محتويات المقال
الأمهات الجداد، اللي أول بيبي لها وأول شهر، ولسه مش عارفة بالظبط المفروض تكون فين وتمسك البيبي ازاي وتقعد ازاي وهي بترضع الطفل رضاعة طبيعية، أحب الأول أقول لك إنك مش لوحدك، كل الأمهات الجداد بيشاركوكي نفس الأسئلة واللخبطة. وثانيًا تعالي أوريكي أوضاع الرضاعة الطبيعية بالكلام والصور عشان تتصوري الموضوع ويكون أسهل عليكي.
اعرفي هنا 10 مشروبات مهمة لا غنى عنها في فترة الرضاعة الطبيعية
أوضاع الرضاعة الطبيعية الصحيحة
الرضاعة الطبيعية النائمة
دي من أسهل أوضاع الرضاعة الطبيعية لإنه مريحة ليكي وللبيبي. عشان تعملي الوضع ده، نامي على السرير أو الكنبة وحطي مخدات تحت كتافك عشان تسندها. وعرّي صدرك وحطي خد البيبي عليه. امسكي الثدي بإيدك ومشّي الحلمة على شفايف البيبي عشان يفتحها ولقميه الثدي وابتدوا الرضاعة. خلي البيبي مرتاح على بطنه على بطنك ورجليه مرتاحة وراسه كمان مرتاحة.
اعرفي من هنا مشكلة الرضاعة من ثدي واحد واعرفي حلها
وضع المهد Cradle
اسمه المهد عشان بيكون على رجلك مخدة وهو عليها زي المهد .. زي سرير البيبي يعني. وانتي قاعدة أو ممددة رجلك، حطي مخدة وحطي عليها البيبي واحرصي إنك تعملي دعم لضهره ورقبته بإيدك. وإن وشه يكون لصدرك بالكامل، راس البيبي على دراعك من عند الكوع، وبقه على الحلمة، احرصي إن جسمه يكون على خط واحد.
اعرفي هنا ازاي تتعاملي مع تساقط الشعر أثناء الحمل والرضاعة
المهد المواجه Cross Cradle
زي ما هو باين في الصورة، الوضع ده مشابه للوضع اللي سابقه، لكن فيه تحكم أكبر في تلقيم البيبي الثدي، بيكون اعتمادك كله على إنك تسندي البيبي كويس وراسه في كف إيدك، وبإيدك التانية توجهي الثدي بحيث الحلمة تكون جوا بق الطفل.
وضع الكورة Football
أنسب وضع للمرضع اللي ولدت قيصري، لإن ما فيهاش ضغط على البطن خالص. اقعدي قعدة تريحك وحطي مخدة أو أكتر على يمينك أو شمالك، وحطي البيبي فوقها ولقميه الثدي. الوضع ده كمان هايل مع إرضاع التوأم، كل بيبي منهم هيكون على ناحية.
اعرفي هنا أكتر عن الرضاعة الطبيعية للتوأم.
المصدر
La Leche League International
التعليق باستخدام حساب فيس بوك