدوا إنهم ما عندهمش المشكلة دي لأنها بتسبب مشاكل تانية.
مين أكتر حد معرض للإصابة بالأورام دي في الرحم ؟
السبب في الأورام دي هو هرمون الاستروجين وهو هرمون الأنوثة فعشان كده كل السيدات ممكن يكونوا معرضات للإصابة، بس في سيدات بيكونوا أكتر عرضة لأسباب منها:
- العامل الوراثي زي إصابة الأم أو الأخت أو الخالة بأورام عضلية في الرحم بيزيد احتمال إصابة السيدة .
- السيدات اللي عندهم مشاكل في الوزن لأن زيادة الوزن ممكن تعمل مشاكل في الهرمونات وبتزيد من فرصة الاصابة بالأورام الرحمية، وبيتقال أحيانا إن الأكل اللي فيه لحوم حمراء كتير ممكن يزيد فرصة الإصابة.
العقم الثانوي: ليه فيه ستات بتخلف مرة واحدة بس؟
إيه هي أعراض الإصابة بالأورام الليفية؟
أعراض الأورام دي بتختلف حسب حجم الورم نفسه وحسب مكانه ففي أورام بيكون حجمها ملليمترات فمش بيكون منها مشاكل وفي أورام تانية بتكون قد البطيخة أو كرة القدم ففي الحالة دي هيبقى أكيد في مشكلات.
- في حالة أن الورم صغير وموجود على قمة الرحم مش هيسبب مشاكل.
- لو كان الورم في النص ومتوسط الحجم مش هيسبب مشكلة.
- اذا كان الورم كبير وبيسد مجرى قناة فالوب اللي بتوصل البويضة إلى الرحم فمعنى ده إنه هيأثرعلى الخصوبة لأنه بيكون سبب في إنسداد قنوات فالوب.
- في حالة الورم المعلق من أعلى الرحم ومتدلي بشكل يسد الرحم فدا هي اذا وجد فقد يسبب إجهاض.
- الورم لو موجود قريب من تجويف البطن بيسبب زيادة حجم البطن فمهما حاولت السيدة إنقاص وزنها بيفضل شكل البطن غير لطيف وممكن يأثر على العلاقة الزوجية فيسبب ألم أثناء الاتصال الجنسي وممكن يزيد من آلام الضهرلأن ثقل الرحم بيكون متعلق على الظهر بحزام فثقل الرحم بيخليه يشد على الظهر فيسبب الآلام وأحيانًا بتكون قاسية جداَ.
- أثناء الدورة الشهرية ممن الممكن إن الأورام دي وهي بتكون ملينة شعيرات دموية تشفط الدم من الجسم وتطلعه مع الدورة الشهرية فيحصل نزيف ممكن يفضل 7 أيام أو أكتر وبكميات دم كبيرة جدا فيسبب الأنيميا والإرهاق وقصر النفس وإن السيدة ما تقدرش تعمل الأعمال اليومية وكل دا بسبب حاجة موجودة في الرحم.
إيه هي الإبرة التفجيرية اللي بنسمع عنها؟
إزاي بيتم تشخيص الأورام الليفية؟
الأعراض ممكن تخلي الدكتور يعرف أن في مشكلة في الرحم بس بيتأكد بالتشخيص عن طريق موجات فوق صوتية وأحيانا لو شك إنه ما يقدرش يشوف كويس وإن في احتمال إنه ما يكونش مجرد ورم عضلي ويشك إن سرطان مثلا بعد الش،ر فوقتها بيطلب عينة من جدار الرحم أو منظار بالصبغة حسب الظروف.
تكيس المبايض: الأعراض والعلاج بالتفصيل
بنتمنالك كل الصحة والسعادة
المصادر:
التعليق باستخدام حساب فيس بوك